IBRANI 7:25 - ALLAH NIHYET MEM TUNGWATU NYA

²⁵ Gima rino Noni sindem mem gima teu tungwatu nya di ikwei kuk yok bak Allah tug hon Noni leu ide sisar biyai niyaijo nijep biyok bijo ninno-bijo kikau lewo Noni niyaijo kikau biya hacan mem yok ei Allah Noho bei.

IBRANI 7:25 ပူးပေါင်းရင်းမြစ်များ

AYUB 22:17

Yo dima rino ibrim ingkek di irok No Di Sindem Bibor ba, ikan bigya bit bon Noni bon mun-mun hi tut yoni kan bi.

AYUB 23:3

Ayo! Handei kon ba, dikan tut mpia di Noni ningat rin eisi leu api duug ngat bidimbrap bit.

YESAYA 45:22

Je di tungwatu dihyeisi dini e, ma jingkwei hanyen ndam Da leu binhyepo diteu je bijingwes ngun! Dangkom ngat he rino Allah ba, allah hiter ningat rin bi.

YESAYA 45:24

Yo dima mipai ‘Ningon kwesti kin nisindemti kwei leu tuhan Nongkom!’ Yo di ingon mpo tut Da mikwei ya ei Doho bei bimmai sut yonti.

YESAYA 53:12

Noni kes niyaisi bihigom ei bitug ndei hukum ba, ninyeng tibim kin yo di imbuk bibor nya inyeng. Noni biang yo di imang bibor ide sisar bingat nadi leu binhyepo igyai nikos ser sisarti. Gima rino midinjei nide limwa nya imang bibor mikuisi bak noni ba, noni miyai hanjop nsi bit yo di inyeng jei nya.”

YESAYA 59:16

Noni nggap leu sut gi hi kiju bimbrap gau yo di itug ndei nihwen bit yokti bi a. Gima rino Noni ba nisindemti biteu Nide limwa nya bingwes ngun leu lene bindei ba, yoom kep ide nitok joti nya.

YESAYA 63:1

“Tou rikwei leu minu ndig Bozra ei minu Edom i? Noni juk sinsun ngwoi di sieng kei bimbut sindem ba, mimbri kui ningkek bibor.” Da di dikwei dini ne tuhan rin ba, disindem mem gima diteu tungwatu nya bingwes ngun ba, dikwei tri tut nihyet nibindei timek siceusi nya.

YEREMIA 3:22

Je di jiba jinghim bak tuhan jahagom e, ma jingkwei hanyen ndam Noni! Noni mibindei ba, jikei hanyen bijingon gom tut Noni. Leu api jipai “I, nogindini nikwei ndam tuhan lewo Noni ne nyende Allah ri.

DANIEL 3:15

Gi nok ne tirigi pun mbrei kin porei kin nggong mbrei kin rebab kin gambus kin serdam nya bitut mun di tungwatu ikek nindigsi nya hagom nibimbiti tibim hanyen ne suar jikuk je bak kwar dima bijinggei sut. Gi bi ne yo di igya ser nya micom je tut jiyaisi ug ei tong nsi di hum njeng cig-cai eisi. Jikan bipia kwar ninyeng hi mikwei teu je leu hukum dima e?”

DANIEL 3:17

Nyende Allah sindem mem gima teu nye leu hum nindig bibor di ninjeng cig-cai dima biteu nye leu na di Andigpoi anda nsi cem.

DANIEL 3:29

Gima rino ditri tut bipia bikwop tungwagom-gom di leu timiei minu nya kin mben nya kin gi mbrap nihyet hiter nya di nihyet wer mpiahi tut Sadrakh kin Mesakh kin Abednego ide Allah mitug ndei hukum nikos noni kukiau kin, nilet nide ig bingwig biwer ig kum kroi cem. Bit bon kwar hi teu tungwatu nya noyam kin Allah di teu yo dini kan bi.”

DANIEL 6:20

Njap tekti rino noni kiju bibrim nimig ug ei jui dip.

DANIEL 9:16

Aya srak ko hagau nye nipou su. Gima rino ma angon sibui sut minu ndig Yerusalem kikau au. Minu ndig dima ne Ade minu ndig kin Ade nungug tou di kwes-kwau ri. Tungwatu di ibong bidem minu di gahai minu Israel inim kep minu ndig Yerusalem kin Ade limwa nya cem drek dip nyende sisar kin nidigup bat-nidigai bat nya igyai munti di mbuk bibor nya.

YOHANES 14:13

Mun nyeng dino jahara Da tut tug hon dinyeng lene midibirop hanyen bije leu binhyepo Dicig de nikei-kau-keisi jo nibreisi tug hon Nipmot di Dani.

YOHANES 14:16

Dahara Dicig leu binhyepo Noni cuk No Di Mpu je hi kin bu. No dima migwam bit je kikau.

YOHANES 14:6

Yesus buhup “Dani ne puig mem nibikan tut Allah nijit-jausi kin nibiyai niyaijo nijepti ri. Bit bon no di tug hon Da bi ug ei Dicig nidim cem kan bi.

ROMA 5:10

Gino ei nijam di iba nitok bak Allah lo, Noni bakei nyeti tug hon Nipmot nimaisi lene jo nibreisi bipia nogindini tirigi Allah jem nisut bit nye dini ne Noni teu nye leu sisar biyai niyaijo nijep binye lewo Kristus niyaijo hanyen tu!

