IBRANI 7:19 - ALLAH NIHYET MEM TUNGWATU NYA

¹⁹ Lewo Puig Yahudi niggai serti sindem mem gima bindei mun nyeng hi bikei-kau-kei bi. Noro tini bu ne Allah bindei ba, igyok ingon mem puig di kei bibor di bon nikwesti mem gima ikuk nye ei Noho bei.

IBRANI 7:19 ပူးပေါင်းရင်းမြစ်များ

MAZMUR 73:28

Noro tut dani ne gino diya kui Na di tuhan biditri tut Ade midyai nya ne dingon llei bibor lewo Nani ne mpia di diya coi ri.

NIBWOS-BWOS NYENTI 3:57

Lene amiap ditde nadi leu api akwei dideu da ba, apai ‘Adigit tut au.’

YOHANES 1:17

Ide Tuhan yai nicukti binye tug hon Musa noro ndo nisingat tut nyeti kin Allah de ningon gomti brei binye tug hon Yesus Kristus.

YOHANES 14:6

Yesus buhup “Dani ne puig mem nibikan tut Allah nijit-jausi kin nibiyai niyaijo nijepti ri. Bit bon no di tug hon Da bi ug ei Dicig nidim cem kan bi.

KISAH 13:39

Ma jiyok ngon kep mungkun bipia no di ningon jo kep Noni miningon ngun. Lewo bit bon Allah de Puig Yahudi nicukti bindei bijingon ngun kan bi.

ROMA 5:2

Yesus bindei Allah nisingat tut nyeti dima pek kep mem nye tug hon ide niba ningon com Noti. Nogindini igyaijo tug hon Allah nisingat tut nyeti. Gima rino ingon llei bibor lewo iba ingon com bipia ipriet kin Allah nikei-kau-keisi ei nidipti bu!

ROMA 7:7

Gi nok ne ipai mindei i? Ipai Puig Yahudi niggai serti kinei e? E bi! Noro Puig Yahudi niggai serti dima ribindei dino dikan tut sisar. Gino Puig Yahudi niggai serti dima cuon ser sisar ningon pri kep mun di hiter mbunti bi ne dingon hukti tut sisar dima bi.

ROMA 8:3

Ingut kanti di ntun dihyeisi dini him bindei ba, bit bon Puig Yahudi niggai serti kwek nye kan bi. Noro Allah nggek tut sisar nisindemti ei ingut kanti di ntun dihyeisi dini him tug hon Nipmot di Noni pinak kwei tereu nok tungwatu dihyeisi mem gima biciu ser sisar.

GALATIA 2:16

ikan tut bipia tungwatu nya igyai ingon di kwes kin Allah tug hon gi ibit Puig Yahudi niggai serti bi noro tug hon ide niba ningon com Kristusti he. Gima rino nyeni cem ingon jo kep Yesus Kristus leu binhyepo ibiyai ingon di kwes kin Allah tug hon ide niba ningon com Noniti lene tug hon nibit Puig Yahudi niggai serti nya bi. Lewo bit bon hi yai ningon kwes kin Allah tug hon gi bit Puig Yahudi niggai serti kan bi.

GALATIA 3:21

Gima ndo bindo bipia Puig Yahudi niggai serti tte tut Allah nipreu eisi e? E bi! Leu gino Allah yai niggai serti di bindei ba, tungwatu nya iyai niyaijo nijep lene gima bindo pia igyai ningon di kwes kin Allahti tug hon niggai serti dima.

GALATIA 3:24

Gima rino Puig Yahudi niggai serti ttei nibou nok nibou di kos tut mem nye kikau bibou Kristus kwei biyai ingon kwes kin Allah hanyen drek dip ide niba ningon com Kristusti ug e.

EFESUS 3:12

Nogindini iba ingon di nddong bibrim ingkek kep Allah ug ei Nonti Noho bei drek dip gi inok gom kin Kristus lene iba ingon com Noni.

