IMAM NYA IDE MIDYAI 1:3 - ALLAH NIHYET MEM TUNGWATU NYA

³ Gino noni jem nide sapi ningut gom kwei lene ma noni dimig nikre di bok-ba bi. Suar noni jem sapi dima kwei ba, ya tut kui dimbou ei tuhan De Prak Meng nuhui leu binhyepo tuhan joi sut noni.

IMAM NYA IDE MIDYAI 1:3 ပူးပေါင်းရင်းမြစ်များ

NITRITI 22:13

Lene Abraham kon nibou bingat lo, domba nikre hi riwar pai nibou nggaiti ei a. Lene ug kat leu api bui bidigo lene ndig kep hum ei nimbar hum dokti biluei nipmot Ishak.

NITRITI 22:2

Lene Allah binut bu bipai “Ma abuwak apmot gom ngat di Ishak di angon ce bi ba, juug ei dihyei Moria. Suar abui noni bit leu nok mindhe-ndhe di abui leu api andig kep hum ei nimbar hum dokti ei mbigdip di midindo binani yo.”

NITRITI 22:8

Lene Abraham buhup “Dwai. Allah Nonti mitin ei domba nimien hi mem sa yo.” Lene yahacem imbut kikau.

NITRITI 8:20

Lene Nuh dingug tig nindig bijo-jo yam dip bibingon nok nimbar hum dok leu api bui mindhe-ndhe kin ha di map kui bi nya hi gom hi gom bidigo leu api ndig hagom bak tuhan eisi.

NIBOHON MBEN ISRAEL GI NICAN 29:32

Yo dima ijem ide sapi nikre ningut ningot muhwindacan kin domba ningut sratus gom kin domba pmot ningut sratus can kwei bikwas hagom tut tuhan mem gima ibibon midut nindig mindhe titut ei nimbar hum dokti bak.

NIBOHON MBEN ISRAEL GI NICAN 35:12

Bikwop nimpung ig bei nsi di idem yam ei dima itug ndei mindhe ngot di mibui kep nibon midut nindig mindhe titut kep humti bak tuhan dima ningut gom-gom bidem yok kei. Tug hon nisinati dima lene bon yoni yahagom ibon midut nindig mindhe titut kep humti ba, ibikuk yok bak tuhan bit leu nikos tutti nya di tug hon Musa De Srat Nicukti Nya.

MAZMUR 110:3

Ade limwa nya minjei siceu bit na ei nungug tou di adimig ei su mem njap dino atin ei mem akon pran bit ade siceu nya. Pinai pilei nya di imangti dem kep nggou njap bigyoti minduk yam kwei ndam na.

MAZMUR 40:8

Lene dibuhup “tuhan e, da rini. Srat bokti di ipas ei srat kijumti pai,

NEHEI LEUSI 12:5

Lene suar jidimig domba di nide njap ug ei ari bingwam gom tu di bon nibokti kin nikruakti bi.

NEHEI LEUSI 24:5

Lene noni cuk pinai pilei nya ibou poi leu api igyai nibon midut nindig mindhe titut kep humti bak tuhan. Lene ibui sapi nikre hi kin bu mem nibon midut nibiyai ningon kwes kin Allahti.

NEHEI LEUSI 29:18

Lene andig domba dima titut kep hum ei nimbar hum dokti nok nibon midut nindig mindhe titut kep humti. Lene midijoi sut ninghap di ngge kei dima.

NEHEI LEUSI 29:4

Lene abuwak Harun kin nipmot bat nya kwei bigya kui dimbou hui ei Ditde Prak Meng nuhui. Lene ibon midut nikek minyeiti ei sirima.

NEHEI LEUSI 29:42

Ibui domba dima ba, indig kep hum ei nimbar hum dokti ei Doho bei hammi dimbou hui ei Ditde Prak Meng nuhui bijo ninno bijo kikau. Midiya um Ditde limwa nya ei mpia dima ba, midimbrap bit na ei sirima.

NEHEI LEUSI 32:6

Njap di hyep lene mben Israel ijem ide mindhe-ndhe ningut poi kwei ba, indig bihi kep hum lene ibam bihi di bindo bipia ingon kwes kin Allah ei nimbar hum dokti. Lene yahagom ikuk yok bigyem njita ba, idut mun di pu yok bindei yok leu api ikiju kui bigya ba, igyai nillei cem.

