IBRANI 6:17 - ALLAH NIHYET MEM TUNGWATU NYA

¹⁷ Allah joi sut bipia yo di Noni preu ei mem yok nya ikan tut bipia Noni miluei ningonti tut nipreu eisi dima hanyen bi. Gima rino Noni ba neheng bipreu ei mem yok.

IBRANI 6:17 ပူးပေါင်းရင်းမြစ်များ

NITRITI 26:28

Lene ibuhup “Jo nibreisi bipia tuhan nyohou na nok gi kei. Gima rino nikan bipia nna ba nyeni yahagom ipreu mun ei bit yam. Ma apreu ei mem nye bipia,

MAZMUR 110:4

tuhan preu ei tug hon neheng bipai “Dikon anyeng nok imam noyam kin imam Melkisedek kikau buug hon nohonti bi.” Ba, Noni mingkwei leu nipreu eisi dima bi sren.

MAZMUR 33:11

Noro ningon kanti nya kin nikos tutti nya ngkiem kei bijo ninno bijo kikau.

MAZMUR 36:8

Allah e, angon ngakei tungwatu nyati bon ninyeng nindig bibor. Yoni igwam coi anyehei behei ba, anyohou yok.

NEHEI LEUSI 22:11

ma no dima ug ei jide ig mbusyameisi lene ba tuhan ninyeng bipai jit tug hon neheng bipia noni mbrai nisut nide mindhe dima bi. Gino ningat ne noni mbrai mindhe dima bi lene nisut ningon jo nyahan drek dip mun di cut igkep nide mindhe dima. Lene no di nyohou mindhe dima migo nibuhup bi.

NIPINGOK NINGONTI 19:21

Tungwatu nya ikos tut ingon kanti ninyeng mang bibor noro tuhan nikos tutti nya he rino mipek kep.

DIUN MIMUN 5:1

“Dikinjoi ninyan e, dikwei ei ditde miaisi tu. Dimbus ditde mur kin biei ngat di nyop kei nya keyam bidiyem ditde ahwei lon ngei. Didut ditde sapi do ngei kin ba anggur ngei.” “Nisut bat jen e, jiyem njita lene jibidut ndia ngei. Jidut kikau ba, jibou bibuwei kep jingon ngakei yamti.”

YESAYA 14:24

tuhan Di Ninyeng Jei Bibor ba neheng bipai “Mun di dikos tut tu mimbut bipek kep.

YESAYA 46:10

Habiei ei nimbie him lene dimbot kep tut mun gi nidipti. Habiei ei nimbie him ne ditri tut mun di mipek kep mem tungwatu nya. Dipai bipia dikos tutti nya mipek kep mem tungwatu nya ba, midiyai hagom bit leu dingon kanti.

YESAYA 55:11

Nok gima cem tut Dihyet di disimbot dat nya mingkwei hanyen ndam Da mikui-kausi kan bi noro mingat ningat bit leu dingon kanti biyai midyai hagom bit leu nok dicukti.

YESAYA 55:7

Ma no di sibut kes hon ba, sibut bu bi. Ma noni luei ningonti tut niyai munti nya bikwei kuk no bak tuhan di ningon nggriu. Ma noni ngkwei hanyen ndam tuhan di ngondut noni. Lewo tuhan kos ser nide sisar.

MALEAKHI 3:6

“Dani ne tuhan rin ba, diluei dingonti bi sren. Gima rino je di jintun Yakub him jisrawir bi.

YOHANES 10:10

Ninggimang kep mun cig gau sar bimbrai domba nya leu api bui nok mikwau bidigou binggek tut domba nya. Noro dikwei leu binhyepo tungwatu nya igyai niyaijo nijep di mpung kin pias-hagau ei ingonti.

ROMA 11:29

Lewo Allah luei ningon tut yo di Noni dimig yok ei biyai gi kei biyok tu nya bi sren.

