IMAM NYA IDE MIDYAI 1:9 - ALLAH NIHYET MEM TUNGWATU NYA

⁹ Noro ma no dima ba minyei bipiap bei ninghopti kin nindimuhum cem nipou ug e. Lene ma imam dima ndig sapi ningut titut kep hum ei nimbar hum dokti. Lene tuhan mijoi sut ninghap di ngge kei dima.

IMAM NYA IDE MIDYAI 1:9 ပူးပေါင်းရင်းမြစ်များ

NITRITI 8:21

Lene mikwau di noni ndig dima ngge kei bipwoi tuhan ningon leu api tuhan kan “Midimbriom dihyei drek dip tungwatu nya igyai munti nya bu bi sren. Dikan tut bipia tungwatu nya ikan-kan nyenti kinei bibor habiei ipilei kwei su. Midicok tut mun di ninnei tau nuhwap nsi nya bit leu nok gi po dicok tut yok pima bu bi sren.

NIBOHON MBEN ISRAEL GI NIGOM 6:34

kin Elkana kin Yeroham kin Eliel kin Toah kin Zuf kin Elkana kin Mahat kin Amasai kin Elkana kin Yoel kin Azarya kin Zefanya kin Tahat kin Asir kin Ebyasaf kin Korah kin Yizhar kin Kehat kin Lewi kin Yakub.

NIBOHON MBEN ISRAEL GI NICAN 4:6

Nibou Ndig Salomo bindei ba, ibon bokor ndig ningat simnai ba, ikes ningat muhwi ei tuhan De ig ei nite bei mpia nibiho lene ikes ningat muhwi bu ei nite bei mpia nijjai. Bokor ndig dima yok mem gima ibipiap kep mindhe di ikos kukiau bindig ei nimbar hum dok pima ei niti nok mun di ibikuk yok bak tuhan. Lene ibet minyei di jo ei bokor nijut bibor dimati ei mem gima imam nya ibipiap yonti.

MAZMUR 51:6

Dibon sisar tut Na di Allah Nangkom he ba, diyai mun di apai sut bipia kinei bibor tu. Gima rino ayai mun di igbit tirigi akes hukum ei da dip. Akos tutti nya sren-srau kei.

MAZMUR 66:15

Midijem mindhe-ndhe di pap nap kei nok kambir kin domba kin sapi nikre nya mem midut nindig mindhe titut ei nimbar hum dokti bidibikuk da biNani. Lene nimmup brou bikui ug ei mpia-bbed him.

NEHEI LEUSI 12:9

Suar indip domba dima titut yam bitut nibou kin nimig kin ninghop ba, igyem domba di indip dima lene ma igyem ngun au lene ikwen ei yengti cem au.

NEHEI LEUSI 29:18

Lene andig domba dima titut kep hum ei nimbar hum dokti nok nibon midut nindig mindhe titut kep humti. Lene midijoi sut ninghap di ngge kei dima.

NEHEI LEUSI 29:25

Lene ayai mun dima yok hagom hanyen leu yok leu api akes bijo ei mindhe ningut po andig kep hum pima dip lene andig hagom kep hum ei nimbar hum dokti. Lene midijoi sut ninghap di ngge kei dima.

YEREMIA 4:14

Je di timiei minu ndig Yerusalem e, ma jicom jide mun di kinei bibor leu jingonti leu binhyepo jingwes ngun. Jiku jide nikan-kan nyenti di kinei bibor dima ei jingonti ug bipek apig bu i?

YEHEZKIEL 20:28

Mpe dino dibuwak yok kwei ei minu di dipreu ei mem yok dini leu api ingat mbigdip di anai nya kin biei di nimeng nggrou nya lene ibon midut nindig mindhe-ndhe ei nimbar hum dokti mem ide kwar di ikuk yok bak ei mpia dima yok. Ibindei ba, digga yok drek dip ide midut dima yok kin anggur di ikwas tut kwar nya di ikuk yok bak.