NEHEI LEUSI 35:21

Lene bikwop tungwatu di ingon huk niti ipwoi mun di ikwas tut tuhan kwei leu binhyepo tukan nya ibohok tuhan De Prak Meng. Ipwoi mun di isuar mem gima ibinggei sut Allah kin ibinap sinsun mem imam nya kwei.

NEHEI LEUSI 35:29

Bikwop yo di ingon huk niti yahagom ipwoi mun di ikwas tut tuhan kwei leu binhyepo tukan nya iba mun di ikwas dima biyai midyai bit leu nok tuhan nicuk Musati tu.

NEHEI LEUSI 35:5

Jittei mun di jikwas tut Allah kwei. Tungwa tou rino ningon huk niti lene ttei mun di noni kwas. Nok mas kin perak kin ngkimom-tembaga,

NEHEI LEUSI 36:3

Ba, Musa kes ndigban di mben Israel ikwas tut Allah mem gima ibohok Nide Prak Meng hagom ei tukan dima yok indati. Noro mben Israel ikum eisi bu bikwop njap bipwoi ndigban di ikwas tut Allah dor njiriek bu kwei tu

NEHEI LEUSI 38:1

Lene Bezaleel ba biei meng dia nisra bibon nimbar hum dok di nijeisi kin ninyanti meter can biniken ba, hacem noyam. Ba, nanaisi meter gom biniken.

YESAYA 1:11

Lewo Noni pai “Jikan bipia dijoi sut midut di jibon biDani ei nimbar hum dokti ninno tu nya e? Noro domba di jindig kep hum ei nimbar hum dokti nya kin ninggwo di jidigo leu sapi mien nya hagom nos Da. Jide sapi nikre kin domba kin kambir nya inggrom cem nos Da.

YEHEZKIEL 20:40

Lewo je di mben Israel jahagom mijikuk je biDa ei dihyei Israel kin Ditde nungug dip di kwes cem. Midingon kei sut jeni ei sirima bidijoi sut jide midut nindig mindhe-ndhe nya ei nimbar hum dokti nya kin jide munkwas di kei bibor nya kin jide mun di jiyai pijum biDa nya.

YEHEZKIEL 40:39

Meja bitai no jo ninsi ndig dima. Can jo nite hi lene can jo nite hi bu. Meja dima yok mem gima ibui mindhe-ndhe di indig kep hum ei nimbar hum dokti kin mindhe-ndhe di ibui mem midut nibiyai nikos ser sisarti kin mindhe-ndhe di ibui mem midut nibikum Allah de ningwam kin ide nitunggweisi cem.

IMAM NYA IDE MIDYAI 1:10

Gino tungwagom ba nide domba ningut gom e, he kambir ningut gom e, bikuk no bak tuhan lene ma noni dimig nikre di bok-ba bi.

IMAM NYA IDE MIDYAI 14:10

Lene ma noni jem domba pmot nikre ningut can kin niwek ningut gom di ide njap ug ei ari bingwam gom ba, bok-ba bi kwei ba, ttei tepun di mini zaitun srigsi kilo ningai kin mini zaitun ningei liter niken kwei mem njap gi nimuhwindaningai.

IMAM NYA IDE MIDYAI 16:7

Lene ma noni jem kambir ningut can pima ug ei Ditde Prak Meng nuhuigya.

IMAM NYA IDE MIDYAI 17:4

lo, jem mindhe dima kwei bak tuhan biya tut kui dimbou ei tuhan De Prak Meng nuhui bi lene no dima ba ninggrom di kiber dima bipigau tuhan nikos tutti nya. Suar jibibon no dima tereu nok no di nggre kin Allah de limwa nya bu bi.

IMAM NYA IDE MIDYAI 17:8

Gino mben Israel gom e, he ngkiai gom di bong timiei ei mben Israel ikieti e, ikwas mindhe mem nibon midut nindig mindhe kep humti kin nibon midut hiterti cem,

IMAM NYA IDE MIDYAI 17:9

tut tuhan lene suar noni bui mindhe nikwas dima ei bei dimbou tuhan De Prak Meng nuhuigya. Gino noni bui mindhe dima ei mpia ttou nsi hiter lene ma jibibon noni tereu nok no di nggre kin Allah de limwa nya bu bi.

IMAM NYA IDE MIDYAI 23:12

Njap dino jikon gandum nintam dima bijo nai ei Doho bei lene ma jibui domba nikre di nehen pap di nide njap ug ei ari bingwam gom he di bok-ba bi mem nibon midut nindig mindhe titut kep humti cem.

