IBRANI 5:7 - ALLAH NIHYET MEM TUNGWATU NYA

⁷ Tirigi Yesus ningat rin ei dihyeisi dini lene Noni ba nihyet nindig bibor kin niyai nggwei di kibor bingat nadi bak Allah di sindem mem gima nyohou Noni leu binhyepo mai bi. Allah ngig nitingou mem nihyet lewo Yesus ba ningon di gom bikuk No bak Allah.

IBRANI 5:7 ပူးပေါင်းရင်းမြစ်များ

MAZMUR 22:24

Je di Allah de awak nya e, ma jinggei sut Noni! Je di jintun Yakub him e, ma jikon Allah ninyenga! Je di mben Israel e, ma jikuk je biNoni!

MAZMUR 69:1

Doia Daud bit leu nihyet nibikiek Mitou Bakung mem no di bie tut doia nimpung nya.

MAZMUR 88:1

Doia ningginau Korah ninsi de di tug hon Heman di mben Ezrahi mem no di bie tut doia nimpung di bikiek Mahalat Leanot.

YESAYA 49:8

tuhan pai bak Nide limwa nya “Mpe dino nicunti dem mem gima diteu je bijingwes ngun lene midingondut je bidimpu je lewo jahara Da tu. Midiya srak ko hagau je bidiya ser je cem. Midipreu ei mem tungwatu dihyeisi dini hagom tug hon je. Midipindi jide ig kum kroisi leu binhyepo jiba jekep minu dima bijibong kei jigwam kei eisi hanyen.

YESAYA 53:11

Gima rino tuhan pai “Niabiati Ditde awak dima yai ninghuisi wei leu su lene noni miyai nillei bu lewo kan bipia noni yai ninghuisi wei mikui-kausi bi. Ditde awak mibindei ba, dijoi sut noni drek dip gi noni yai tungwatu nya imang bibor ide hukum ei noni dip. Midikos ser ide sisar tug hon nide niyai munti dima.

YESAYA 53:3

Nyeni ighyet kinei sut noni biyoom nye leu noni. Noni yai niwei kin nidut biborti. Tungwatu nya iba ingha bak noni ba, nyeni cem ingon llei sut noni bi.

IMAM NYA IDE MIDYAI 2:2

Lene ma noni yai hagom kwei bak imam di ntun Harun him gom. Lene ma imam dima kam tepun dima bitut mini zaitun kin biei nggrai di ui-gwang kei ei ninda bia bei gom bindig kep hum ei nimbar hum dokti nok mun di bindo bipia no dima yai hagom bak tuhan. Lene tuhan mijoi sut ninghap di ngge kei dima.

MATIUS 27:46

Bui jam ningai rino Yesus ba nihyet nindig bahara “Eli, Eli, lama sabakhtani.” Ikiek nihyet dini lene nibimbiti pai “Ditde Allah e, Ditde Allah e, akes Da ei leu binggon i?”

MATIUS 27:50

Leu api Yesus ba nihyet nindig bahara mbigom bu leu api ninnei kimbas.

MARKUS 15:34

Bui jam ningai rino Yesus ba nihyet nindig bahara “Eli, Eli, lama sabakhtani.” Gi ikiek nihyet dima lene nibimbiti pai “Ditde Allah e, Ditde Allah e, akes Da ei leu binggoni?”

MARKUS 15:37

Lene Yesus ba nihyet nindig bahara leu api ninnei kimbas.

LUKAS 23:46

Lene Yesus ba nihyet nindig bahara “Arig e, dikes dinnei ei andati!” Hara nok rino ninnei kimbas.

YOHANES 1:14

Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

YOHANES 11:35

Lene Yesus cem pim kep Lazarus.

YOHANES 11:42

Dikan tut bipia amiap dihyet bikwop mmun-njap noro dipai nok gima drek dip yo dini leu binhyepo ingon jo kep bipia Nani rino apinak Da kwei a.”

YOHANES 17:1

Tirigi Yesus kes nihyet hon tu lene Noni tou kep ginyo kug bipai bak Allah “Arig e, tto bou dem tu. Ma abindei ba, Apmot ninyeng jei bibor leu binhyepo Apmot mibindei ba, anyeng cem jei bibor.