YEHEZKIEL 20:41

Niabiati bu tirigi dibuwak je kwei leu minu di dibindei ntek gimahap je ug eisi nya tu ne midiba je bicom yam. Midijoi sut jide midut nindig mindhe-ndhe ei nimbar hum dokti nya. Leu api ngkiai nya yahagom mikan tut bipia Da dini ne Allah Di Kwes-Kwau ri.

YEHEZKIEL 40:38

Ninsi di ibikum eisi bu ei mpia di jo bas hak ei nisai ma kwei ibinut kin dimbou pmem ei nite bei mpia nijjai. Ninsi di ibikum eisi bu dima bon nide dimbou gom mem ibicoi. Ninsi dima rino mem ipiap mindhe-ndhe di ibui bindig ei nimbar hum dokti ninghui a.

IMAM NYA IDE MIDYAI 1:13

Noro ma no dima ba minyei bipiap bei ninghopti kin nindimuhum cem nipou ug e. Lene ma imam dima yai mindhe dima ningut titut bak tuhan leu api ndig kep hum ei nimbar hum dokti. Lene tuhan mijoi sut ninghap di ngge kei dima.

IMAM NYA IDE MIDYAI 1:17

Lene ma imam dima srat ha dima ningut hacan hammi ninyehei noro suar ninyehei nya jo nijoti ba, ndun him. Lene ma noni ndig hagom kep hum ei nimbar hum dokti. Lene tuhan mijoi sut ninghap di ngge kei dima.

IMAM NYA IDE MIDYAI 2:16

Lene ma imam gom kam gandum kin mini zaitun bitut biei nggrai di ui-gwang kei ei ninda bia bei gom bindig kep hum nok mun di bindo bipia no dima yai hagom bak tuhan.

IMAM NYA IDE MIDYAI 2:2

Lene ma noni yai hagom kwei bak imam di ntun Harun him gom. Lene ma imam dima kam tepun dima bitut mini zaitun kin biei nggrai di ui-gwang kei ei ninda bia bei gom bindig kep hum ei nimbar hum dokti nok mun di bindo bipia no dima yai hagom bak tuhan. Lene tuhan mijoi sut ninghap di ngge kei dima.

IMAM NYA IDE MIDYAI 2:9

Ma imam dima yai roti dima ndrim hi bindig kep hum ei nimbar hum dokti nok mun di bindo bipia no dima yai hagom bak tuhan. Lene tuhan mijoi sut ninghap di ngge kei dima.

IMAM NYA IDE MIDYAI 3:11

Lene ma imam dima ndig ninghui dini hagom kep hum ei nimbar hum dokti nok nibon midut nibiyai ningon kwes kin Allahti di no dima bon mem tuhan.

IMAM NYA IDE MIDYAI 3:5

Lene ma imam nya indig ninghui dini hagom kep hum bitut mun di nindigsi nya ei nimbar hum dokti. Lene tuhan mijoi sut ninghap di ngge kei dima.

IMAM NYA IDE MIDYAI 4:31

Lene ma imam dima digo nimmau hagom leu bit leu nok gi po noni digo nimmau mem nibon midut nibiyai ningon kwes kin Allahti pima leu api ndig hagom kep huma. Lene tuhan mijoi sut ninghap di ngge kei dima. Nok gima lene imam mibon midut mem limwa gom dima nide sisar di noni bon kin gi bisinggre bi dima leu binhyepo tuhan mikos ser nide sisar.

IMAM NYA IDE MIDYAI 6:14

Gini ne nicukti tut nibon midut njita nibipai sigyo bak Allahti mem tuhan. Suar no di ntun Harun him kon njita dima kwei ei nimbar hum dok nuhui.

