IMAM NYA IDE MIDYAI 1:4 - ALLAH NIHYET MEM TUNGWATU NYA

⁴ Lene ma noni kes ninda ei sapi nibou dip leu api tuhan ningon micut hon niyai munti dima bikos ser nide sisar.

IMAM NYA IDE MIDYAI 1:4 ပူးပေါင်းရင်းမြစ်များ

NEHEI LEUSI 28:38

Suar Harun ba penen dima bikri ningwak leu binhyepo Da di tuhan midijoi sut mun di mben Israel ikwas tut Da hagom bitut mun di ikwas tut Da ugwai-gwai bisinggre bi.

NEHEI LEUSI 29:10

Lene ajem sapi nikre pima kwei biya kui Ditde Prak Meng noho. Lene Harun kin nipmot bat nya ikes inda ei sapi nibou dip.

NEHEI LEUSI 29:15

Lene ajem domba nikre ningut gom kwei leu api acuk Harun kin nipmot bat nya bipia ikes inda ei domba nibou dip.

NEHEI LEUSI 29:19

Lene ajem domba nikre ningut gom kin bu di jibet ei mem nibon midut nita imamti pima kwei leu api acuk Harun kin nipmot bat nya bipia ikes inda ei domba dima cem nibou dip.

NEHEI LEUSI 29:33

Igyem mun di indig kep hum ei nimbar hum dokti mem nibon midut nibiyai nikos ser sisarti pima tirigi ata Harun nok imam. Apigig ser mun di indig kep hum nok gima ei ba, imam nya yongkom igyem kep.

YESAYA 56:7

“Midibuwak je ug ei Sion di nok Ditde nungug di kwes-kwau bidiyai ningon di nggei-hi-nggei bije ei Ditde Ig di ibon midut nya eisi. Midijoi sut jide midut nindig mindhe-ndhe ei Ditde nimbar hum dokti cem leu api tungwatu nya itri tut bipia tuhan De Ig rinok gumihyep mem mben yahagom ingat nadi eisi.”

YEHEZKIEL 45:15

Nitriti mem gima ibinai mindhe-ndhe nya di nok domba. Gino domba ningut sratus can lene ma ikwas ningut gom tut tuhan. Suar jikwas gandum mem midut njita nibipai sigyo bak Allahti kin mindhe mem midut nindig mindhe titut kep humti kin mindhe mem midut nibiyai ningon kwes kin Allahti tut Allah leu binhyepo Noni kos ser jide sisar di jibon nya. Gima ne Da di tuhan Di Dinyeng Jei Bibor dicuk jeti ri.

DANIEL 9:24

Allah kos tut bipia ug ei nijam ari bingwam nitindur sratus bitai ningot muhwindatai ne Noni kwek asut bat mben Israel nya kin jide minu ndig di kwes-kwau dima leu sisar kin mun di mbuk nya ri. Noni kos ser sisar leu api ta ninyeng tak kepti di sren-srau di jo ninno bijo kikau leu binhyepo ningat-hi-ngat bitut nimbot kepti dima dem igbit ba, Nide limwa nya ipiga tuhan De Ig di kwes-kwau hanyen ei mem Noni.

IMAM NYA IDE MIDYAI 16:21

Lene ma noni yok ninda hacem ei kambir nibou nggram him bipai jit mben Israel ide mun di kinei kin ide sisar kin ide naham nimbuk kep Dati hagom leu binhyepo kes hagom bijo ei kambir dima nibou dip. Gima ngwig lene ma tungwagom di imam ndo nipou su jem kambir dima ug ei nisai bijji kikau ug ei iggum ndigsi.

IMAM NYA IDE MIDYAI 16:24

Lene ma noni kek minyeiti ei mpia di kwes leu api juk nide sinsun hanyen. Gima ngwig lene ma noni hei ug ei nisai bibui mindhe hi mem nibon midut nibikos ser nide sisar ba, bibui mindhe hi mem nibon midut nibikos ser mben Israel ide sisar cem.

IMAM NYA IDE MIDYAI 22:21

Gino tungwagom jem mindhe di ibui kep nibon midut nibiyai ningon kwes kin Allahti bit leu nipreu ei mem tuhanti ba, bit leu nijoi sutti cem lene suar noni jem mindhe di kei di bon nibok-bati bi leu binhyepo tuhan ningon cut hon.

