IBRANI 9:27 - ALLAH NIHYET MEM TUNGWATU NYA

²⁷ Allah pai ei su bipia tungwatu nya yahagom imai mbigom ngat he leu api Noni mimbus ingonti.

IBRANI 9:27 ပူးပေါင်းရင်းမြစ်များ

NITRITI 3:19

Suar acom amuhup nindig bibor tirigi ayai miai ba, ahanggwap mbilen kikau bibou abingkwei hanyen ug ei dihyeiti lewo dibon nani leu dihyei dima. Dibon nani leu dihyei ba, mporo angkwei hanyen ug ei dihyeiti.”

SAMUEL GI NICAN 14:14

Nyeni yahagom mporo yuum igyaijo ningwig honti. Nyeni yahagom idem kep nok minyei di ikiber ei dihyeiti ba, bit bon hi mbus keyam hanyen bu kan bi. Allah cem giwin yo di imai nya bikiju ba, igyaijo hanyen bi. Gima rino nna ba na di Andigpoi anggok puig leu binhyepo no di com no ug ei ningkiaisi dima ngkwei hanyen.

AYUB 14:5

Akos tut nide njap nijeisi kin nide bed nimangti nipou su. Akos tut nide niyaijo nimbie him kin ningwigsi. Bit bon noni pigau akos tutti dima kan bi.

AYUB 19:25

Dikan tut bipia No Di Mbrap Gau da no rinaha ei gwamti. Noni mikwei mem njap ningwig honti bimbrap gau da ei dihyeisi dini.

AYUB 30:23

Dikan tut bipia akri da ug ei minu nimai ide. Gima ne mpia di mporo yo di yahagom midem yam eisi ri.

MAZMUR 89:48

Ma akan kep bipia jei bi ne dimai ba, apai tes nye di tungwatu biniyaijo kikau bi.

NIBA NINGON SRIP HUKTI 11:9

Na di pinjoi pilei yo e, ma angat angwes ei nijam di apileiti! Ma ayai nillei mem nijam di apileiti. Ma abit ade ningon joi sutti nya kin mun di kei di ayai ngat nya hagom. Noro ma ayok ngon kep bipia Allah di ningat rin ei gwamti mimbus angonti drek dip ade ningon joi sutti kin ayai munti nya hagom.

NIBA NINGON SRIP HUKTI 12:14

Allah mimbus ingonti tut igyai munti nya hagom bitut igyai munti di kei nya kin gi kinei nya di igyai brei kin gi hi di igyai niku cem hagom.

NIBA NINGON SRIP HUKTI 12:7

Nye di tungwatu ingut ngkwei hanyen binok dihyei ndung ei dihyei jou bit nimbie him leu api innei ngkwei hanyen ndam Allah di hi ninnei ei insi a.

NIBA NINGON SRIP HUKTI 3:2

nituti mem isrek kin nituti mem imai cem ba, nituti mem indim ningan kin nituti mem yohom mun di ita nya cem ba,

NIBA NINGON SRIP HUKTI 3:20

Yahacem idor ug ei mpia gom ngat. Intun dihyei ndung him habiei su leu api ingkwei hanyen binok dihyei ndung hanyen bu.

NIBA NINGON SRIP HUKTI 9:10

Ma ata abou ei ade midyai nyati sri lewo tungwatu nya igyai midyai cem ikan-kan nyen cem ingon dor niti cem ingon ki cem ei minu nimai nya ide bu bi. Ba, mporo ador ug ei sirima.

NIBA NINGON SRIP HUKTI 9:5

Igbit ri. Yo di igyaijo nya ikan tut bipia igyaijo ningwig honti mem kep ser yok. Noro yo di imai su nya ikan tut mun nyeng hi bi. Imuhup mitau biyok bu bi. Lewo hi di yok ngon kep nimai nya ide midyai di igyai nya bi.

LUKAS 20:32

Niabiati bu kibom di pijet pima cem mai.

KISAH 17:31

Lewo Noni kos tut bitto bou dima Noni ba ningon di sren-srau bibirop hanyen bak tungwatu dihyeisi dini yahagom tug hon tungwagom di Noni dimig ei dima. Noni ndo bindo bak tungwatu yahagom tirigi Noni win no dima leu nimai eisi.”

ROMA 2:5

Noro jingkek ndok bijingon tindak cem. Gima rino jikum ei jide hukumti mem Njap Ningwig Honti ei mpe dino Allah mindo ningon di sibui sut sisarti brei bak tungwatu nya bikes hukum di sren-srau ei yok dip.

ROMA 5:12

Sisar coi kwei ei dihyeisi dini tug hon tungwagom ba, nide sisar buwak nimaisi kwei. Leu api nimaisi kieng kep tungwatu yahagom lewo yahagom ibon sisar tu.

KORINTUS GI NIGOM 4:5

Gima rino ma jikos tut tungwatu nya ide niyai mun tunggwei si haninyai au. Lewo tto bou dem bigyo. Ma jibet jingon ei mem Tuhan nikwei hanyenti. Noni mimbot kep tut mimun di jo ei nidinditi bipiga digai ingon kanti di jo nding ei ingon bei hagom yo. Mpe dima lene Allah mikos tut mun di kei bak bikwop tungwagom-gom di dem mem gima.

KORINTUS GI NICAN 5:10

Lewo ikan tut bipia yahagom mikuk nye ei Kristus Noho bei lewo Noni ne Nikei ri. Noni mimbus tungwagom-gom ningonti leu api buhup biyok bit leu nok igyai munti di kei nya kin gi kinei nya di igyai kikep tirigi ingat rin ei dihyeisi dini.

2 TIMOTIUS GI NICAN 4:1

Kristus Yesus mikwei hanyen ei dihyeisi dini leu binhyepo gwam nok nikei di mbus yo di igyaijo kin yo di imai su nya yahagom ingonti. Noni mikwei nok Nibou Ndig cem. Gima rino disok kep na ei Allah kin Kristus Yesus igyai him bipia,

IBRANI 10:27

Gi jo mem nyeni rino hukum di mikwei leu Allah tirigi ningon sibui sut yo di isrep tut Noni apino Nide hum miyem yok bingwig!

IBRANI 6:2

kin ningginausi tut nitur tungwatu kin nikes ninda ei tungwatu nya dipti kin nikiju hanyen leu nimai eisiti kin hukum di jo kikau buug hon nohonti bisi bu au.

YOHANES GI NIGOM 4:17

Ingon ngakei yam mungkun tu lewo Kristus kin nyeni igyaijoti noyam tirigi ingat rin ei dihyeisi dini lene gima bindei ba, mibrim ingkek mem Njap di Allah mbus tungwatu nya ingonti.

YUDAS 1:15

leu binhyepo mbus tungwatu nya yahagom ingonti. Noni mikes hukum ei yo di isibut nya dip drek dip igyai munti di kinei di srou yok nya kin ighyet di wer mpiahi di ibirom kui Noni cem!”

NINGAT-HI-NGAT NYA 20:11

Gima ngwig leu lene dingat banggo mbrei nitiei di nindig bibor kin No di gwam dip. Dihyeisi kin mpia-bbed him pror hak leu No dima Noho bei ba, ingat gima yok bu bi sren.