IMAM NYA IDE MIDYAI 23:18

Lene ma mben Israel ijem domba nehen pap di ide njap ug ei ari bingwam gom ningut muhwindacan kin sapi nikre ningut gom kin domba nikre ningut can di bok-ba bi kwei kin roti pima. Gini hagom mem nibon midut nindig mindhe titut kep hum ei Doho bei ri. Lene ma ibon midut njita nibipai sigyo bak Allahti ba, ibon midut ba anggur ngei nibipai sigyo bak Allahti cem. Lene midijoi sut ninghap di ngge kei dima.

IMAM NYA IDE MIDYAI 3:1

Tirigi tungwagom ba sapi ningut gom bikuk no bak tug hon nibon midut nibiyai ningon kwes kin Allahti lene ma noni jem nikre e, he niwek di bok-ba bi e, kwei.

IMAM NYA IDE MIDYAI 4:15

Ma nibou mben Israel ikes inda ei sapi dima nibou dip bibui ei sirima.

IMAM NYA IDE MIDYAI 4:23

hammi tirigi nide sisar dima jo nibreisi mem noni tu rino ma noni jem nide kambir nikre di bok-ba bi ningut gom kwei mem nibon midut nibiyai nide nikos ser sisarti.

IMAM NYA IDE MIDYAI 4:3

Gino no di bon sisar kin gi bisinggre bi dima ne Imam Nibou Ndig rin apino niyai munti dima bindei dino mben Israel yahagom ingon mui lene ma noni ndig sapi nikre di nehen pap di bok-ba bi ningut gom kep hum bak tuhan leu binhyepo Noni mikos ser Imam dima nide sisar.

IMAM NYA IDE MIDYAI 4:32

Ne gino no dima jem domba ningut gom kwei mem nibon midut nibiyai nide nikos ser sisarti dima lene ma domba dima niwek di bok-ba bi.

IMAM NYA IDE MIDYAI 5:15

Gino tungwagom ningon bbwe lene yai mun di bikos ser nide sisar bak tuhan bi kin gi bisinggre bi lene ma noni jem domba e, he kambir nikre ningut gom e, kwei nok mun di noni ngkwei hanyen bak tuhan mem nibon midut nibiyai nikos ser sisarti. Lene ma mindhe dima nibok bit leu nok nibok di ice tut mem tuhan De Prak Meng.

IMAM NYA IDE MIDYAI 5:18

Suar noni jem domba e, he kambir nikre di bok-ba bi ningut gom e, di nibok bit leu nok nibok di ice tut mem tuhan De Prak Meng kwei. Lene ma imam bon midut nibiyai nikos ser sisarti apino tuhan mikos ser no dima nide sisar di bon kin gi bisinggre bi dima.

IMAM NYA IDE MIDYAI 6:2

Gino tungwagom bon sisar tut tuhan nok gini lene ma noni tin ei mindhe mem nibon midut nibiyai nikos ser sisarti. Sisar dino tungwagom tug ndigban di nisut ba ningon com noni tut hanyen bak nisut bi kin sisar dino tungwagom nggimang nisut gom nide ndigban kin sisar dino tungwagom ba ndigban biris ei nisut dip,

IMAM NYA IDE MIDYAI 6:8

Lene tuhan sok nihyet bak Musa hanyen,

IMAM NYA IDE MIDYAI 7:16

Gino tungwagom jem nide mindhe kwei mem nibon midut nibiyai ningon kwes kin Allahti drek dip mun di noni preu ei tug hon gi heng ba, yai mikuisi cem lo, noni yem kep mikwau dima hagom mem njap di imam bui mikwau dima bindig kep hum bingwig bigyo leu api yem niken mem njap di hyep bu lene dem.

IMAM NYA IDE MIDYAI 8:18

Lene Musa jem domba nikre ningut gom mem nibon midut nindig mindhe titut kep humti kwei leu api Harun kin nipmot bat nya ikes inda ei nibou dip.

IMAM NYA IDE MIDYAI 8:21

Tirigi noni ba minyei bipiap ninak kin nimig tu lene noni ndig domba nikre dima titut kep hum ei nimbar hum dokti bit leu nok tuhan nicukti. Lene tuhan joi sut ninghap di ngge kei dima.

