IMAM NYA IDE MIDYAI 1:1 - ALLAH NIHYET MEM TUNGWATU NYA

¹ Lene tuhan nihyet tibim kwei leu Prak Meng bihig Musa kwei lene tuhan tri tut Nide nicukti nya binoni,

IMAM NYA IDE MIDYAI 1:1 ပူးပေါင်းရင်းမြစ်များ

NIBOU NDIG NYA GI NICAN 16:13

Leu api noni bon midut nindig mindhe titut kep humti kin nibon midut njita nibipai sigyo bak Allahti cem ei nimbar hum dok dimati. Lene bon midut nikiber ba anggur ngei kin mindhe nggrom di isiber di indig ei nimbar hum dokti mem nibon midut nibiyai ningon kwes kin Allahti cem ei nimbar hum dok dima nidip a.

NIBOHON MBEN ISRAEL GI NICAN 29:32

Yo dima ijem ide sapi nikre ningut ningot muhwindacan kin domba ningut sratus gom kin domba pmot ningut sratus can kwei bikwas hagom tut tuhan mem gima ibibon midut nindig mindhe titut ei nimbar hum dokti bak.

NEHEI LEUSI 19:3

Lo bi lene Musa kui nungug dima buug um Allah. Lewo mpe dima lene tuhan pai kwei binoni leu nungug dip bisok nihyet ei noni dip bak mben Israel di intun Yakub him,

NEHEI LEUSI 24:12

Lene tuhan pai bak Musa “Ma akui kwei ei mbigdip dini lene midiyai tig mma can po dipas kep Ditde nicukti nya eisi pima bina. Diyai nicukti dini yok hagom bak mben Israel nok mun di bipingok ingonti.”

NEHEI LEUSI 25:22

Midiya um na hammi Brua dima nibeng lene midimbot kep tut Ditde niggai serti nya mem mben Israel bina tirigi dingat rin ei nai Brua dima nibeng dip ei kerub nya ikieti.”

NEHEI LEUSI 29:42

Ibui domba dima ba, indig kep hum ei nimbar hum dokti ei Doho bei hammi dimbou hui ei Ditde Prak Meng nuhui bijo ninno bijo kikau. Midiya um Ditde limwa nya ei mpia dima ba, midimbrap bit na ei sirima.

NEHEI LEUSI 3:4

Tirigi tuhan ngat lo, Musa sindi su no dideu mpia dima lene tuhan nihyet tibim kwei ndam noni leu warti bijem noni bipai “Musa e? Musa e?” Lene Musa miap bipai “We? Da rini.”

NEHEI LEUSI 33:7

Bikwop mpe dino mben Israel imbut ba, yohok ide prak meng yati hanyen bu lene Musa ug yai Prak Meng di noni piga ei pima bohok hanyen bijo minu ting leu nide limwa nya ide prak meng yati. Prak Meng dima ninyeng tuhan De Prak Meng. Tungwa tou rino ningon kiowi tut tuhan ningon kanti lene noni ug ei Prak Meng yati dima.

NEHEI LEUSI 39:32

Lene midyai dino yohok tuhan De Prak Meng dima hagom put tu. Mben Israel ibon hagom bit leu nok tuhan nicuk Musati.

NEHEI LEUSI 40:29

Lene ikon nimbar hum dok pima kwei bikes ei minghas dini nuhui bu. Lene noni bon midut nindig mindhe titut kep hum kin nibon midut njita nibipai sigyo bak Allah cem bit leu nok tuhan nicukti.

IMAM NYA IDE MIDYAI 7:38

tuhan yai nicuk yokti dini yok bak Musa ei Nungug Sinai ei njap po noni sok nihyet bak mben Israel tut nibon midut dini yok hagom tirigi po ingat rin ei iggum ndigsi Sinai pima.

IMAM NYA IDE MIDYAI 9:16

Nok gima cem noni jem mindhe di noni tin ei mem nibon midut nindig mindhe titut kep humti kwei leu api bui bit leu nok Musa nicuk noti.

MBEN ISRAEL IMBUT-MBUT NYEN 1:1

Ei ngon njap gi nigom ei bed gi nican ei ari bingwam gi nican niabiati mben Israel imbut leu minu Mesir lene tuhan mbrap bit Musa ei Nide Prak Meng nsi ei iggum ndigsi Sinai bipai,

MBEN ISRAEL IMBUT-MBUT NYEN 7:89

Bikwop mpe di Musa coi ug ei tuhan De Prak Meng nsi bimbrap bit tuhan lene noni miap tuhan nihyet di tibim kwei leu Brua Gi Preu nibeng dip ei kerub cin ikieti.

YOHANES 1:17

Ide Tuhan yai nicukti binye tug hon Musa noro ndo nisingat tut nyeti kin Allah de ningon gomti brei binye tug hon Yesus Kristus.

NINDAT KEP TUHAN NICUKTI NYA 27:6

Lewo suar jiba tig nitindur di jiba ngkimom nitu biheu bi dima biwin bikwop nimbar hum dok hagom mem jide tuhan Allah. Ma jibon midut gi nindig mindhe titut kep hum ei sirima.