IBRANI 6:10 - ALLAH NIHYET MEM TUNGWATU NYA

¹⁰ Allah ningon sren-srau. Ningon miprion ser jiyai munti nya kin jide ningondut yamti di jindo biNoni tirigi jahati tut jisut bat yo di Kresten nipou cem nogindini cem bi.

IBRANI 6:10 ပူးပေါင်းရင်းမြစ်များ

NEHEMIA 13:22

Leu api dicuk Lewi nya leu binhyepo ibon midut nibindei kwes yonti leu api suar igya ser dimbou pmem nya leu binhyepo map kui Njap Nigwam Kep Ninghuisiti bi.” Lene dingat nadi “Allah e, ma ayok ngon kep mun nyeng hagom di dibon dima. Aba Ade ningon ngakeisi di nindig bibor bingondut da.”

NEHEMIA 13:31

Dinyohou dimig nikos tutti leu binhyepo limwa nya irop biei mui mem imam nya ibindig mindhe-ndhe ei humti bak tuhan bikwop njap ba, limwa nya ittei ide ningat gi nimbie him leu ide miaisi ba, ibikuk yok bak tuhan. Lene dingat nadi “Ditde Allah e, ma ayok ngon kep mun nyeng hagom di dibon dini ba, anjei mun di kei bak dani drek dip.”

NEHEMIA 5:19

Allah e, handei kon ba, ayok ngon kep mun di dibon mem limwa dini yok ba, anjei mun di kei bida drek dip.

MAZMUR 20:3

Handei kon ba, Noni ba ninda di su kwei leu Nide Ig ei Mbigdip Sion bimpu na.

NEHEI LEUSI 1:20

Gima rino Allah joi sut sop cin dima leu api mben Israel idigek bibor ba, imangti kum eisi bu.

NIPINGOK NINGONTI 14:31

No di ngondut nuhui mbum nya kuk no bak Allah noro no di hwen bit nuhui mbum nya nihyet tigut Allah di pai tes yok nya.

NIPINGOK NINGONTI 19:17

Gino angondut nuhui mbum nya ba, ampu yok lene gima nok ade ningwam di jo bak tuhan. Noni mirop ningwam dima hanyen bina.

NIBA NINGON SRIP HUKTI 11:1

Gino jikwas jide mun di jimati tut yam lene mijitug ndei mun dima yok hanyen dem igbit nituti.

YEREMIA 18:20

Niba gi kinei birop niyai munti di kei ne igbit rin e? Noro yo dima itig ndep jui ser da ba, imem kep ser nituti tirigi dicut eisi. Ma akan kep mpe di dimbrap bit Na bidiya hacan mem yok ser nhyema Ade ningon sibui bibor tut yokti micut leu yok.

YEREMIA 31:16

Ma jiyai nggwei kibor bu au! Ma jicon jiyai nggwei leu jiyai a! Jicom jahanggwap mikuisi tut jimunggwom bat nya bi. Mijitug ndei jimuhup dino jimunggwom bat nya mingwes ngun hanyen leu ingkiaisi.

MATIUS 10:42

Bikwop no di tin kau tut minyei mem no di bon ninyeng bi drek dip niya kui Dati lene ma jingon jo kep bipia Allah ba munkwas bibirop hanyen binoni!”

MATIUS 20:7

Ibuhup ‘Lewo hi ndo midyai di niyai binye bi.’ Miai ceu dima cuk yok ‘Jeni cem ma juug yai midyai ei ditde ba anggur nghousi.’

MATIUS 25:17

Nok gima cem tut awak di yai mitiei mas sribu can ba mitiei dima bipek mun bitri lene biyai mitiei mas sribu can bikum eisi bu.

MARKUS 9:41

Ma jiyok ngon kep bipia no di ttin kau tut minyei mem je di jiya kui Nibou Ndig di teu tungwatu nya biyai niyaijo nijep biyok jidut eisi ne no dima nimuhup mitau binoni.”

YOHANES 13:20

Dipai nijit bije bipia no di ya um no di Dani dipinak ya um Dani cem. No di ya um Dani ya um No di cuk Da kwei cem.”

KISAH 10:31

Noni pai bida ‘Kornelius e, Allah joi sut na drek dip ade nadi kin ade nisingat tut tungwatu nyati cem. Gima rino Noni tin ei mem birop bina.

