IBRANI 6:19 - ALLAH NIHYET MEM TUNGWATU NYA

¹⁹ Mun di igyok ingon mem dima tereu nok kimuntu di tot minyei jou bingkiem bibor di bisindem tut nye ba, ingon nddong kei. Mun di igyok ingon mem tibim ban mbrawinti buug jo ei Ninsi Di Kwes-Kwau ei Tuhan De Ig di jo ei gwamti.

IBRANI 6:19 ပူးပေါင်းရင်းမြစ်များ

MAZMUR 39:7

Ba, igyaijoti dem kep ningwes di kigyei he. Mun di ibou sibui sut nya hagom mikui-kausi he. Inju ndigban keyam lo, tirigi imai ne igikan tut tungwa di miba nokep ndigban dima cem bi.

MAZMUR 42:11

Ighyet di tigut da tereu nok gi ditug midut. Leu api ihig-hig nyen da “Ade Allah No ritou i?”

MAZMUR 42:5

Tirigi diyok ngon kep mpe di po diya tut disut bat kin dide bat nya binicoi ug ei tuhan De Ig mem njap ndig bidibie tut yok ne dingon ngguk bibor. Mpe dima lene nahagom ningon llei bibor ba, nipai doia cem ba, niba nimbos-hi-mbos binggei sut Allah.

MAZMUR 43:5

Nggon rino dingon ngguk bibor nok i? Nggon rino dingon buhun bibor nok i? Diba dingon com Allah. Midinggei sut Noni hanyen bu bidikuk da bak lewo Noni teu da bidingwes ngun tu.

YESAYA 12:2

Ningat ne Allah ne No di teu da di dingwes ngun rin ba, diba dingon com Noni. Digittin bi lewo Noni sindem tut da. No di teu da di dingwes ngun rino Allah ba. Midipai doia bak.

YESAYA 28:16

Gima rino tuhan Di Sindem Bibor pai “Midita cou nipmem di sindem bibor ba, nddong kei cem ei mem Sion. Midiprion tig mma di bon ninyeng ei ig nuhuisi ba, mun di ipas eisi pai ‘Tungwa tou riba ningon com Da bingkiem kei miningon pus tut bi.

IMAM NYA IDE MIDYAI 16:15

Gima ngwig lene ma Harun bui kambir mem nibon midut nibikos ser mben Israel ide sisar leu api hek ninggrom poi kwei ei Ninsi Di Kwes-Kwau bigimahap Brua Gi Preu nibeng kin nuhui cem bit leu nok niyaisi tug hon sapi nikre ninggrom pima.

IMAM NYA IDE MIDYAI 16:2

“Ma acuk akindig di Harun bipia coi ug ei Ninsi Di Kwes-Kwau di jo sinsun mbrawin nite dima kwei dem igbit tto bou di dipreu ei mem noni tu he. Lewo dindo Danti tug hon bumbuhui di nggai kep ser Da ei nai Brua Gi Preu nibeng dip ei sirima. Leu gino noni bit gi dicuk nati dini bi lene noni mimai drek dip.

ZAKHARIA 9:12

Je di jisima ei jingkiaisi e, ma jingkwei hanyen kwei lewo No di jiyok jingon mem Nonaha. Ma jikwei gwam coi jitimieisi hanyen. Jimiap e, midinjei mun di kei bak jeni mbican bram yam drek dip ninghuisi wei di cut igkep je ei jingkiaisi.

MATIUS 27:51

Ban mbrawin di ipindur ei Tuhan De Ig rik hacan bipek guhu bipek gimu. Dihyei mun brim ba, hak cem ki hacan.

KISAH 23:6

Tirigi Paulus ngat lo, Nikei Puig Yahudi Nya ibou poi inggre kin nimpung Saduki lo, nindigsi nya inggre kin nimpung Farisi lene noni ba nihyet nindig bipai biyok “Disut bat jen, dinggre kin nimpung Farisi ba, dicig bat nya cem inggre kin nimpung Farisi. Jimbus dingonti drek dip gi dingon jo kep bipia Allah miwin nimai nya hanyen leu imai eisi.” (

KISAH 27:29

Lene idigit tut leu ma kibar mitug bor ei minyei jou. Gima rino yuhuk kimuntu ningat bitai leu kibar ninor bibet ingon mem njap nitekti.