ROMA 8:3

Ingut kanti di ntun dihyeisi dini him bindei ba, bit bon Puig Yahudi niggai serti kwek nye kan bi. Noro Allah nggek tut sisar nisindemti ei ingut kanti di ntun dihyeisi dini him tug hon Nipmot di Noni pinak kwei tereu nok tungwatu dihyeisi mem gima biciu ser sisar.

GALATIA 4:4

Lene nok gima kikau bibou tto bou dem mem Allah cuk Nipmot kwei ei dihyeisi dini tug hon no di sop ug e. Ba, Puig Yahudi niggai serti ttei nibou nok nibou di kos tut Noni.

TIMOTIUS GI NIGOM 3:16

Bit bon tungwa hi tte tut ide niba ningon com Kristusti di nok mimun di mindur kan bi. Kristus luei nitta bindo Nonti nok tungwatu leu api Allah Ninnei ndo brei bipia Allah joi sut Kristus niyai munti nya leu api malaikati nya ingat Noni bou igyai him. Nide limwa nya itri tut Noni bak mben dihyeisi dini hagom leu api tungwatu nya bidem dihyei nisurti-nipekti hagom iba ingon com Noni leu api Allah kon Noni hanyen ug ei gwamti.

IBRANI 10:10

Yesus Kristus yai midyai bit leu Allah ningon kanti mem Noni. Gima rino igyai nipiap leu sisarti tug hon Nide midyai nikos ser sisarti mbigom ngat he bijo ninno bijo kikau.

IBRANI 10:5

Gima rino tirigi Kristus tin ei mem gima srek kwei ei dihyeisi dini ne Noni pai bak Allah “Ajoi sut mun di tungwatu nya ibui sut ninggrom kin mun di ikwas tut Na bi noro atin ei ningut gom mem Da.

IBRANI 11:7

Niba ningon comti bindei ba, Nuh ngig nitingou mem mun di Allah sok kep noni tut mun di mipek kep ei nidipti bu di bit bon noni ngat bou niyai him kan bi. Noni bit Allah nihyet ba, bibon kibar di bindei ba, noni kin nide bat nya yahagom ingwes ngun leu minyei di su. Apino tungwatu dihyeisi dini hagom itug ndei hukum noro Allah pai sut Nuh bipia ningon sren lewo ba ningon com Allah.

IBRANI 12:28

Gima rino ma ipai sigyo bak Allah lewo Noni bindei ba, iba nyekep ninyeng tak kepti di bit bon ugwa-kwei kan bi. Ma inggei sut bittin tut Noni bipai sigyo biNoni tug hon nisinati di bindei ba, joi sut nye.

IBRANI 13:20

Allah ne nibousi mem ningon jo nyahanti rin ba, Noni win Yesus hanyen leu nimai eisi bikon Noni nok Gembala Di Kei Bibor mem Nide domba nya tug hon ninggrom di tak buk kep Nide nipreu eisi habiei ei nimbie him bijo kikau buug hon nohonti bi.

IBRANI 2:14

Yo di Noni simbot dat bipia munggwom nya ne tungwatu di itug ndei nimai rin. Gima rino Yesus luei nitta binok tungwatu bibon Nonti nok timiei dihyeisi dini. Noni yai nok gima leu binhyepo ba nimaisi binggek tut Bilis di ninyeng tak kep minu nimai nya ide.

YOHANES GI NIGOM 4:3

Noro no di tte tut Yesus nisrek kwei ei dihyeisi dini nok tungwatuti yai Ninnei di kwei leu Allah bi. Noni yai ninnei di kwei leu No Di Ba Nitok Bak Kristus. Jimiap tut ninnei dima ninghapti tu bipia mikwei rin lo, ammani ne no rinaha ei dihyeisi dini.

YOHANES GI NICAN 1:7

Niris kep mun cig nya imang bibor ikieng kep dihyeisi bisrig tungwatu nyati. Itri tut bipia tirigi Yesus Kristus kwei ei dihyeisi dini ne Noni tungwatu nijit bi. No dima ne niris kep mun cig kin No Di Ba Nitok Bak Kristus cem ri.