IMAM NYA IDE MIDYAI 1:5 - ALLAH NIHYET MEM TUNGWATU NYA

⁵ Lene ma noni bui sapi dima ei dimbou hui ei Prak Meng niyati leu api imam nya di intun Harun him migyai ninggrom bak tuhan leu api ibiprok nimbar hum dok di jo hammi dimbou hui ei Prak Meng niyati dima nitta bitaisi.

IMAM NYA IDE MIDYAI 1:5 ပူးပေါင်းရင်းမြစ်များ

NIBOHON MBEN ISRAEL GI NICAN 35:11

Ibui mindhe-ndhe kep nibon midut Njap Ndig Paskah. Lewi nya yeet mindhe ningkek leu lene imam nya iba mindhe ninggrom bigimahap nimbar hum dok nidip hu kwei.

NEHEI LEUSI 29:11

Lene abui sapi dima ei Doho bei hammi dimbou hui ei Prak Meng nuhui.

NEHEI LEUSI 29:16

Lene abui domba dima ba, ahek ninggrom leu api abiprok nimbar hum dok nitta bitaisi.

NEHEI LEUSI 40:6

Lene akon nimbar hum dok kwei ba, akes bijo ei Prak Meng nuhui.

YESAYA 52:15

Noro tini bu ne ngkiai nya imang bibor minggap leu tut noni ba, nibou ndig nya minga leu tut noni bikimut yuhuigya. Yoni mingig igyai kep noni leu api ingon dor niti tut mun di nipou ikan tut bi sren a.”

YEHEZKIEL 36:25

Gima ngwig lene midiba minyei di pimbai kei biprok je leu binhyepo jingon pwoi leu jide kwar nya kin mun nindigsi di bindei ba, map kui je tu nya.

YEHEZKIEL 43:18

tuhan Di Ninyeng Jei Bibor pai bida, “Na di tungwatu di ayaijo kikau bi e, angig atingou mem mun di dipai bina. Tirigi iwin nimbar hum dok dima biput tu lene suar apiga nimbar hum dok tug hon midut nindig mindhe-ndhe di ibui mem ibikuk yok biDa ei dip. Aba mindhe-ndhe dima yok ninggrom bigimahap nimbar hum dok ningat.

IMAM NYA IDE MIDYAI 1:11

Lene ma no dima bui mindhe dima ei nimbar hum dok nite bei mpia nijjai. Lene ma imam nya yehek ninggrom bibiprok nimbar hum dok nitta bitaisi.

IMAM NYA IDE MIDYAI 1:15

Lene ma imam gom krau ha dima kwei biya kui nimbar hum dok lene sibui nikimam leu api ndig nibou kep hum ei nimbar hum dokti. Lene ma noni pot ha dima ninggrom ba, biprok nimbar hum dok nitta.

IMAM NYA IDE MIDYAI 16:15

Gima ngwig lene ma Harun bui kambir mem nibon midut nibikos ser mben Israel ide sisar leu api hek ninggrom poi kwei ei Ninsi Di Kwes-Kwau bigimahap Brua Gi Preu nibeng kin nuhui cem bit leu nok niyaisi tug hon sapi nikre ninggrom pima.

IMAM NYA IDE MIDYAI 17:11

Bikwop mindhe di ninnei tau nuhwap nsi hagom ninnei no jo ei ninggromti. Gima rino tuhan cuk mben Israel leu binhyepo iba mindhe-ndhe ninggrom hagom biprok nimbar hum dok nidip leu binhyepo bidip tut Nide limwa nya ide sisar hagom. Ninggrom ne ninnei rin ba, ciu ser sisar.

IMAM NYA IDE MIDYAI 3:13

Lene ma noni kes ninda ei kambir dima nibou dip bibui hammi Prak Meng nuhui. Lene ma imam nya yehek ninggrom bibiprok nimbar hum dok nitta bitaisi.

IMAM NYA IDE MIDYAI 3:2

Lene ma no dima kes ninda ei sapi nibou dip leu api bui sapi dima ei bei dimbou hui ei tuhan De Prak Meng nuhuigya. Lene ma imam nya yehek ninggrom bibiprok nimbar hum dok nitta bitaisi.

IMAM NYA IDE MIDYAI 3:8

Lene ma noni kes ninda ei domba dima nibou dip bibui hammi Prak Meng nuhui. Lene ma imam nya yehek ninggrom bibiprok nimbar hum dok nitta bitaisi.

IMAM NYA IDE MIDYAI 4:29

Ma noni kes ninda ei kambir nibou dip bibui ei nimbar hum dok nite bei mpia nijjai ei mpia ttou nsi gom di imam nya idigo mindhe bindig titut kikep eisi.

IMAM NYA IDE MIDYAI 4:33

Ma noni kes ninda ei domba nibou dip bibui ei nimbar hum dok nite bei mpia nijjai ei mpia tou nsi di imam nya idigo mindhe bindig titut kikep eisi.

IMAM NYA IDE MIDYAI 4:7

Lene ma noni tur ninda pijum ei ninggrom pimati hanyen bidip ninggai di tug nimbar hum ndok mem biei nggrai ei Gumihyep Di Kwes him nuhuisi bitaisi. Lene ma noni hek sapi ninggrom niken ba, siber ei nimbar hum dok bei dimbou hui ei Prak Meng niyati dima nikiou.

MIKHA 6:6

Tirigi ikuk nye bak tuhan di ninyeng tak kep gwamti ne suar ipwoi mindei kwei bigyai biNoni i? Suar ijem sapi nehen pap di kei bibor kei nya di indig kep hum ei nimbar hum dokti tirigi ibikuk nye biNoni e?

MBEN ISRAEL IMBUT-MBUT NYEN 18:17

Noro disindui sut ba, iba mitiei bipek sapi kin domba kin kambir nihyen kep nipmot bou hanyen bi. Suar ibui mindhe-ndhe nihyen kep dima mem Dani lewo Ditde nya ri. Lene ma iba ninggrom dima biprok nimbar hum dok nitta leu api indig nimmau kep hum mem nibon midut njita nibipai sigyo bak Allahti. Lene midijoi sut ninghap di ngge kei dima.

IBRANI 10:11

Bikwop imam mben Yahudi yai kep midyai nya bikwop njap-njap ba, bon midut nibikos ser sisarti di noyam nyen-nyen bikwop ug. Noro bit bon midut dima bindei ba, tungwatu nya igyai niteu leu sisarti kan bi.

IBRANI 12:24

Jikwei ya hon Yesus di nyohou dimig gi preu nijep. Ninggrom di silipti biei salib preu ei mem nye tut mun di kei bibor dor njiriek mun di Habel ninggrom ndo tut.

PETRUS GI NIGOM 1:2

Icig Allah dimig je ei bit leu nikos tutti leu binhyepo jinok Nide limwa di ingon kwes nya tug hon Allah Ninnei ba, jibit Yesus Kristus nihyet cem bijiyai ningon kwes kin Noniti tug hon nimai ei biei salibti. Handei kon ba, Allah singat tut je bibor ba, biyai jingon di jo nyahan kei bikum eisi bu.

SAMUEL GI NIGOM 1:25

Tirigi ibui sapi dima bingwig lene ibuwak Samuel bindo noni bak Eli.