KISAH 10:4

Kornelius tou kep malaikati dima nggilun ba, ninghuisi mpig sut lene buhup “Andigpoi e, anggo?” Malaikati dima buhup “Allah joi sut na drek dip ade nadi kin ade nisingat tut tungwatu nyati cem. Gima rino Noni tin ei mem birop bina.

KISAH 11:29

Gima rino yo di ibit Yesus ice tut yam hyet bikwas mitiei tut isut bat yo di ingon jo kep nya ei hanjop Yudea. Bikwop tungwagom-gom kwas mitiei bit leu nimati nya.

ROMA 12:13

Ma jikwas jide mun di jima nya tut jisut bat yo di Kresten di yuhui mbum nya ba, jicigit tungwatu nya kui ig cem.

KORINTUS GI NICAN 9:1

Ningat ne suar dibinut ei srat di dipas kep bije tut munkwas di mbusyamei nya ikwas tut Allah de limwa nya ei hanjop Yudea bi.

GALATIA 5:13

Noro disut bat jen, Allah hig je leu binhyepo jiyati kwes. Noro harin dima jiba niyati kwes dima bibon nituti mem jibit jingut kanti di kinei nya. Noro ma jingon ngakei yam bijinok awak mem yam cem.

GALATIA 5:6

Leu gino inok gom kin Kristus Yesus lene midut sunat di igyai e, he igyai bi e, lene gima bon ninyeng bi. Ide niba ningon com Kristusti he rino bon ninyeng ba, ibindei mbut gima tug hon ide ningon ngakei yamti.

GALATIA 6:10

Gima rino biken tiri bon nituti ne ma impu tungwatu yahagom lo, impu isut bat yo di iba ingon com Kristus nya nipou ug e.

NINDAT KEP TUHAN NICUKTI NYA 32:4

tuhan rinok No di sindem di ya srak ko hagau je. Noni kei-kau-kei ba, ningon sren-srau cem. No di ninyeng tak kep je ningon gom ba, bit bon Noni ris mun kan bi. Niyai munti nya hagom kei bibor kei lewo ningon mang bi.

KOLOSE 3:17

Tut jiyai munti nya kin jipai munti nya ne ma jiyai hagom tug hon Tuhan Yesus ninyenga. Ma jipai sigyo bak Icig Allah tut mun nyeng hagom di Yesus bibon mem je.

TESALONIKA GI NIGOM 1:3

Mpe dino ningat nadi bak Icig Allah ne niyok ngon kep bipia jindo jide niba ningon com Yesus Kristusti tug hon jiyai munti nya kin jide ningon ngakei yamti di bindei dino jita jibou ei jide midyai nyati lene jiba jingon nddong biyok jingon mem ide Tuhan Yesus Kristus.

TIMOTIUS GI NIGOM 6:18

Ma asok kep yok leu binhyepo isingat cem inyeng tut midyai di kei nya cem ingondut tungwatu nya cem ikwas mun di jo biyoni tut hiter cem.

2 TIMOTIUS GI NICAN 4:8

Nogindini Allah tin ei munkwas hi mem da lewo didor bipek nipekti tu. Tuhan Yesus Kristus di nok Nikei di ningon sren miyai munkwas dima bida ei Njap Ningwig Honti lewo diba dingon di kwes kin Allah biyai ditde niyai munti nya. Noni tin ei munkwas dima mem dangkom he bi noro mem yo di icem kep puig ser nikwei hanyenti nya yahagom.

IBRANI 10:32

Ma jiyok ngon kep bipia tirigi Allah ninjeng piga digai jingonti leu api tungwatu nya igyai ninghuisi wei bije noro jibrim jingkek kikau ba, jicut bi ug e.

IBRANI 13:16

Ma jingon prion ser nituti mem jahati tut yam kin jingon dut yam au. Lewo jiyai munti dima tereu nok midut nibui mindheti di bindei ba, Allah joi sut je.

YOHANES GI NIGOM 1:9

Gino ipai jit ide sisar bak Allah lene Noni miyai igbit nipreu ei mem nyeti. Noni ba ningon sren biyai nikos ser ide sisarti kin nipiap nye leu igyai munti di suwok nya hagom.