KISAH 27:40

Gima rino ikos kuk tut kimuntu nya bisar hak ei muk mpoti kin kuk di kat nisibuisi can ei ninora. Leu api itas nsriwir gom ei dihim ndam kibar nuhwap leu api hou ttem kibar tut nye ug ei mam bei.

ROMA 4:16

Gima rino Allah nipreusi dima tug hon ide niba ningon com Noniti. Allah ba ningon di singat tut yok bibindei nipreu ei mem yo di intun Abraham himti dima ngkiem-kiau mem ngkiai nya he bi noro mem yo di iba ingon com Allah bit leu nok Abraham ba ningon com Noniti. Lewo Abraham nok ide pung di bitut innei mem yo di iba ingon com Allah intun him yahagom.

ROMA 4:18

Mbro nok gino bit bon Allah nipreu ei mem Abrahamti pek kep mem noni kan bi lo, noni ba ningon com Allah. Gima rino Allah bindei ba, noni nok pung di mben mang bibor intun him. Lewo Allah Nihyet pai “Yo di imang bibor mintun nani him.”

ROMA 5:4

Ide niba nibou coi mem mun nyeng hagomti biyai ingon nddong drek dip mun di bingon nye bibindei ba, igyok ingon mem ba,

KORINTUS GI NIGOM 13:13

Mem nijam dini ne suar ibrim ingkek mem mun nyeng ningai. Niba ningon com Allahti kin niyok ningon mem Allahti kin ningon ngakei yamti. Noro gi hi di bon ninyeng dor njiriek nindigsi rino ningon ngakei yamti.

KORINTUS GI NIGOM 15:58

Gima rino disut bat di dingon kieti jen e, ma jiyai nisindemti kin ningon nddongti. Ma jita jibou ei Allah de midyaiti lewo jikan tut bipia midyai di jiyai mem Tuhan nya hagom mikui-kausi bi sren.

EFESUS 2:6

Allah win nye leu imai eisi bit Kristus Yesus lewo inok gom kin Noni leu binhyepo inyeng mitak kep mun nyeng hagom bit Noni ei gwamti.

KOLOSE 1:27

Allah ningon kanti mem Nide limwa nya rino joi sut mbot kep tut Nide nimimun di kei-kau kin mindur di Noni bet ei mem tungwatu nya biyok. Nimimun dima ne Kristus ningat rin ei jingonti gi bindo tut bipia jinyeng tut mun di mindur hagom di Noni tin ei mem je.

KOLOSE 3:1

Allah win je ba, jiyai niyaijo hanyen noyam kin Kristus tu. Gima rino ma jikan-kan nyenti bisau sut mun di jo ei gwamti. Kristus gwam kui Allah ninda com ei mpia dima.

2 TIMOTIUS GI NICAN 2:19

Noro cou nipmem di Allah ta ei su dima nddong kei ba, bit bon tungwatu nya ikit-kit nyen kan bi. Srat bokti di jo ei cou nipmem dima dip pai “Tuhan kan igbit Nide limwa nya.” Ba, hi kin bu pai “Ma tungwa tou rino pai sut nonti bipia noni ne Allah de limwa rin mbres nonti leu mun di kinei hagom.”

IBRANI 4:16

Gima rino ma ibrim ingkek kep Allah ei Nide banggo mbrei lewo Noni singat tut nye. Noni ngondut nye bisingat tut nye cem leu binhyepo itug ndei nimpu nye dem igbit nikwesti.

IBRANI 9:3

Allah De Ninsi Di Kwes-Kwau jo nding ei ninsi gi nican ei ban mbrawin nite dima kwei.

IBRANI 9:7

Noro Imam Nibou Ndig nongkom coi ug ei Allah De Ninsi Di Kwes-Kwau. Bikwop ari bingwam gom lene noni coi ug eisi mbigom he. Noni ttei mindhe ninggrom buug sut ug ei Allah Noho bei biya hacan mem nonti kin Allah de limwa nya ide sisar di iba nibisinggre bi bibon nya.

PETRUS GI NIGOM 1:3

Jikwei ba, ipai sigyo bak Allah dino ide Tuhan Yesus Kristus Nicigya! Ningon ngakei nye nindig bibor biyai niyaijo nijep binye tug hon Yesus Kristus nikiju hanyen leu nimai eisi. Noni bindei ba, igyok ingon memti nddong kei.