IBRANI 8:10 - ALLAH NIHYET MEM TUNGWATU NYA

¹⁰ Noro tini bu ne dibon gi preu dini mem mben Israel. Ei nidipti bu ne Tuhan pai ‘Midindim dicuk yokti nya ei ibou ngwakti bidipas hagom ei ingonti. Mpe dima lene Dani midinok ide Allah lene yoni minok Ditde limwa nya.’

IBRANI 8:10 ပူးပေါင်းရင်းမြစ်များ

NEHEI LEUSI 24:4

Lene Musa pas kep Tuhan De nicuk noti nya hagom. Njap di hyep bu mem ha yausi lene noni dingug tig nibiyok ngon kep nindak simnaibrimigcan ei nok nimbar hum dok ei nungug dima nikiou. Bikwop tig dima hagom ndo tut mben Israel ide keret gom gom.

NEHEI LEUSI 24:7

Noni ug yai srat gi preu po noni pas kep tuhan De nicuk noti nya hagom eisi pima lene ba nihyet nindig bitri tut bak mben Israel. Lene yahagom ibuhup “Minibit biniyai hagom bit leu nok tuhan nicuk nyeti.”

NEHEI LEUSI 34:1

Lene tuhan pai bak Musa “Ma abon tig mma di noyam kin tig mma timiei can pima ba, attei kwei. Lene midipas kep nicukti pima eisi noyam kin nicukti po jo ei tig mma timiei po abindei ki kukiau pima.

NEHEI LEUSI 34:27

Lene tuhan pai bak Musa “Ma apas kep Ditde nicukti dima yok hagom lewo midita mun di dipreu ei mem na kin mben Israel yahagom pima ei nicukti dimati.”

DIUN MIMUN 2:16

“Ditde no di ningon ngakei da ngwam kep da ba, dani cem dingwam kep noni. Noni jem nide domba nya ei bakung tou nghousi,

YEREMIA 24:7

Midiyai ningon di nyei nihim kin ningon di huk niti biyok leu binhyepo ingon huk niti bipia Dani ne tuhan ri. Mpe dima lene yoni inok Ditde limwa nya bidinok ide Allah lewo iba ingon di gom bingkwei hanyen ndam Da.

YEREMIA 31:1

tuhan pai “Tto bou dem lene midinok tuhan mem mben Israel ide keret nya hagom leu api yoni inok Ditde limwa nya.

YEREMIA 31:33

Noro tini bu ne dipreu ei mem mben Israel nok gini. Dipwoi Ditde niggai serti nya ei ibou ngwakti bidipas kep dicukti nya ei ingonti. Dinok ide Allah lene yoni inok Ditde limwa nya.

YEREMIA 32:38

Mpe dima lene Ditde limwa nya rino yoni ba, dinok ide Allah.

YEREMIA 32:40

Nipreu eisi di dipreu ei bit yok mijo kikau. Midikes hon ninjei mun di kei bak yoni bi. Dibindei ba, iba ingon titut bittin tut Dani ba, ibou cut biDa cem. Diyai gima leu binhyepo iba inghim bak Dani bu bi sren.

YEHEZKIEL 37:27

Midibong bit yok bidibon Danti nok ide Allah leu api yoni inok Ditde limwa nya.

YEHEZKIEL 39:22

Hon kep njap dima kui mben Israel mikan tut bipia Dani ne ide tuhan Allah ri.

HOSEA 1:10

Mben Israel midigek kep mpia ba, imangti noyam kin iggum ei muk nipimat nimangti apino bit bon tungwatu nya ikwop imangti ba, inai ide minu nijeisi cem kan bi. Nogindini Allah hig yok “Jinok Ditde limwa nya bi.” Noro jei bi ne Noni hig yok “Dani ne Allah Di Niyaijo rin ba, jinok dimunggwom bat nya!”

