IBRANI 8:2 - ALLAH NIHYET MEM TUNGWATU NYA

² Noni yai midyai nok Imam Nibou Ndig ei Ninsi Di Kwes-Kwau ei Tuhan De Prak Meng nsi di nijit di tungwatu nya iwin bi noro Tuhan Nonti win.

IBRANI 8:2 ပူးပေါင်းရင်းမြစ်များ

NEHEI LEUSI 25:9

Ma anap prak meng dima ba, abon nimbumbati nya hagom bit leu nok dindo brei bina.”

NEHEI LEUSI 28:1

Lene Allah pai bak Musa “Ma ahig akindig Harun kin nipmot bat Nadab kin Abihu kin Eleazar kin Itamar nya kwei. Lene adimig yok bijo ter leu binhyepo igyai kep midyai nok imam mem Da.

NEHEI LEUSI 28:35

Suar Harun juk sinsun ndok di jei dini tirigi noni yai kep midyai nok imam. Tirigi noni kwei ya ei Doho bei ei Ditde Ninsi Di Kwes-Kwau leu api hei hanyen leu ninsi dima lene midimiap brem-brem di nggileng-nggileng nyen apino midikes hukum nimai ei noni dip bi.

NEHEI LEUSI 33:7

Bikwop mpe dino mben Israel imbut ba, yohok ide prak meng yati hanyen bu lene Musa ug yai Prak Meng di noni piga ei pima bohok hanyen bijo minu ting leu nide limwa nya ide prak meng yati. Prak Meng dima ninyeng tuhan De Prak Meng. Tungwa tou rino ningon kiowi tut tuhan ningon kanti lene noni ug ei Prak Meng yati dima.

LUKAS 24:44

Yem njita tu lene Noni pai biyok “Mun po dipai bije nipou tirigi dingat rin bit je pima suar dem igbit. Gima ne mun di ipas ei Puig Yahudi nicukti nya kin nabi nya ide srat nyati kin srat Mazmurti tut Da hagom suar dem igbit.”

ROMA 15:8

Ma jiyok ngon kep bipia Kristus kwei nok awak mem mben Yahudi leu binhyepo bindo biyok bipia Allah ningon gom bibindei nipreu eisi nya pek kep mem idigup bat-idigai bat nya.

KORINTUS GI NICAN 5:1

Lewo ikan tut bipia mpe dino ingut di nok ig di ibong ser ei dihyeisi dini nggek lene Allah tin ei ig mem nye ei gwamti. Noni ngot ig dima bou ninda him ba, jo ninno bijo kikau.

KOLOSE 2:11

Jicoi bit midut sunat di nijit tug hon gi jinok gom kin Kristus lene sunat dima noyam kin midut sunat di tungwatu dihyeisi ibon bi. Sunat di ntun Kristus him bindei kwek je leu sisar de nisindemti di pijuk jingonti.

IBRANI 10:11

Bikwop imam mben Yahudi yai kep midyai nya bikwop njap-njap ba, bon midut nibikos ser sisarti di noyam nyen-nyen bikwop ug. Noro bit bon midut dima bindei ba, tungwatu nya igyai niteu leu sisarti kan bi.

IBRANI 10:21

No di ya hacan mem nye ne Imam Di Ninyeng Jei rin ba, ninyeng tak kep Tuhan De Igya.

IBRANI 11:10

Lewo Abraham yok ningon mem minu di Allah tin ei biwin tu. Ba, minu dima bon nikiou di sindem bibor di jo kikau.

IBRANI 9:1

Gi preu nitimiei bon nide nidimig sutti mem yo di ikuk yok bak Allah lene bon nide ig di tungwatu nya ibon bou inda him mem ikuk yok eisi cem.

NINGAT-HI-NGAT NYA 21:3

Leu api nihyet nindig bibor tibim kwei leu banggo mbrei bipai “Nogindini Allah ningat rin bit tungwatu nya! Noni kwei bong bit yok ba, yoni ne Nide limwa nya ri. Allah Nonti di nok ide Allah ningat rin bit yok.