ROMA 5:2

Yesus bindei Allah nisingat tut nyeti dima pek kep mem nye tug hon ide niba ningon com Noti. Nogindini igyaijo tug hon Allah nisingat tut nyeti. Gima rino ingon llei bibor lewo iba ingon com bipia ipriet kin Allah nikei-kau-keisi ei nidipti bu!

ROMA 8:34

Gima rino tou rima pai sut nyeni bipia ingon mui i? Hi bi! Lewo Kristus mbrap gau nyeni ei Allah Noho bei! Noni ripo mai ei biei salibti he bi noro kiju hanyen leu nimai eisi biya kui Allah ninda com.

KORINTUS GI NIGOM 1:21

Lewo Allah di ningon ki bindei ba, bit bon tungwatu nya ingon jo kep Noni tug hon ide ningon kiti kan bi. Noro Noni kos tut bipia Noni miteu yo di ingon jo kep Noni leu sisar biyai niyaijo nijep biyok tug hon nihyet di nyeni nitri tut biyok lo, tungwatu nya ikan bipia nihyet dima ne nihyet minyei he ri.

EFESUS 2:18

Nye di mben Yahudi kin ngkiai nya yahagom iba Allah Ninnei gom ndia biya ei Noho bei tug hon Kristus di ya hacan mem nye.

EFESUS 3:12

Nogindini iba ingon di nddong bibrim ingkek kep Allah ug ei Nonti Noho bei drek dip gi inok gom kin Kristus lene iba ingon com Noni.

EFESUS 3:20

Allah sindem mem gima birop hanyen binye nindig bibor dor njiriek mun di nyeni yahara Noni tut kin ikan-kan nyenti cem tug hon Nide nisindemti di sindem tut ingonti.

FILIPI 3:21

Noni miluei ingut di sindem bi di mipror yon dini binoyam kin Nonti ningut di kei-kau-kei. Bon Noni yai gima drek dip gima Noni mbun nisindemti mem gima bikuk nipai testi nya hagom ei nimig him.

TIMOTIUS GI NIGOM 2:5

Lewo Allah gom ngat he ba, tungwa gom ngat ya hacan mem Noni kin tungwatu nya. No dima ne Kristus Yesus,

2 TIMOTIUS GI NICAN 1:12

Gima rino diyai ninghuisi wei drek dip mun dini yok. Noro dingon nddong lewo dikan tut No di diba dingon com. Gima cem dingon jo kep bipia Noni sindem mem gima nyohou mun di Noni ba ningon com da tut kikau ug bipek Njap Ningwig Honti.

IBRANI 11:6

Gino niba ningon comti jo binye bi ne bit bon Allah joi sut nye kan bi. Suar tungwa tou rino kuk no ei Allah Noho bei ba ningon com bipia Allah norinaha cem buhup yo di inggok tut Noni cem.

IBRANI 13:15

Gima rino ma inggei sut Allah tereu nok midut nibikos ser sisarti tug hon Yesus. Iba midut dima binggei sut Allah tirigi ipai jit bipia Noni ne ide Tuhan ri.

IBRANI 2:18

Noni yai ninghuisi di wei tug hon mun di bingon Noni. Gima rino Noni sindem mem gima hati tut yo di icut ei mun di bingon yokti kin ninghuisi weiti.

IBRANI 2:9

Noro ikan tut Yesus kin Nide nisindemti tu! Allah om Yesus wer ei bijehei leu malaikati nya mem nijam di jei bi leu binhyepo Noni mai mem tungwatu dihyeisi dini hagom tug hon Allah de nisingat tut nyeti. Nogindini ikan tut bipia Noni yai Nide nikei-kau-keisi kin ninyeng di jei lewo tug ndei ninghuisi wei kin nimai tu.

IBRANI 5:7

Tirigi Yesus ningat rin ei dihyeisi dini lene Noni ba nihyet nindig bibor kin niyai nggwei di kibor bingat nadi bak Allah di sindem mem gima nyohou Noni leu binhyepo mai bi. Allah ngig nitingou mem nihyet lewo Yesus ba ningon di gom bikuk No bak Allah.

IBRANI 7:16

No dini yai ninyeng imam tug hon nidimig sutti di ndo igbit tut keret di suar imam nya intun him bi. Noro No dini yai ninyeng imam tug hon niyaijo di jo kikau buug hon nohonti bi nisindemti.

IBRANI 7:19

Lewo Puig Yahudi niggai serti sindem mem gima bindei mun nyeng hi bikei-kau-kei bi. Noro tini bu ne Allah bindei ba, igyok ingon mem puig di kei bibor di bon nikwesti mem gima ikuk nye ei Noho bei.

IBRANI 7:24

Noro Yesus yai midyai nok imam kikau lewo niyaijo kikau buug hon nohonti bi ba, hiter ya luei nohoti bi.

IBRANI 7:8

Imam di intun Lewi him ne yo di igyaijo kikau bi noro imbus mben Yahudi imati gom leu ningot gom lene nok leu yok. Noro bit leu nok gi ipas ei Allah nihyetti Melkisedek di mai bi ma gom leu ningot gom lene nok leu Abraham.

IBRANI 9:24

Lewo Kristus coi ug ei Ninsi Di Kwes-Kwau di tungwatu nya ibon bou inda him di dat Ninsi di jo kikauti bi. Noro noni coi kikau ug ei gwamti biya ei Allah Noho bei leu binhyepo ya hacan mem nye.

YUDAS 1:24

Ma nyeni yahagom inggei sut Allah di sindem mem gima nyohou je leu binhyepo jicut bi ba, sindem mem gima buwak je bitut jingon di llei lo, mun di kinei hi rap je bi kikau ug ei Nonti Noho bei.