IBRANI 9:26 - ALLAH NIHYET MEM TUNGWATU NYA

²⁶ Leu gi nok lene Noni yai ninghuisi wei nyen-nyen habiei tirigi Allah pai tes dihyeisi dini kikau kwei bipek ammani kep. Noro tini bu ei nijam ningwig honti dini lene Noni kwei mbigom ngat he bijo ninno bijo kikau leu api dip tut sisar hagom tug hon nikes Nonti ei nok mindhe di ibui sut ninggromti.

IBRANI 9:26 ပူးပေါင်းရင်းမြစ်များ

SAMUEL GI NICAN 12:13

Lene Daud buhup “Dibon sisar tut tuhan tu.” Lene Natan pai binoni “Andigpoi e, tuhan kos ser ade sisar tu. Apino ma atug ndei nimai drek dip bi.

SAMUEL GI NICAN 24:10

Noro tirigi Daud bindei ba, Yoab nya ipas kep limwa dima imangti leu su rino ningon huk niti bikan lo, bon mun tunggwei sut tu. Leu api hara bak tuhan bipai “tuhan e, dibon sisar nindig bibor tu! Nnaba akos ser ditde sisar lewo diyai munti dima bindo tut dingon di mbum bibor.”

AYUB 7:21

Bit bon akos ser ditde sisar bi sren e? Dem tut gima adip tut ditde sisar bi sren e? Jei bi ne midiprion dingut ei jui nsi apino mporo anggok da lo, angat dingat bu bi sren.”

MAZMUR 103:12

Noni com ide sisar ug ei minu ting bibor dem kep nok mpia nipriti kin nikimbasti niting leu yamti.

YESAYA 2:2

“Ei nidipti bu ne mbigdip di tuhan De Ig joti jei ndig krop dor njiriek mbigdip nindigsi nya hagom. Mben dihyeisi dini hagom minduk yam kwei ei gumihyep dima.

DANIEL 10:14

Dikwei mem gima diba ningat-hi-ngat gom kin bu biyai angon di huk niti tut mun di pek kep mem ade mben nya ei nidipti bu.”

DANIEL 9:24

Allah kos tut bipia ug ei nijam ari bingwam nitindur sratus bitai ningot muhwindatai ne Noni kwek asut bat mben Israel nya kin jide minu ndig di kwes-kwau dima leu sisar kin mun di mbuk nya ri. Noni kos ser sisar leu api ta ninyeng tak kepti di sren-srau di jo ninno bijo kikau leu binhyepo ningat-hi-ngat bitut nimbot kepti dima dem igbit ba, Nide limwa nya ipiga tuhan De Ig di kwes-kwau hanyen ei mem Noni.

MIKHA 4:1

Ei nijam di nidipti bu ne nungug tou di tuhan De Ig joti minok mbigdip di anai bibor dor njiriek mbigdip nindigsi nya hagom. Mpe dima lene mben dihyeisi dini hagom mittei yam bingwig kep mbigdip dima,

MATIUS 13:39

Siceu di hap gandum sisron ne Bilis ri. Njap di ikos gandum nitu kwei ne Njap Ningwig Honti ri. Yo di igyai midyai ne malaikat nya ri.

MATIUS 13:40

Nohom gandum sisron nikioi bindig kep humti ne hukum di micut igkep tungwatu nya ei Njap Ningwig Honti ri.

MATIUS 25:34

Leu api Nibou Ndig dima mipai bak yo di igya kui ninda com ‘He je di Dicig singat tut jeni e, jikwei coi bit Allah Ninyeng Di Tak Kepti di Noni tin ei mem je habiei ei nimbie him tirigi Noni pai tes dihyeisi bitut mun di joti nya.

YOHANES 1:29

Njapti kui bu ne Yohanes ngat igbit Yesus tirigi ttau kwei. Noni pai biyok “Jingat i! Domba Pmot Allah de di kos ser tungwatu dihyeisi dini ide sisar No rima!

YOHANES 17:24

Arig e! Dijoi sut bipia igwam bit Da ei mpia di dingat rin eisi leu binhyepo ingat Ditde ninyeng jei biborti di ayai biDa bou igyai him. Lewo angon ngakei Da ei nimbie him nipou tirigi apai tes dihyeisi dini bigyo.

KORINTUS GI NIGOM 10:11

Mun di cut igkep yo dima hagom ndo bindo bak yo di hiter. Ba, tungwatu nya ipas kep hagom nok nihyet di bisok kep nye. Lewo nyeni igyaijo mem nijam di son dideu njap ningwig honti.

GALATIA 4:1

Disum dihyet eisi bu. Mbro nok gino munggwom pinai ba nokep nicig de ndigban bininyeng tak kep hagom lo, gino noni mahan bigyo ne noni tereu nok awak he yo.

EFESUS 1:10

Ningon kanti di Noni bindei ba, mipek kep mem tungwatu nya ndo binye bipia nipai testi ei gwamti kin dihyeisi dini hagom mibicim tindei yam nok gom ei Kristusti ba, Noni ttei nibou tut hagom. Allah ningon kanti dini mipek kep dem igbit tto bou.

EFESUS 5:2

Ma jiyai jinnei di mpung tut ningon ngakei yamti noyam kin Kristus di ningon ngakei nyeni. Noni kes niyaisi ei biya luei nye tereu nok mun di ngge kei di ibui bibam ei nimbar hum dokti di bipwoi Allah ningon.

TITUS 2:14

Noni kes niyaisi ei mem nye biteu nye leu sisar ninyeng hagom leu api biyai ingon di kwes kin Noni cem inok Nide limwa di ijem iceu bit Nongkom he cem ba, ibrim ingkek mem igyai munti di kei bibor nya.