ROMA 8:17

Gino nyeni ne nimunggwom bat nya rin ne imbun mun di kei di Noni bet ei mem nimunggwom bat nya. Ba, imbun mun di Allah bet ei mem Kristus cem lewo inok gom kin Noni. Leu gino ipriet kin Kristus ninghuisi wei ne ipriet kin Kristus nikei-kau-keisi nya cem.

GALATIA 3:29

Gino jijem jiceu bit Kristus ne jintun Abraham him bijiba je kep mun di Allah preu ei mem noni kin yo di intun noni him.

EFESUS 1:11

Allah bindei ba, mun di hagom pek kep mem tungwatu nya bit leu Nonti ningon kanti kin nikos tutti. Noni dimig nye habiei ei nimbie him bibindei ba, inok Nide limwa nya tug hon ide ninok gom kin Kristusti ba, niyaisi dini ntun ningon kanti him.

IBRANI 11:7

Niba ningon comti bindei ba, Nuh ngig nitingou mem mun di Allah sok kep noni tut mun di mipek kep ei nidipti bu di bit bon noni ngat bou niyai him kan bi. Noni bit Allah nihyet ba, bibon kibar di bindei ba, noni kin nide bat nya yahagom ingwes ngun leu minyei di su. Apino tungwatu dihyeisi dini hagom itug ndei hukum noro Allah pai sut Nuh bipia ningon sren lewo ba ningon com Allah.

IBRANI 11:9

Niba ningon comti bindei ba, noni bong ei ningkiaisi di Allah preu ei mem noni. Noni bong kep prak meng behei leu api Ishak kin Yakub cem ibong kep ide prak meng behei ba, iba yo kep nipreu eisi noyam kin Abraham.

IBRANI 6:12

Nikou sut gima jibong biei nda dip kep ig he a. Ma jibon jenti nok yo di ingon jo kep Noni kin yo di yoom ingon leu binhyepo jiyai mun di Allah preu ei mem je.

IBRANI 6:16

Gino tungwagom heng bak yo di hiter lene noni heng bitug hon no di ninyeng jei njiriek noni ninyeng. Mun di noni ba neheng bipreu ei dima ngkiem-kiau ba, bit bon hi nggek tut kan bi.

IBRANI 6:18

Bit bon mun nyeng can pima nggek ba, Allah ris mun tut gima kan bi. Gima rino ingwes ngun ug ei Nonti nindati. Mun dini yok biwin kep ingonti leu binhyepo ikrau kep mun di igyok ingon mem di jo bei nyeni yoho bei.

YAKOBUS 1:17

Mun di kei kin mun di dia-diau nya hagom ntun Allah him bisrek kwei leu Noni. Noni pai tes nipigati nya hagom ei mpia-bbed him. Noni luei ningonti bibindei ba, nidinditi nggai kep tungwatu nya bi.

YAKOBUS 2:5

He disut bat di dingon kieti jen, ma jiyok ngon kep bipia Allah dimig nuhwap mbum nya ei dihyeisi dini bibindei ba, inyeng tut ide niba ningon com Yesus Kristusti. Yo dima micoi bit Allah Ninyeng Tak Kepti di Noni preu ei mem yo di ingon ngakei Noni.

PETRUS GI NIGOM 1:3

Jikwei ba, ipai sigyo bak Allah dino ide Tuhan Yesus Kristus Nicigya! Ningon ngakei nye nindig bibor biyai niyaijo nijep binye tug hon Yesus Kristus nikiju hanyen leu nimai eisi. Noni bindei ba, igyok ingon memti nddong kei.

PETRUS GI NIGOM 3:7

Nok gima cem je di pinai nya e, ma jiba jingon bisrip huk bipia jitnem bat nya ne pung di isindem bi nya ri. Ma jibibon yok nok gi igbit lewo jeni kin yoni mijiyai niyaijo nijep di jo kikau tug hon Allah nisingat tut jeti. Ma jibit dicukti dini leu binhyepo tirigi jingat nadi lene mun nyeng hi sigi ser jingonti bi.