IBRANI 7:6 - ALLAH NIHYET MEM TUNGWATU NYA

⁶ Melkisedek ntun Lewi him bi noro noni ma ndigban di Abraham pos gom leu ningot gom lene nok leu api ngat nadi tindei mun di kei mem Abraham di Allah preu ei mem tu.

IBRANI 7:6 ပူးပေါင်းရင်းမြစ်များ

NITRITI 12:13

Gima rino ma apai hak biyok bipia akijam ridani. Leu binhyepo ingon kei sut da ba, migyai nimai bida leu na bi.”

NITRITI 12:2

Leu mporo midibindei ba, ade nintun him yamti di bram yam nya idigek kep mpia binok mben nindig bibor. Ba, midinjei mun di kei bak nani bidibindei ba, ayai anyeng di jei. Leu api yo di imang bibor mitug ndei mun di kei tug hon nani.

KISAH 3:25

Disut bat jen, jipek hanjop kin jide pung di jintun him nya tut mun di Allah preu ei mem yok tug hon nabi nya. Lewo Allah pai bak Abraham ‘Midinjei mun di kei bak tungwatu dihyeisi dini yahagom tug hon yo di intun nani him.’ Nipreu eisi dima mem jeni cem.

ROMA 4:13

Allah preu ei mem Abraham kin yo di intun noni him bipia imbun dihyeisi dini. Noni preu ei nok gima lewo Abraham bit Puig Yahudi nicuk noti nya bi noro lewo noni ba ningon com Allah apino Allah joi sut noni nok no di pwoi ningona.

ROMA 9:4

Yoni ripo intun mben Israel him tug hon Allah nidimig yok eisi ba, inok Nide limwa nya cem. Noni nek yok nok nipmot bat nya bindo nisindemti biyok cem. Allah kin yoni ipreu ei mem yam tug hon Puig Yahudi niggai serti ba, ikan tut nisinati mem gima ikuk yok biNoni mungkun kei cem. Igyai Nide nipreu ei mem yokti leu Noni ba,

GALATIA 3:16

Allah preu ei mem Abraham kin no di ntun noni him cem. Bit leu nok gi ipas ei Allah nihyetti “Mem yo di intun Abraham him” bi. Gi nok lene gima bitut imang bibor. Noro bit leu nok gi ipas ei Allah nihyetti “Mem No di ntun noni him.” Nipasti dima ndo tut tungwagom he ba, No dima ne Kristus ri.

IBRANI 11:13

Yo dini yahagom iba ingon com Allah kikau ba, ibimai kep. Igyai mun di Allah preu ei mem yoni bi noro ingat mun dima yok hagom ei minu ting bipigo he. Ipai sut yonti bipia inok ngkiai nya kin yo di ibong-bong wai bidem minu ei dihyeisi dini.

IBRANI 11:17

Niba ningon comti bindei ba, Abraham ba nipmot bibon midut nindig mindhe titut ei humti tirigi Allah bingon ningonti. Mbro nok gino Allah preu ei mem Abraham tut yo di intun noni him tu lo, Abraham ce tut ba nipmot gom ngat bibon midut nindig noni kep humti.

IBRANI 7:1

Melkisedek ne nibou ndig ei minu ndig Salem rin ba, yai midyai nok imam mem Allah Di Ninyeng Jei Bibor. Tirigi Abraham ngkwei hanyen leu nikon pran bitot nibou ndig nya bingwigsi dima lene Melkisedek kwei um noni bingat nadi tindei mun di kei mem noni.

IBRANI 7:7

Bit bon hi srep tut bipia no di ngat nadi tindei mun di kei mem hiter ninyeng jei dor njiriek no di ma mun di kei leu kan bi.