IBRANI 9:24 - ALLAH NIHYET MEM TUNGWATU NYA

²⁴ Lewo Kristus coi ug ei Ninsi Di Kwes-Kwau di tungwatu nya ibon bou inda him di dat Ninsi di jo kikauti bi. Noro noni coi kikau ug ei gwamti biya ei Allah Noho bei leu binhyepo ya hacan mem nye.

IBRANI 9:24 ပူးပေါင်းရင်းမြစ်များ

MAZMUR 68:18

Allah Di Ninyeng Jei Bibor kwei sut Nide kroba pran ningat sribu-ribu kwei ei ikieti.

NEHEI LEUSI 28:12

Lene noni kes tig permata cin dima ei mas kibiti leu api kon mas kibi dima tut bikes ei sinsun efod nimmam nibijuk ninghatti. Tug hon nisinati dima lene Harun mikon inyeng ei ninghat dip leu binhyepo Da di Allah midiyok ngon kep Ditde limwa nya bikwop mmun-njap.

NEHEI LEUSI 28:29

Tirigi Harun coi ug ei Gumihyep Di Kwes lene noni juk sinsun minai di apas mben Israel ide keret inyeng eisi pima leu binhyepo Da di tuhan midiyok ngon kep Ditde limwa nya bikwop mmun-njap.

ZAKHARIA 3:1

tuhan ba ningat-hi-ngat bindo Imam Nibou Ndig Yosua tirigi ya ei tuhan de malaikati noho bei bida. Bilis di tin ei mem gima pai kep Yosua ya kui nitta.

MATIUS 18:10

“Ma jingon sok kep jenti ser nhyema jingwes pri gau munggwom mien dini hi au. Lewo jiyok ngon kep bipia ide malaikati nya igya hacan mem yok ei Dicig Noho bei ei gwamti bijo ninno. [

MARKUS 14:58

“Nimiap Noni nihyet di pai bipia Noni milet Tuhan De Ig di tungwatu nya ingot bou inda him dini leu api njap ningai bu lene Noni mingot hiter bu di tungwatu nya ingot bou indati him bi.”

MARKUS 16:19

Niabiati Tuhan Yesus mbrap bit yo di igya kui Noni leu lene Noni ngkwei hanyen ug ei gwamti bigwam kui Allah ninda com.

LUKAS 24:51

Tirigi Yesus yai mun di kei biyok leu lene Noni kes yok leu bikui ug ei gwamti.

YOHANES 16:28

Nipou ne dikwei leu Dicig kwei ei dihyeisi dini. Tini bu ne dikes dihyeisi dini ei bidingkwei hanyen ug ei Dicig nidim.”

YOHANES 6:62

Notou mem je gino jingat Munggwom Tungwatu Nipmot tirigi kui hanyen ug ei nitimieisi bou jiyai him i?

KISAH 3:21

Suar Yesus gwam nyahan ei gwamti bibou jam dem mem gima Allah pai tes mun di hagom nijep-jau bu ug e. Gima hagom bit leu nok nihyet di Noni tri tut tug hon Nide nabi di ingon kwes-kwau nya mimbrek ngan tu.

ROMA 8:33

Gino Allah simbot dat tut Nide limwa di nyeni bipia ingon kwes kin Noni ne tou ripai kep nyeni i?

KORINTUS GI NICAN 5:1

Lewo ikan tut bipia mpe dino ingut di nok ig di ibong ser ei dihyeisi dini nggek lene Allah tin ei ig mem nye ei gwamti. Noni ngot ig dima bou ninda him ba, jo ninno bijo kikau.

KOLOSE 3:2

Ma jiba jingon binai sut mun di ntun gwamti him lene ma jiba jingon binai sut mun di ntun dihyeisi dini him au.

IBRANI 1:3

Allah nikei-kau-keisi piga kei tug hon Nipmot. Nipmot dat Nicigti binyohou mun di Nicig pai tes nya titut yam tug hon nihyet di sindem bibor. Niabiati Noni tin puig mem tungwatu nya igyai niteu leu sisarti tu lene Noni gwam ei banggo mbrei dip kui Allah di Sindem Bibor ninda com ei gwamti.

IBRANI 12:2

Ma, itou kep Yesus nggilun. Noni ta niba ningon comti habiei ei ingonti binyohou nye kikau ug bipek nohonti. Ningon cut leu Nide midyai drek dip biei salib bimmai sut nimai ei biei salibti bi. Lewo Noni yok ningon mem gima yai ningon llei biborti ei nidipti bu. Nogindini Noni gwam kui Allah ninda com binok nibou ndig bit Noni.

IBRANI 4:14

Gima rino ma nyeni ikrau kep ide niba ningon comti di itri tut ei yuhui him. Lewo ide Imam Nibou Ndig di ninyeng jei coi ug ei Allah Noho bei biya hacan mem nye tu. No dima ne Yesus di Allah Nipmot ri.

IBRANI 6:20

Yesus tin puig buug ei ninsi dima mem nye bitug ndei ninyeng Imam Nibou Ndig kikau noyam kin Imam Melkisedek tu.

IBRANI 8:2

Noni yai midyai nok Imam Nibou Ndig ei Ninsi Di Kwes-Kwau ei Tuhan De Prak Meng nsi di nijit di tungwatu nya iwin bi noro Tuhan Nonti win.

IBRANI 8:5

Imam Yahudi igyai munti nya ndo bindo tut mun di jo ei gwamti. Allah sok kep Musa tirigi noni tin ei mem hok Allah De Prak Meng bipai binoni “Amiap e, suar abibon hagom bit leu nok bindo di dindo bina ei mbigdip dini.”

IBRANI 9:1

Gi preu nitimiei bon nide nidimig sutti mem yo di ikuk yok bak Allah lene bon nide ig di tungwatu nya ibon bou inda him mem ikuk yok eisi cem.

IBRANI 9:23

Tug hon nisinati dima lene mun di jo dihyeisi di dat mun di jo kikau ei gwamti yai nipiapti di bindei bipwoi hanyen. Lene suar mun di jo kikau ei gwamti pima cem yai nipiapti tug hon ninggrom di kei-kau.

IBRANI 9:9

Mun dini yok hagom bindo tut nijam dini. Nibimbiti dini bindo bipia bit bon mun di ikwas tut Allah kin midut nibikos ser sisarti ninggrom piap yo di ikuk yok bak Allah ingon mien bikei-kau kan bi.

PETRUS GI NIGOM 3:22

Yesus Kristus kui ug ei gwamti biya kui Allah ninda com tu. Ba, ninyeng tak kep malaikati nya kin nibou nya kin nisindemti nindigsi nya ei mpia-bbed him.

NINGAT-HI-NGAT NYA 8:3

Malaikati gom kin bu krau bokor mas mem indig biei nggrai di ui-gwang kei eisi bikwei ya simiak nimbar hum ndok. Noni yai biei nggrai di ui-gwang kei mang bibor mem gima bikum ei Allah de limwa nya ide naditi bindig biei nggrai dima ei nimbar hum ndok di iba mas binggai di jo banggo mbrei nibiho.