IBRANI 7:26 - ALLAH NIHYET MEM TUNGWATU NYA

²⁶ Yesus dem mem gima yai midyai nok Imam Nibou Ndig biya hacan mem nye lewo ningon kwes-kwau cem yai mun tunggwei bibon sisar hi bi cem ba, kes dihyei di kinei dini ei leu api Allah kon Noni bikui njiriek mpia-bbed him.

IBRANI 7:26 ပူးပေါင်းရင်းမြစ်များ

MAZMUR 68:18

Allah Di Ninyeng Jei Bibor kwei sut Nide kroba pran ningat sribu-ribu kwei ei ikieti.

NEHEI LEUSI 28:36

Lene aba mas bibon penen gom leu api akilis kata tuhan Dimig Imam Dini Ei Mem Nonti eisi.

YESAYA 53:9

Mbro nok gino noni bon sisar ba, ris ei tungwatu nya dip bi sren lo, itig bit yo di irom ndok nya kin yo di inyeng bibor nya ijui.”

YEHEZKIEL 44:27

Leu api ug ei mpia di jo bas hak gi ninsi ei Ditde Ig bibon midut nindig mindhe ei nimbar hum dokti biDa mem gima bindei pwoi nonti. Leu api disindui sut ba, noni miyai midyai nok imam hanyen ei Ditde Ig a. Da di tuhan Di Dinyeng Jei Bibor disimbot dat tu.

MBEN ISRAEL IMBUT-MBUT NYEN 29:26

Ei njap gi nimuhwi lene ma ibui sapi pmot nikre ningut muhwindatai kin domba nikre ningut can kin domba pmot nikre di ide njap dem ari bingwa gom-gom ningut simnaibrimigtai mem nibon midut pima ba, bikwop mindhe-ndhe dima hagom bok-ba bi.

MATIUS 27:18

Pilatus hig singgre yok nok gima lewo kan tut bipia nibou mben Yahudi nya ikes Yesus ei nindati kin ingon di kinei sut Noni.

MARKUS 16:19

Niabiati Tuhan Yesus mbrap bit yo di igya kui Noni leu lene Noni ngkwei hanyen ug ei gwamti bigwam kui Allah ninda com.

LUKAS 1:35

Malaikati buhup “Ninnei Gi Kwes misrek kwei ei nani dip ba, Allah di Ninyeng Jei cem minggai na yo. Gima rino amunggwom di asrek tut dima miyai ninyeng Gi Kwes-Kwau cem Allah Nipmot cem.

LUKAS 23:22

Lene Pilatus hig ser yok nimbiningai “Noni yai mun tunggwei di nok mindei ngan i? Dimbus ningonti tu noro jo nibreisi bipia Noni yai mun tunggwei leu dima dijem nimai gau Noni bi. Gima rino dimbas Noni mbigom ug e leu api dikes Noni bimbut hak.”

LUKAS 23:41

Gima igbit mem sani. Lewo situg ndei hukum drek dip mun di siyai tunggwei. Noro No dini yai mun tunggwei hi bi!”

LUKAS 23:47

Tirigi nibou tentara ngat mun di pek kep dima hagom lene noni nggei sut Allah bipai “Jo nibreisi bipia No dini yai mun tunggwei hi bi!”

LUKAS 24:26

Suar jide Nibou Ndig di teu tungwatu nya biyai niyaijo nijep biyok yai ninghuisi wei nipou leu api ug krau Nide nikei-kau-keisi bi e?”

LUKAS 24:46

Lene Noni pai biyok “Suar Nibou Ndig di teu tungwatu nya biyai niyaijo nijep biyok yai ninghuisi wei leu api kiju hanyen leu nimai eisi ei njap gi niningai.

YOHANES 14:30

Dimbrap bit je kikau bi lewo tto bou mem no di ninyeng tak kep dihyeisi dini dideu su. Noro noni sindem mem gima om kep Da bi.

YOHANES 8:29

No di cuk Da kwei cem ningat rin kin Da bikes Da ei bi lewo diyai midyai bit leu Nonti ningon kanti bikwop mmun-njap.”

KISAH 3:14

Yesus ningon kwes-kwau ba, ningon sren-srau cem lo, apo jikou sut Noni leu api jahara Pilatus leu binhyepo noni kes nihwen mun cig leu ig bui nsi bije.

KISAH 4:27

Ba, gima igbit lewo Herodes kin Pontius Pilatus induk yo di ninghim Tuhan kin mben Israel ei gom ei minu ndig dini leu binhyepo itte tut Yesus di Ade Awak di kwes-kwau di Nani adimig ei nok Nibou Ndig di teu tungwatu biyai niyaijo nijep biyok.

KORINTUS GI NICAN 5:21

Kristus bon sisar nyeng gom bi sren. Noro Allah bindei ba, Kristus biang ide sisar bitut ide ningon muisi nibuhunti hagom leu api yai ingon di kwes kin Noni hanyen drek dip ide ninok gom kin Kristusti.