IMAM NYA IDE MIDYAI 9:2

Lene noni cuk Harun “Ma ajem sapi nikre nehen pap ningut gom kin domba nikre ningut gom ba, hacem ibok-ba bi kwei leu api abui hacem nok mun di abikuk na bak tuhan. Sapi nikre dima mem nibon midut nibiyai nikos ser sisarti lene domba nikre mem nibon midut nindig mindhe titut kep hum.

ZAKHARIA 13:7

tuhan Di Ninyeng Jei Bibor pai “Singau simeda e, ma akiju ba, ahwen gembala di yai midyai mem Da! Ayai nimai bak leu api ide domba nya mintek gimahap. Dihwen Ditde limwa nya ba,

MALEAKHI 1:14

Midisigion niris mun cig di nyeng tut nide mindhe di pap-nap kei bibor di noni bet ei mem Da noro ris lene ba mindhe di kinei bibor biluei bu leu api ttei gima mem bikuk no biDa! Lewo Dani ne Nibou Ndig Di Dinyeng Jei ba, mben dihyeisi dini hagom inggei sut Da.”

MBEN ISRAEL IMBUT-MBUT NYEN 15:3

Ma jiba sapi nikre kin domba nikre kin domba pmot nikre kin kambir bikuk je bak tuhan mem nibon midut nindig mindhe titut kep hum kin nibon midut nibigo nehengti kin nibon midut nikwas mun mikuisi tut Allahti kin nibon midut di jibon kikep ngan-nganti nya. Lene mikwau di jindig dima ngge kei bipwoi tuhan ningona.

MBEN ISRAEL IMBUT-MBUT NYEN 15:8

Gino mindhe pima ne sapi nikre mem nibon midut nindig mindhe titut kep hum kin nibon midut nibigo gau nipreu mun ei mem Allah kin nibon midut nibiyai ningon kwes kin tuhan cem rin,

MBEN ISRAEL IMBUT-MBUT NYEN 19:2

bigyai nicukti nya dini bak mben Israel. Ma jijem sapi niwek di bon ninta ngwoi ningut gom kwei. Lene ma sapi dima bok-ba ba, hi ngot biei niprion ei ninggibi dip cem bi sren.

MBEN ISRAEL IMBUT-MBUT NYEN 23:19

Allah kin tungwatu nya inoyam bi. Noni luei ningonti nyen ba, ris bak tungwatu nya kan bi. Noni yai hagom bit leu nok nipreu eisi tu! Tirigi Noni mbrap lene dem igbit nipaisi!

MBEN ISRAEL IMBUT-MBUT NYEN 23:27

Lene Balak pai bak Bileam “Akwei ba, suug ei gumihyep hiter bu. Mpaba Allah mice tut gima ambriom yok mem da ei sirima bu e?”

MBEN ISRAEL IMBUT-MBUT NYEN 23:3

Lene Bileam kuk Balak bipai binoni “Ma aya kui ade nimbar hum dok bibou duug tou kep gino tuhan joi sut da bindo ningon kanti bida ug e. Lene midikwei pai igbit ningon kanti hanyen bina. Gima rino Bileam nongkom kui kikau biya ei mbigdip.”

MBEN ISRAEL IMBUT-MBUT NYEN 23:30

Lene noni yai hagom bit leu nok Bileam nicuk noti. Noni bui sapi ningut gom kin domba ningut gom bindig kep hum ei nimbar hum dok muhwindacan dima gom-gomti.

MBEN ISRAEL IMBUT-MBUT NYEN 28:11

Bikwop bed jep nimbie him lene suar ibui sapi pmot nikre ningut can kin domba nikre ningut gom kin domba pmot nikre di ide njap ug ei ari bingwam gom ningut muhwindacan mem nibon midut nindig mindhe titut kep humti ba, bikwop mindhe-ndhe dima hagom bok-ba bi.

MBEN ISRAEL IMBUT-MBUT NYEN 28:19

Suar ibui sapi pmot nikre ningut can kin domba nikre ningut gom kin domba pmot nikre di ide njap dem ari bingwam gom ningut muhwindacan mem nibon midut nindig mindhe titut kep humti ba, bikwop mindhe-ndhe dima hagom bok-ba bi.

MBEN ISRAEL IMBUT-MBUT NYEN 28:31

Lene midut dima bitut nibon midut ba anggur ngei mikum ei nibon midut nindig mindhe titut kep humti kin nibon midut njita nibipai sigyo bak Allahti di jibon bikwop njap-njap.