IBRANI 1:2

Noro ei nijam di ningwigsi dini Noni mbrap bit nye tug hon Nipmot. Allah pai tes mun nyeng hagom tug hon Nipmot bindo Noni nok No di mbun mun nyeng hagom.

IBRANI 10:10

Yesus Kristus yai midyai bit leu Allah ningon kanti mem Noni. Gima rino igyai nipiap leu sisarti tug hon Nide midyai nikos ser sisarti mbigom ngat he bijo ninno bijo kikau.

IBRANI 10:12

Noro Kristus bon midut nikes Nonti ningut ei mem sisar mbigom ngat he lene bijo kikau ba, Nide midyai dima sindem kikau buug hon nohonti bi leu api Noni gwam kui Allah ninda com.

IBRANI 10:26

Gino ibisinggre bibon sisar kikau niabiati Allah nihyet di nijit jo nibreisi mem nye tu lene midut nibikos ser sisarti hi sindem mem gima dip tut ide sisar bu bi.

IBRANI 10:4

Lewo bit bon sapi kin kambir ninggrom piap sisar kan bi sren.

IBRANI 4:3

Noro nye di ingon jo kep nya icoi ug ei mpia dima bibong kep inghuisi bit Noni. Bit leu nok gi ipas ei Allah nihyetti “Dingon sibui sut yok nindig bibor ba, disigion yok leu binhyepo icoi ug ei mpia dima bibong kep inghuisi bit Da bi sren.” Mbro nok gino Noni yai Nide midyai nya biput habiei tirigi Noni pai tes dihyeisi dini tu lo, Noni sigion yok.

IBRANI 7:27

Noni noyam kin imam nibou ndig nindigsi nya di ibon midut nibikos ser sisarti mem ide sisar nipou ug e leu api mem ide limwa nya ide sisar bikwop njap-njap bi. Noni bon midut nibikos ser sisarti mbigom ngat he lene bijo kikau tirigi kes Nonti ei mem ide sisar pima.

IBRANI 9:12

Kristus coi ug ei Ninsi Di Kwes di jo ei nisai buug kikau ug ei Ninsi Di Kwes-Kwau mbigom ngat he bijo kikau. Noni ttei kambir kin sapi nikre di nehen pap inggrom mem gima biya hacan mem tungwatu nya bi. Noro ttei Nonti ninggrom ba, bikwek nye leu sisar de nisindemti bijo kikau.

IBRANI 9:14

Gino mindhe-ndhe inggrom kin atriem ndung sindem mem gima piap yo di map kui yokti lene jo nibreisi bipia Kristus ninggrom sindem bibor dor njiriek gima bu! Lewo Noni ba Allah Ninnei di niyaijo kikau bikes Nonti ei nok mun di kei-kau di ibui bibam ei Allah Noho bei. Kristus ninggrom piap ingon mien leu midut di sindem bi nya leu binhyepo inok awak mem Allah Di Niyaijo.

PETRUS GI NIGOM 1:20

Allah dimig Kristus ei nipou tirigi Noni pai tes dihyeisi dini bigyo leu api kes Noni brei ei tungwatu nya igyai him mem nijam ningwig honti dini leu binhyepo biteu je leu sisar biyai niyaijo nijep bije.

PETRUS GI NIGOM 2:24

Kristus biang ide sisar ei Nonti dip tirigi mai ei biei salibti leu binhyepo bikwek nye leu sisar de nisindemti leu api igyaijo bit leu Allah ningon kanti mem nye. Kristus nibok nya ribindei dino jikei hanyen.

PETRUS GI NIGOM 3:18

Lewo Kristus Nonti mai mbigom ngat he bijo kikau mem ide sisar. Noni ne No di ningon sren-srau di ya luei yo di ibon sisar nya yohoti rin leu binhyepo buwak je kwei bijitti kin Allah. Kristus mai bit leu gi mbun ningut tungwatu. Noro tirigi Allah win Noni ba, niyaijo hanyen lene noni mbun ninnei di bit bon mai hanyen kan bi.

PETRUS GI NIGOM 4:7

Son dideu njap ningwig honti tu. Gima rino ma joom kep jingonti ba, jiyai ngkiem cem leu binhyepo bon nituti mem gima jingat nadi.

YOHANES GI NIGOM 3:5

Jingon dorti tut bipia Kristus kwei ei dihyeisi dini leu binhyepo ciu ser tungwatu nya ide sisar di ibon nya lo, sisar ninyeng hi jo ei Noniti bi sren.

YOHANES GI NIGOM 3:8

No di bon sisar ninyen jem niceu bit Bilis lewo Bilis bon sisar ninyen habiei leu nimbie him kikau kwei bipek ammani kep. Gima rino Allah Nipmot kwei ei dihyeisi dini leu binhyepo nggek tut Bilis de midyai nya.

NINGAT-HI-NGAT NYA 13:8

Tungwatu dihyeisi dini hagom ikuk yok bak mindhe dima binggei sut. Noro tut yo di inyeng jo ei srat niyaijoti habiei ei nimbie him tirigi Allah pai tes dihyeisi dini bigyo ne ikuk yok bak bi. Srat dima ne Domba Pmot di ibui bimai De srat ri.

NINGAT-HI-NGAT NYA 17:8

Mindhe di niten-pos di angat dima niyaijo nipou su noro niyaijo bu bi. Jei bi ne noni hei kwei leu ninnei rom nya ide jui nsi bidor ug ei nisar bihigomti. Tungwatu dihyeisi di inyeng jo ei srat niyaijoti habiei ei nimbie him tirigi po Allah pai tes dihyeisi dini bigyo bi nya inga leu tut noni. Lewo niyaijo nipou su noro tini bu ne niyaijo bi noro noni ttau hanyen kwei.