IBRANI 1:3

Allah nikei-kau-keisi piga kei tug hon Nipmot. Nipmot dat Nicigti binyohou mun di Nicig pai tes nya titut yam tug hon nihyet di sindem bibor. Niabiati Noni tin puig mem tungwatu nya igyai niteu leu sisarti tu lene Noni gwam ei banggo mbrei dip kui Allah di Sindem Bibor ninda com ei gwamti.

IBRANI 12:2

Ma, itou kep Yesus nggilun. Noni ta niba ningon comti habiei ei ingonti binyohou nye kikau ug bipek nohonti. Ningon cut leu Nide midyai drek dip biei salib bimmai sut nimai ei biei salibti bi. Lewo Noni yok ningon mem gima yai ningon llei biborti ei nidipti bu. Nogindini Noni gwam kui Allah ninda com binok nibou ndig bit Noni.

IBRANI 2:10

Dem mem gima Allah di pai tes binyohou mun nyeng hagom bindei ba, No di brim ningkek biteu tungwatu nya leu sisar biput kei tug hon gi tug ndei ninghuisi wei. Tug hon nisinati dima lene Allah cigit tungwatu nya bibindei ba, imang bibor ipriet kin Nide nikei-kau-keisi noyam kin Yesus. Lewo Yesus ritin puig mem gima igyai niteu leu sisarti kin niyaijo nijep.

IBRANI 2:17

Gima rino jo nibreisi mem nye bipia suar Noni luei nitta bibon Nonti noyam kin nikinjoi bat nya haigtu leu binhyepo yai midyai nok ide Imam Nibou Ndig di ningon gom ba, ningon nggriu cem ei Allah Noho bei. Tug hon nisinati dima lene Noni bindei ba, tungwatu nya igyai nikos ser sisarti.

IBRANI 3:1

Disut bat je di Kresten di Allah hig je tu nya. Ma jibisrip tut Yesus di Allah cuk kwei nok Imam Nibou Ndig mem niba ningon comti di nyeni itri tut ug e.

IBRANI 7:11

Mbro nok gino Puig Yahudi niggai serti pai bipia suar idimig imam nya leu yo di intun Lewi him lo, bit bon imam dima yok ibindei ba, ide limwa nya ikei-kau kan bi. Gima rino suar imam nijep di noyam kin Melkisedek ba, ntun Harun him bi ya luei imam yohoti bu!

IBRANI 8:1

Mun di nyeni nisimbot dat dima ningat ne Imam Nibou Ndig di nok gima ya hacan mem nye ba, Noni gwam kui Allah di Sindem Bibor ninda com ei gwamti.

IBRANI 9:14

Gino mindhe-ndhe inggrom kin atriem ndung sindem mem gima piap yo di map kui yokti lene jo nibreisi bipia Kristus ninggrom sindem bibor dor njiriek gima bu! Lewo Noni ba Allah Ninnei di niyaijo kikau bikes Nonti ei nok mun di kei-kau di ibui bibam ei Allah Noho bei. Kristus ninggrom piap ingon mien leu midut di sindem bi nya leu binhyepo inok awak mem Allah Di Niyaijo.

PETRUS GI NIGOM 1:19

Noro Noni ba Kristus ninggrom di tereu nok midut nibikos ser sisarti bipek je hanyen lewo Kristus ne domba di bon nimuhweisi ba, nirom kuisi rin bi.

PETRUS GI NIGOM 2:22

Noni bon sisar bi sren biris bak tungwatu nya bi sren.

PETRUS GI NIGOM 3:22

Yesus Kristus kui ug ei gwamti biya kui Allah ninda com tu. Ba, ninyeng tak kep malaikati nya kin nibou nya kin nisindemti nindigsi nya ei mpia-bbed him.

YOHANES GI NIGOM 2:2

Allah kos ser ide sisar tug hon Kristus Nonti di bindei dino ide sisar pror hak ba, gini mem nyengkom ide sisar he bi noro mem tungwatu nya yahagom ide sisar.

YOHANES GI NIGOM 3:5

Jingon dorti tut bipia Kristus kwei ei dihyeisi dini leu binhyepo ciu ser tungwatu nya ide sisar di ibon nya lo, sisar ninyeng hi jo ei Noniti bi sren.

NINGAT-HI-NGAT NYA 3:7

“Apas srat dini bak malaikati di buhup tut mbusyamei ei minu ndig Filadelfia. Nipas kepti dini kwei leu No di kwes-kwau di ningon gom. Noni krau kusin di Daud krau. Gino Noni kau dimbou ne bit bon hi nggam mbou hanyen kan bi. Gino Noni nggam mbou ne bit bon hi kau dimbou dima hanyen kan bi.