MBEN ISRAEL IMBUT-MBUT NYEN 29:13

Ei njap gi nigom lene suar ibui sapi nipmot nikre ningut simnaibrimigningai kin domba nikre ningut can kin domba pmot nikre di ide njap dem ari bingwam gom ningut simnaibrimigtai mem nibon midut nindig mindhe titut kep humti ba, bikwop mindhe-ndhe dima hagom bok-ba bi. tuhan mijoi sut ninghap di ngge kei dima.

MBEN ISRAEL IMBUT-MBUT NYEN 29:2

Suar ibui sapi pmot nikre ningut gom kin domba nikre ningut gom kin domba pmot nikre di ide njap dem ari bingwam gom ningut muhwindacan mem nibon midut nindig mindhe titut kep humti ba, bikwop mindhe-ndhe dima hagom bok-ba bi. Lene tuhan mijoi sut ninghap di ngge kei dima.

LUKAS 1:35

Malaikati buhup “Ninnei Gi Kwes misrek kwei ei nani dip ba, Allah di Ninyeng Jei cem minggai na yo. Gima rino amunggwom di asrek tut dima miyai ninyeng Gi Kwes-Kwau cem Allah Nipmot cem.

YOHANES 1:36

Tirigi Yohanes ngat Yesus di njiriek noni lene pai “Domba Pmot Allah de pima rima!”

YOHANES 10:7

Gima rino Yesus pai biyok hanyen bu “Dipai nijit bije bipia Dani ne dimbou mem domba nya icoi kak ri.

YOHANES 10:9

Dani ne dimbou hui ri. Bikwop no di coi kak Da miyai niteu leu sisar kin niyaijo nijepti. Noni hei-hei nyen biyem njita nok gi dem.

KORINTUS GI NICAN 8:12

Gino jitin ei bijikwas munkwas tut yo di hiter kin jingon di gom lene Allah mijoi sut jide munkwas di jiyai bit leu jimati. Gino jima mun hi bi lene Noni yok ningon mem munkwas leu je bi.

KORINTUS GI NICAN 9:7

Suar tungwagom-gom kwas munkwas bit leu nijoi sutti. Ma noni ba nikou biyai bikan bipia hi wit huk noni tut au. Lewo Allah joi sut no di ba ningon di llei bikwas munkwas.

EFESUS 2:18

Nye di mben Yahudi kin ngkiai nya yahagom iba Allah Ninnei gom ndia biya ei Noho bei tug hon Kristus di ya hacan mem nye.

EFESUS 5:27

leu binhyepo Noni bindei ba, mbusyamei ya ei Noho bei kin gi kei-kau-kei ba, kwes-kwau ba, mun nyeng hi rap mbusyamei nitta ba, nirom kuisi bi.

NINDAT KEP TUHAN NICUKTI NYA 12:27

Lene ma jibon midut nindig mindhe-ndhe titut kep hum ei sirima. Lene ma jibon midut gi jiyem mindhe-ndhe ninghui lo, jisiber ninggrom ug ei nimbar hum dokti ei sirima cem.

NINDAT KEP TUHAN NICUKTI NYA 15:21

Noro gino mindhe-ndhe dima kinei nok nimig lit e, he niyai tu e, he bon nikineisi hi gom bu e, lene ma jiba mindhe-ndhe dima bikuk je bak jide tuhan Allah au.

NINDAT KEP TUHAN NICUKTI NYA 17:1

Ma jiba sapi kin domba di kinei bikuk je bak jide tuhan Allah au. Lewo Noni kou sut gima bibor.

IBRANI 7:26

Yesus dem mem gima yai midyai nok Imam Nibou Ndig biya hacan mem nye lewo ningon kwes-kwau cem yai mun tunggwei bibon sisar hi bi cem ba, kes dihyei di kinei dini ei leu api Allah kon Noni bikui njiriek mpia-bbed him.

IBRANI 9:14

Gino mindhe-ndhe inggrom kin atriem ndung sindem mem gima piap yo di map kui yokti lene jo nibreisi bipia Kristus ninggrom sindem bibor dor njiriek gima bu! Lewo Noni ba Allah Ninnei di niyaijo kikau bikes Nonti ei nok mun di kei-kau di ibui bibam ei Allah Noho bei. Kristus ninggrom piap ingon mien leu midut di sindem bi nya leu binhyepo inok awak mem Allah Di Niyaijo.