IMAM NYA IDE MIDYAI 8:21

Tirigi noni ba minyei bipiap ninak kin nimig tu lene noni ndig domba nikre dima titut kep hum ei nimbar hum dokti bit leu nok tuhan nicukti. Lene tuhan joi sut ninghap di ngge kei dima.

IMAM NYA IDE MIDYAI 8:28

Lene Musa yai mun nyeng dima yok hagom hanyen leu yok leu api kes ei mindhe ningut po indig titut kep hum pima dip leu api noni ndig hagom kep hum ei nimbar hum dokti bita yok nok imam. Lene tuhan joi sut ninghap di ngge kei dima.

IMAM NYA IDE MIDYAI 9:14

Lene noni ba minyei bipiap ninghop kin nindimuhum leu api kon bijo ei ninghui nindigsi nya dip ei nimbar hum dokti bindig kep hum.

ZAKHARIA 13:7

tuhan Di Ninyeng Jei Bibor pai “Singau simeda e, ma akiju ba, ahwen gembala di yai midyai mem Da! Ayai nimai bak leu api ide domba nya mintek gimahap. Dihwen Ditde limwa nya ba,

MBEN ISRAEL IMBUT-MBUT NYEN 15:3

Ma jiba sapi nikre kin domba nikre kin domba pmot nikre kin kambir bikuk je bak tuhan mem nibon midut nindig mindhe titut kep hum kin nibon midut nibigo nehengti kin nibon midut nikwas mun mikuisi tut Allahti kin nibon midut di jibon kikep ngan-nganti nya. Lene mikwau di jindig dima ngge kei bipwoi tuhan ningona.

MBEN ISRAEL IMBUT-MBUT NYEN 28:11

Bikwop bed jep nimbie him lene suar ibui sapi pmot nikre ningut can kin domba nikre ningut gom kin domba pmot nikre di ide njap ug ei ari bingwam gom ningut muhwindacan mem nibon midut nindig mindhe titut kep humti ba, bikwop mindhe-ndhe dima hagom bok-ba bi.

MBEN ISRAEL IMBUT-MBUT NYEN 28:7

Suar ittei ba anggur ngei liter gom mem nibon midut niprok nimbar hum dokti ba, ibikrau kin domba pmot gi nigom pima.

MBEN ISRAEL IMBUT-MBUT NYEN 28:8

Suar ibui domba pmot gi nican pima mem nibon midut nindig mindhe titut kep humti mem mmunti noyam kin gi hi di ibui mem njap bigyokti ba, ibikrau kin ba anggur ngei cem. Lene tuhan joi sut mindhe di indig kep hum dima cem ninghap di ngge kei dima cem.

KORINTUS GI NICAN 2:15

Lewo inoyam kin biei nggrai di ui-gwang kei di Kristus ndig ei Allah Noho bei. Ninghap di ui-gwang kei dima kieng kep yo di ikak puig ug ei niyaijo kikauti kin yo di israwir nya di yuug dor humti.

EFESUS 5:2

Ma jiyai jinnei di mpung tut ningon ngakei yamti noyam kin Kristus di ningon ngakei nyeni. Noni kes niyaisi ei biya luei nye tereu nok mun di ngge kei di ibui bibam ei nimbar hum dokti di bipwoi Allah ningon.

NINDAT KEP TUHAN NICUKTI NYA 12:27

Lene ma jibon midut nindig mindhe-ndhe titut kep hum ei sirima. Lene ma jibon midut gi jiyem mindhe-ndhe ninghui lo, jisiber ninggrom ug ei nimbar hum dokti ei sirima cem.

FILIPI 4:18

Dingon cut hon mun di jikwas tut da ba, hagom nindig bibor bidor njiriek! Epafroditus pwoi mun di jikwas tut da hagom kwei bida tu ba, gima dem. Dinyeng tut mun di disuar nya hagom tu. Mun di jikwas tut da hagom noyam kin mindhe di ngge di ibui bibam ei nimbar hum dokti bou Allah niyai him ba, joi sut.