IBRANI 7:14 - ALLAH NIHYET MEM TUNGWATU NYA

¹⁴ Tungwatu nya yahagom ikan tut bipia ide Tuhan ntun keret Yehuda him. Lo, no di nggre kin keret Yehuda hi yai midyai nok imam bi sren.

IBRANI 7:14 ပူးပေါင်းရင်းမြစ်များ

NITRITI 46:12

Kin Yehuda bitut nipmot bat di inyeng rino Syela kin Peres kin Zerah. Nipmot bat cin Er kin Onan imai leu noni ei minu Kanaan nipou su. Kin Peres nipmot cin di inyeng rino Hezron kin Hamul.

NITRITI 49:10

Yehuda mikrau nibou ndig de tom ei nindati ba, nide nintun him yamti di bram yam nya inyeng tak kep ide limwa nya bijo ninno. Mben nya migo belasten binoni bikuk yok ba, iba ingwak bikik mpia ei noho bei.

YESAYA 11:1

Nibou Ndig Daud de nintun him yamti di bram yam nya midem kep nok biei di iwim tu. Bit leu nok nibiop ntun ningwam him hanyen ne nibou ndig nijep bu di ntun Daud him mikiju kwei.

MIKHA 5:2

tuhan mikes Nide limwa nya ei siceu nya indati kikau bibou sop gom di Noni ndo ei nok no di ninyeng jei dima nipmem misrek tut noni ug e. Gima ngwig leu api nintun yam him nya di isima ei ingkiaisi mingkwei hanyen kwei binok gom kin ide bat nya ei itimieisi bu.

MBEN ISRAEL IMBUT-MBUT NYEN 24:17

Tirigi dingat mun di jo ei nidipti bu lene dingat mben Israel. Nibou ndig mintun timiei mben Israel him rin ba, Noni mittau kwei dem kep nok ham mpia-bbed him di piga kei ri. Leu api noni mitam mben Moab ba, mihwen mben Set nya yahagom bingwig.

MATIUS 2:6

‘He minu mien Betlehem ei hanjop Yudea e, anyeng mitibim nok minu mien he ei minu Yehuda bu bi. Lewo nibou di ninyeng jei mijem nitimieisi leu ade minu mien leu api Noni mibie tut Ditde mben Israel.’ ”

LUKAS 1:43

Noro tut dani ne dibon dinyeng bi. Nggon rino Tuhan nipmem kwei cem kep da i?

LUKAS 3:33

Nahason ntun Aminadab him ba, Aminadab ntun Admin him ba, Admin ntun Arni him ba, Arni ntun Hezron him ba, Hezron ntun Peres him ba, Peres ntun Yehuda him ba,

YOHANES 20:13

Malaikati cin dima ihig ser Maria “Sindig e, nggon rino apim i?” Maria buhup “Bihi iket ditde Tuhan ningut tu lo, dikan tut mpia di igyok ningut hanyen eisi bi.”

YOHANES 20:28

Tomas pai bak Yesus “Nani ne ditde Tuhan ba, Allah di dikuk da bak ri!”

ROMA 1:3

Nihyet Di Kei dima pui sut Allah Nipmot bipia Noni ne ide Tuhan Yesus Kristus ri. Tut Yesus ningut ne Nide pung kim Daud,

ROMA 2:3

Noro disut bat jen, jeni cem jiyai bram mun di jiba jihyet biyai yo di hiter tut! Jikan bipia mijingwes ngun leu hukum di Allah mikes ei tungwatu nya dip e?

EFESUS 1:3

Jikwei ba, inggei sut Allah di nok ide Yesus Kristus Nicigya! Lewo Noni njei mun di kei di ntun gwamti him ninyeng hagom bak innei drek dip gi inok gom kin Kristus.

FILIPI 3:8

Lene mun dima yok he bi. Lewo dikes mun nyeng hagom ei tereu nok mumpiang di bon ninyeng mem da bu bi leu binhyepo dinyeng tut mun di bon ninyeng nindig bibor dor njiriek bu. Mun dima rino dingon bit Kristus Yesus dino ditde Tuhan. Dikes mun dima yok hagom ei drek dip Kristus. Dibibon hagom tereu nok mumpiang leu binhyepo dingon bit Kristus lewo Noni bon ninyeng mem da,

IBRANI 7:13

Mun dini yok hagom ndo tut ide Tuhan. Pung di Noni ntun him ne pung hiter rin ba, yo di intun pung dima him hi yai midyai nok imam bi sren.

IBRANI 7:15

Mun di nyeni nitri tut jo nibreisi bibor tug hon imam nijep di noyam kin Melkisedek pima nittau kweisi.

NINGAT-HI-NGAT NYA 22:16

“Da di Yesus dipinak Ditde malaikati leu binhyepo noni hwou tri tut mun dini yok hagom ei mbusyameisi nya. Dintun Daud de keret him. Dani ne singmur mpia priti di njeng kei ri.”

NINGAT-HI-NGAT NYA 5:5

Noro nibou pima yok igom pai ser da “Apim au. Angat i! Singa ningut gom di ntun keret Yehuda him di ninyeng jei di ntun Daud him bindei cut sisar nisindemti cem sindem mem gima cug biei nggrai muhwindacan dima leu srat bikwek.”