IBRANI 5:8 - ALLAH NIHYET MEM TUNGWATU NYA

⁸ Mbro nok gino Yesus ne Allah Nipmot rin lo, Noni om ningon bibit Allah ningon kanti tug hon ninghuisi wei di cut igkep Noni.

IBRANI 5:8 ပူးပေါင်းရင်းမြစ်များ

YESAYA 53:5

Noro noni tug ndei nibok bimos kei drek dip nyeni ide sisar ba, tungwatu nya ibui noni binem-nnai drek dip ide mun di mbuk nya. Noni tug ndei hukum leu binhyepo biteu nye leu sisar biyai niyaijo nijep binye. Nyeni igyai inghuisi kwes hanyen tug hon nibokti di mos kei nya.

MATIUS 3:15

Noro Yesus buhup “Nok ug e. Lewo tug hon nisinati dini ne siyai mun bit leu Allah ningon kanti mem sa.” Lene Yohanes ce.

YOHANES 10:18

Bit bon tungwa hi pos Dinnei leu Da bi. Dikes Dinnei ei bit leu Danti dingon kanti. Disindem mem gima dikes Dinnei ei ba, disindem mem gima diyai Dinnei hanyen cem. Dicig cuk Da leu binhyepo diyai midyai nok gima.”

YOHANES 15:10

Gino jibindei mbut Ditde nicukti nya apino jingon gom tut Ditde ningon ngakeisi. Gima noyam kin dingon gom tut Dicig Nide ningon ngakeisi tug hon gi dibit nicukti nya.

YOHANES 4:34

Lene Yesus pai biyok “Gino dibit Allah di cuk Da kwei ningon kanti bidiyai Nide midyai nya cem biput lene gima ne njita di diyem ri.

YOHANES 6:38

Lewo dijuk kwei leu gwamti leu binhyepo diyai midyai bit leu Danti dingon kanti bi noro bit leu No di cuk Da kwei ningon kanti.

FILIPI 2:8

Noni ba nibou coi bibit Allah ningon kanti mem Noni kikau ug bipek tto bou mem ipek Noni bimai ei biei salibti.

IBRANI 1:2

Noro ei nijam di ningwigsi dini Noni mbrap bit nye tug hon Nipmot. Allah pai tes mun nyeng hagom tug hon Nipmot bindo Noni nok No di mbun mun nyeng hagom.

IBRANI 1:5

Allah pai sut Nide malaikati nya “Dipmot riNani ba, njap di ammani di nok Acigya”. Nok e? Noni pai nok gima bi sren. Nok gima cem Noni pai sut malaikati hi bipai “Midinok Nicig lene Noni minok Dipmot rin” bi sren

IBRANI 1:8

Noro Noni pai sut Nipmot “Nani ne Allah rin ba, Ade ninyeng tak kepti mijo kikau buug hon nohonti bi ba, aba angon di sren binyeng tak kep Ade limwa nya.

IBRANI 3:6

Noro Kristus ningon gom ba, Noni ne Nipmot di nyohou Allah de ig ri. Ba, nye dini ne Allah de ig rin gino ibrim ingkek ba, ingon ngkiem tut mun di igyok ingon mem.