IMAM NYA IDE MIDYAI 22:27

tut sapi pmot kin domba pmot kin kambir pmot di sindi beb ba, suar ya bit nipmem mem njap muhwindacan ug e. Njap muhwindacan dima leu ug api dem mem jibui mindhe dima kep nibon midut njita nibipai sigyo bak Allahti.

IMAM NYA IDE MIDYAI 3:13

Lene ma noni kes ninda ei kambir dima nibou dip bibui hammi Prak Meng nuhui. Lene ma imam nya yehek ninggrom bibiprok nimbar hum dok nitta bitaisi.

IMAM NYA IDE MIDYAI 3:2

Lene ma no dima kes ninda ei sapi nibou dip leu api bui sapi dima ei bei dimbou hui ei tuhan De Prak Meng nuhuigya. Lene ma imam nya yehek ninggrom bibiprok nimbar hum dok nitta bitaisi.

IMAM NYA IDE MIDYAI 3:8

Lene ma noni kes ninda ei domba dima nibou dip bibui hammi Prak Meng nuhui. Lene ma imam nya yehek ninggrom bibiprok nimbar hum dok nitta bitaisi.

IMAM NYA IDE MIDYAI 4:15

Ma nibou mben Israel ikes inda ei sapi dima nibou dip bibui ei sirima.

IMAM NYA IDE MIDYAI 4:20

Ma Imam Nibou Ndig yai gini hagom bit leu nok niyai kepti tirigi po ndig sapi kep hum mem nide sisar pima. Nok gima lene Imam Nibou Ndig mibon midut mem mben Israel yahagom ide sisar di ibon kin gi ibisinggre bi dima leu binhyepo tuhan mikos ser ide sisar.

IMAM NYA IDE MIDYAI 4:24

Ma noni kes ninda ei kambir nibou dip bibui ei nimbar hum dok nite bei mpia nijjai ei mpia ttou nsi gom di imam nya idigo mindhe bindig titut kikep eisi.

IMAM NYA IDE MIDYAI 4:26

Lene ma imam dima ndig nimmau hagom kep hum ei nimbar hum dokti bit leu nok niyai kepti tirigi po noni ndig sapi kep hum mem nibon midut nibiyai ningon kwes kin Allahti pima. Nok gima lene imam mibon midut mem nibou mben Israel nide sisar di noni bon bisinggre bi dima leu binhyepo tuhan mikos ser nide sisar.

IMAM NYA IDE MIDYAI 4:29

Ma noni kes ninda ei kambir nibou dip bibui ei nimbar hum dok nite bei mpia nijjai ei mpia ttou nsi gom di imam nya idigo mindhe bindig titut kikep eisi.

IMAM NYA IDE MIDYAI 4:31

Lene ma imam dima digo nimmau hagom leu bit leu nok gi po noni digo nimmau mem nibon midut nibiyai ningon kwes kin Allahti pima leu api ndig hagom kep huma. Lene tuhan mijoi sut ninghap di ngge kei dima. Nok gima lene imam mibon midut mem limwa gom dima nide sisar di noni bon kin gi bisinggre bi dima leu binhyepo tuhan mikos ser nide sisar.

IMAM NYA IDE MIDYAI 4:33

Ma noni kes ninda ei domba nibou dip bibui ei nimbar hum dok nite bei mpia nijjai ei mpia tou nsi di imam nya idigo mindhe bindig titut kikep eisi.

IMAM NYA IDE MIDYAI 4:35

Lene ma imam dima digo nimmau hagom leu bit leu nok gi po noni digo nimmau leu mem nibon midut nibiyai ningon kwes kin Allahti pima leu api ndig hagom bitut njita di no dima yai bak tuhan kep hum. Nok gima lene imam mibon midut mem limwa gom dima nide sisar di noni bon kin gi bisinggre bi dima leu binhyepo tuhan mikos ser nide sisar.

IMAM NYA IDE MIDYAI 4:4

Ma noni jem sapi dima kwei biya tut kui dimbou ei tuhan De Prak Meng nuhuigya. Lene ma noni kes ninda ei sapi dima nibou dip bibui ei bei Prak Meng nuhui.

IMAM NYA IDE MIDYAI 5:6

Lene ma noni jem domba e, he kambir niwek e, ningut gom kwei bak tuhan biluei sisar dima. Lene suar imam bon midut nibiyai nikos ser sisarti leu binhyepo tuhan mikos ser no dima nide sisar.

IMAM NYA IDE MIDYAI 6:7

Lene ma imam bon midut nibiyai nikos ser sisarti dima mem no dima leu binhyepo tuhan mikos ser no dima nide sisar.