HOSEA 2:23

Midita Ditde limwa nya ei ide minu leu api yoni mibong kei migwam kei eisi. Midindo brei bou igyai him bipia dingon ngakei yo di dijem inyeng ‘Yo Di Hi Ngondut Bi’ pima. Midipai sut yo di dijem inyeng ‘Ditde Limwa Bi’ pima inyeng ‘Jinok Ditde limwa nya.’ Leu api ibuhup ‘Nani ne nyende Allah ri.’ ”

ZAKHARIA 13:9

Timiei minu dini nittou nsi gom he rima ingwes ngun ug a. Ba, midibindei kwes yo dima noyam kin mas kin perak di iba hum bikwen di pimbai. Lene yoni ingat nadi biDa bidibuhup ighyet. Midipai biyok bipia yoni ne Ditde limwa nya rin ba yoni cem mipai jit bipia Dani ne ide tuhan Allah ri.”

ZAKHARIA 8:8

bidibuwak yok hanyen kwei leu nite bei mpia nipriti kin nite bei mpia nicutti kwei leu api ibong ei minu ndig Yerusalem hanyen bu. Dibindei ba, inok Ditde limwa nya lene dinok ide Allah. Midiba ningon gom kin ningon sren binyeng tak kep yok.”

MATIUS 22:32

‘Dani ne Abraham kin Ishak kin Yakub ide Allah ri.’ Noni ne Allah mem yo di imai su nya bi noro mem yo di igyaijo nya!”

ROMA 11:27

Dani kin yo dini minipreu ei mem yam mpe dino diciu ser ide sisar.”

KORINTUS GI NIGOM 6:16

Jikan tut gini bi e? No di cut tut sop krar ne bindei ba, yahacem inggre kin yam. Bit leu nok gi ipas ei Allah nihyetti “Yahacem inok ninghui gom.”

KORINTUS GI NICAN 3:3

Jo nibreisi mem yo dima bipia jinoyam kin srat nibuwakti di Kristus pas bipinak kwei tug hon nyeni. Noni ba buk ngei bipas kep srat bokti dima bi noro ba Allah Ninnei bipas kep. Noni pas kep srat bokti dima ei tig pasti bi noro pas kep ei tungwatu nya ingonti.

NINDAT KEP TUHAN NICUKTI NYA 30:6

tuhan di nok jide Allah mibindei ba, jeni kin jide nintun him yamti di bram yam nya jingon sren leu binhyepo jiba jingon titut bingon ngakei Noni apino mijibong ser minu dima kikau.

TITUS 2:14

Noni kes niyaisi ei mem nye biteu nye leu sisar ninyeng hagom leu api biyai ingon di kwes kin Noni cem inok Nide limwa di ijem iceu bit Nongkom he cem ba, ibrim ingkek mem igyai munti di kei bibor nya.

IBRANI 11:16

Noro igyok ingon mem minu di kei di dor njiriek bu ba, minu dima ne gwamti ri. Gima rino tirigi ijem Allah nok ide Allah lene Noni mmai sut bi lewo win minu jep mem yok tu.

YAKOBUS 1:18

Noni yai niyaijo nijep binye bit leu Nonti ningon kanti tug hon nihyet di nijit. Niyai munti dima bindei ba, nye di tungwatu igya bibie mem Nide nipai testi nya hagom.

YAKOBUS 1:21

Gima rino ma jicom mun di biyai jingon rom kin mun di kinei di rap je nya. Ma jiba jibou coi sut Allah kin nihyet di Noni ndim ei jingonti lewo nihyet dima sindem mem gima teu je leu sisar biyai niyaijo nijep bije.

PETRUS GI NIGOM 1:23

Jiyai niyaijo nijep leu Allah di nok Jicigya. Noni ne tungwatu di mai hak rin bi noro niyaijo kikau buug hon nohonti bi. Allah ribindei dino jiyai niyaijo tug hon Nonti nihyet di niyaijo ba, bit bon sar kan bi cem.

PETRUS GI NIGOM 2:9

Noro Allah dimig je nok Nide mben nya kin Nide imam nya di igyai midyai mem ide Nibou Ndig di Allah kin Nide mben di ingon kwes nya kin Nide limwa nya cem. Allah dimig je bihig je kwei leu nidinditi bijicoi ei Nide nipigati di sieng-siau kei leu binhyepo jitri tut Nide midyai di mindur nya.