IBRANI 6:11 - ALLAH NIHYET MEM TUNGWATU NYA

¹¹ Nijoi sut bipia bikwop jeni jahagom jibrim jingkek kikau ug bipek njap ningwig honti leu binhyepo mun di jiyok jingon mem nya hagom mipek kep mem je.

IBRANI 6:11 ပူးပေါင်းရင်းမြစ်များ

YESAYA 32:17

Tungwatu nya igyai munti di igbit hagom mibindei ba, yahagom ingon kwes kin yam ba, ibong kei igwam kei.

MATIUS 24:13

Noro Allah miteu no di ya ngkiem kikau ug bipek ningwig honti.

LUKAS 1:1

Srat dini mem Andigpoi Teofilus di ninyeng jei. Nipou pini jug ne tungwatu nya imang bibor ita ibou ei nipas kep sindam tut mun di pek kep ei nyeni nikieti tu.

ROMA 12:8

Suar no di yai nisindemti mem gima biwin kep yo di hiter ingonti biwin kep ingonti hak ug. Suar no di yai nisindemti mem gima kwas mun di ma nya tut hiter ngondut yok bikwas mun di ma nya tut yok. Suar no di yai nisindemti mem gima bie tut tungwatu nya ta nibou ei nibie tut yokti. Suar no di yai nisindemti mem gima ngondut hiter ba ningon di llei bingondut yok.

ROMA 15:13

Allah bindei ba, igyok ingon mem Noni. Handei kon ba, Noni yai jingon llei bibor kin jingon jo nyahan cem tug hon jide niba ningon com Noti leu binhyepo jiyok jingon mem Noni bibor bikum eisi bu tug hon nisindemti di kwei leu Allah Ninnei.

KORINTUS GI NIGOM 13:13

Mem nijam dini ne suar ibrim ingkek mem mun nyeng ningai. Niba ningon com Allahti kin niyok ningon mem Allahti kin ningon ngakei yamti. Noro gi hi di bon ninyeng dor njiriek nindigsi rino ningon ngakei yamti.

KORINTUS GI NIGOM 15:58

Gima rino disut bat di dingon kieti jen e, ma jiyai nisindemti kin ningon nddongti. Ma jita jibou ei Allah de midyaiti lewo jikan tut bipia midyai di jiyai mem Tuhan nya hagom mikui-kausi bi sren.

GALATIA 5:5

Noro tut nye dini ne niyok ningon mem nyende ningon kwes kin Allahti di niyai tug hon nisindemti leu Allah Ninnei kin niba ningon com Kristusti cem.

GALATIA 6:9

Gima rino ma ingon cut leu ide niyai munti di kei bibor nya au. Leu gino ingon cut leu bi lene mpe di gom mingat ningat leu igyai munti dima yo.

FILIPI 3:15

Ma nye dino imahan ei ingonti kin innei yahagom ingon mien paisi noyam kin Nide ningon mien paisi. Lene gino bihi ingon mien paisi titer ne Allah mipingok gima bije bijingon dorti tut yo.

KOLOSE 1:23

Ma jiba jingon com Nihyet Di Kei di nddong kei mem je. Ma jitti-tti nyen bijingkwei leu jide niba ningon comti di jiyai tirigi jimiap tut Nihyet Di Kei au. Nihyet Di Kei tibim kikau ug ei tungwatu dihyeisi dini hagom itingou nsi tu ba, da di Paulus dinok awak mem tu.

KOLOSE 1:5

Jiba jingon com Noni bijingon ngakei yam lewo jiyok ngon mem mun di Allah tin ei mem je ei gwamti. Jimiap tut mun dima tirigi Nihyet Di Kei di nijit tibim ei jitingou nsi habiei ei nimbie him.

KOLOSE 2:2

Diyai kep midyai dima leu binhyepo dibiwin kep ingonti bidibindei ba, yahagom ingondut yam ba, inok gom cem. Tug hon nisinati dima ne yahagom ingon bit Allah nimimun bingon dorti tut lene ingon ngkiem tut. Nimimun dima ne Kristus Nonti ri.

TESALONIKA GI NIGOM 1:5

Lewo nihwou sut Nihyet Di Kei ei jikieti tug hon nihyet di tibim leu nuhui him he bi noro tug hon nisindemti kin mindur di Allah Ninnei bibon ei jikieti. Nindo tut niba ningon com Nihyet Di Keisi bije tu. Nyende niyai munti nya jo nibreisi mem je tirigi ningat rin ei jikieti ba, nibrim ningkek mem je.

TESALONIKA GI NIGOM 4:10

Ningat ne jingon ngakei jisut bat yo di ingon jo kep nya bidem hanjop Makedonia nisurti-nipekti tu. Gima rino nitigtai je leu binhyepo jikum ei jide niyaijoti di kei biborti dor njiriek bu.

TESALONIKA GI NICAN 3:13

Disut bat jen, ma jinda kes leu jiyai munti di kei nya au.

IBRANI 10:22

Gima rino jikwei ba, iba ingon di gom kin ingon di nddong kin ingon di kwes-kwau di mui bu bi kin nikek minyei di pimbai keiti bison dideu Allah.

IBRANI 3:14

Gino ikrau kep ide niba ningon comti di igyai ei nimbie him kikau bipek ningwig honti lene inok Kristus nisut bat nya ri.

IBRANI 3:6

Noro Kristus ningon gom ba, Noni ne Nipmot di nyohou Allah de ig ri. Ba, nye dini ne Allah de ig rin gino ibrim ingkek ba, ingon ngkiem tut mun di igyok ingon mem.

YOSUA 7:3

lene ingkwei hanyen bipai bak Yosua “Ma apinak nok ibou sribu can sribu ningai he mem gima yuug kon pran bit mben Ai lewo dem mem gima nyeni yahagom injei siceu bikon pran bit yok bi. Minu dima ne minu mien he. Gima rino ma apinak tentara nya yahagom ug ei sirima mem gima ikon pran bit yo dima au.”

PETRUS GI NIGOM 1:21

Noni ribindei dino jiba jingon com Allah di win Noni hanyen leu nimai eisi biyai nikei-kau-keisi biNoni. Gima rino jiba jingon com Allah bijiyok jingon mem mun di Noni preu ei mem je.

PETRUS GI NICAN 1:10

Disut bat jen, ma jibrim jingkek leu binhyepo Allah nihig jeti kin nidimig jeti micom nigau ei jingonti binghig-niker. Gino jiyai nok gima lene jisrawir bi.

PETRUS GI NICAN 3:14

Gima rino disut bat di dingon kieti jen, tirigi sisip jibet jingon mem Njap dima nittausi lene ma jimbres jenti leu sisar kin mun di kinei di sigi ser jingonti nya hagom ei Allah niyai him leu binhyepo jingon kwes kin Noni.

YOHANES GI NIGOM 3:14

Nyeni ikan tut bipia imai ei ide sisarti bu bi noro icoi ug ei niyaijo nijepti tu. Ingon dorti tut gini lewo ide ningon ngakei yamti ndo bindo binye tu. Nimai sindem tut no di ningon ngakei nisut bi.

YOHANES GI NIGOM 3:19

Tug hon nisinati pima ne ingon dorti tut bipia igyaijo nok gom kin Allah nimunggwom bat di nijit nya ba, ingon jo nyahan ei Allah Noho bei.

NINGAT-HI-NGAT NYA 2:26

Mem yo di ibindei cut sisar nisindemti bigyai midyai bit leu dingon kanti kikau ug bipek ningwig honti ne midiyai nisindemti biyok leu binhyepo inyeng tak kep mben nya hagom.