IMAM NYA IDE MIDYAI 8:14

Lene noni jem sapi nikre di nehen pap ningut gom kwei mem nibon midut nibiyai nikos ser sisarti leu api Harun kin nipmot bat nya ikes inda ei sapi nibou dip.

IMAM NYA IDE MIDYAI 8:18

Lene Musa jem domba nikre ningut gom mem nibon midut nindig mindhe titut kep humti kwei leu api Harun kin nipmot bat nya ikes inda ei nibou dip.

IMAM NYA IDE MIDYAI 8:22

Lene Musa jem domba nikre gi nican di noni bet ei mem gima bita imam nya kwei leu api Harun kin nipmot bat nya ikes inda ei nibou dip.

IMAM NYA IDE MIDYAI 9:7

Lene noni pai bak Harun “Aug ya kui nimbar hum dok ba, atin ei nibon midut nibiyai nikos ser sisarti kin nibon midut nindig mindhe titut kep hum leu binhyepo tuhan mikos ser ade sisar kin ade limwa nya ide sisar. Ma ayai hagom bit leu nok Noni nicuk nyeti.”

MBEN ISRAEL IMBUT-MBUT NYEN 15:25

Leu api suar imam bon midut nibiyai nikos ser sisarti mem limwa nya. Apino tuhan mikos ser ide sisar di ibon kin gi ibisinggre bi dima lewo ijem mindhe kwei mem nibon midut nibiyai nikos ser sisarti kin nibon midut nindig mindhe titut kep humti cem bak tuhan.

MBEN ISRAEL IMBUT-MBUT NYEN 15:28

Lene suar imam bon midut nibiyai nikos ser sisarti mem no dima ei tuhan Noho bei leu binhyepo tuhan kos ser nide sisar.

MBEN ISRAEL IMBUT-MBUT NYEN 25:13

Dikos tut noni kin nide nintun him yamti di ibram yam nya bipia inok imam bijo ninno bijo kikau lewo noni brim ningkek mem nide Allah binyohou dinyeng di jei bibor lene bindei ba, mben Israel igyai gi kos ser ide sisar.”

MBEN ISRAEL IMBUT-MBUT NYEN 8:10

Suar limwa nya ikes inda bijo ei Lewi nya ibou dip,

MBEN ISRAEL IMBUT-MBUT NYEN 8:12

Leu api suar Lewi nya ikes inda bijo ei sapi nikre ningut can dima ibou dip bibui sapi dima ningut gom mem nibon midut nibiyai nikos ser sisarti lene ibui ningut gom bu mem nibon midut nindig mindhe titut kep hum. Tug hon nibon midut dima lene abindei kwes Lewi nya.

ROMA 12:1

He disut bat jen, Allah singat tut nye nindig bibor. Gima rino dibidip huk je leu binhyepo jikes jenti njem ei mem Allah noyam kin mun di imam nya ikes ei nimbar hum dokti. Ma jidimig jenti njem ei mem Nide midyai nya leu api Noni mijoi sut je. Suar jiba nisinati dima bikuk je biNoni mungkun kei.

ROMA 3:25

Allah sindui sut Kristus Yesus ei leu api Yesus mai nok nimbiam bibindei ba, tungwatu igyai gi kos ser ide sisar drek dip ide niba ningon com Noniti. Allah yai nok gima leu binhyepo ndo ningon di sren-srau brei binye. Gi nipou kwei bipek ammani kep ne Allah om ningon tut tungwatu nya ide sisar bikes hukum ei yok dip bi.

ROMA 5:11

Lene gima he bi lewo ingon llei sut Allah nisingat tut nyeti di tug hon ide Tuhan Yesus Kristus lewo Noni bindei ba, Allah jem nisut bit nye.

FILIPI 4:18

Dingon cut hon mun di jikwas tut da ba, hagom nindig bibor bidor njiriek! Epafroditus pwoi mun di jikwas tut da hagom kwei bida tu ba, gima dem. Dinyeng tut mun di disuar nya hagom tu. Mun di jikwas tut da hagom noyam kin mindhe di ngge di ibui bibam ei nimbar hum dokti bou Allah niyai him ba, joi sut.

IBRANI 10:4

Lewo bit bon sapi kin kambir ninggrom piap sisar kan bi sren.

YOHANES GI NIGOM 2:2

Allah kos ser ide sisar tug hon Kristus Nonti di bindei dino ide sisar pror hak ba, gini mem nyengkom ide sisar he bi noro mem tungwatu nya yahagom ide sisar.