KOLOSE 1:27

Allah ningon kanti mem Nide limwa nya rino joi sut mbot kep tut Nide nimimun di kei-kau kin mindur di Noni bet ei mem tungwatu nya biyok. Nimimun dima ne Kristus ningat rin ei jingonti gi bindo tut bipia jinyeng tut mun di mindur hagom di Noni tin ei mem je.

TIMOTIUS GI NIGOM 1:1

Srat dini leu da di Paulus ba, diyai dinyeng nok no di ya kui Yesus tug hon Allah di teu nye leu sisar biyai niyaijo nijep binye nicuk dati kin Kristus Yesus di iba ingon com nicuk dati.

IBRANI 10:1

Puig Yahudi niggai serti rinok ningwes di pimber di ndo tut mun di mungkun kei di mikwei yo. Noro nok ningwes di sieng-siau kei tut mun di kei di mikwei dima bi. Mbro nok gino ibui mindhe nya tut ninggrom bikwop ari bingwam kikau nok lo, bit bon niggai serti dima bindei ba, yo di ikuk yok bak Allah tug hon nisinati dima ingon kwes kan bi.

IBRANI 11:40

Lewo Allah nikos tutti di mem nyeni kei bibor njiriek mun di Noni kos tut mem yoni. Noni kos tut bipia bindei ba, yoni ikei-kau tirigi Noni bindei nyeni ikei-kau.

IBRANI 11:6

Gino niba ningon comti jo binye bi ne bit bon Allah joi sut nye kan bi. Suar tungwa tou rino kuk no ei Allah Noho bei ba ningon com bipia Allah norinaha cem buhup yo di inggok tut Noni cem.

IBRANI 3:6

Noro Kristus ningon gom ba, Noni ne Nipmot di nyohou Allah de ig ri. Ba, nye dini ne Allah de ig rin gino ibrim ingkek ba, ingon ngkiem tut mun di igyok ingon mem.

IBRANI 4:16

Gima rino ma ibrim ingkek kep Allah ei Nide banggo mbrei lewo Noni singat tut nye. Noni ngondut nye bisingat tut nye cem leu binhyepo itug ndei nimpu nye dem igbit nikwesti.

IBRANI 6:18

Bit bon mun nyeng can pima nggek ba, Allah ris mun tut gima kan bi. Gima rino ingwes ngun ug ei Nonti nindati. Mun dini yok biwin kep ingonti leu binhyepo ikrau kep mun di igyok ingon mem di jo bei nyeni yoho bei.

IBRANI 7:11

Mbro nok gino Puig Yahudi niggai serti pai bipia suar idimig imam nya leu yo di intun Lewi him lo, bit bon imam dima yok ibindei ba, ide limwa nya ikei-kau kan bi. Gima rino suar imam nijep di noyam kin Melkisedek ba, ntun Harun him bi ya luei imam yohoti bu!

IBRANI 7:20

Bitut gima cem Allah ba neheng bipreu ei. Nipou yo ne iba neheng bita yo di intun Lewi him nok imam nya bi.

IBRANI 7:25

Gima rino Noni sindem mem gima teu tungwatu nya di ikwei kuk yok bak Allah tug hon Noni leu ide sisar biyai niyaijo nijep biyok bijo ninno-bijo kikau lewo Noni niyaijo kikau biya hacan mem yok ei Allah Noho bei.

IBRANI 8:6

Noro tini bu ne Yesus yai midyai imam di bon ninyeng dor njiriek imam pima yok ide midyai nya bit leu nok gi preu nijep di Yesus mbus ei mem Allah kin tungwatu nya bon ninyeng dor njiriek gi preu nitimiei lewo com nigau ei nipreu ei mem nyeti di kei bibor di dor njiriek bu.

IBRANI 9:9

Mun dini yok hagom bindo tut nijam dini. Nibimbiti dini bindo bipia bit bon mun di ikwas tut Allah kin midut nibikos ser sisarti ninggrom piap yo di ikuk yok bak Allah ingon mien bikei-kau kan bi.

YAKOBUS 4:8

Ma jidideu Allah leu api Noni dideu je. Je di jingon rom e, suar jipiap jinda leu ba, je di jingon mang e, suar jipindi jingon bikwes.