IBRANI 5:4 - ALLAH NIHYET MEM TUNGWATU NYA

⁴ Tungwa hi ta nonti nok imam nibou ndig bi. Noro Allah Nonti dimig no dima bita noni nok imam nibou ndig bit leu nok Noni ta Harun nipou su.

IBRANI 5:4 ပူးပေါင်းရင်းမြစ်များ

NIBOHON MBEN ISRAEL GI NIGOM 23:13

Amram gi nipou pima ne Harun Musa nya icig ri. (Musa dimig Harun kin yo di intun him nya pijum ei mem gima inyeng tak kep nimbumbati kin ndigban di ibibon midut nya cem iba biei nggrai di ui-gwang kei di indig pima binggei sut tuhan cem bahati tut tuhan de midyai nya cem iba nadi di ingat tug hon tuhan ninyeng bipai ighyet di biyai gi kei bak limwa nya bijo ninno bijo kikau.

NIBOHON MBEN ISRAEL GI NICAN 26:18

isrep tut niyai munti dima. Ipai bak “Na Di Andigpoi Ndig Di Anyeng Jei e, dem tut gima andig biei nggrai di ui-gwang kei dima ei nimbar hum ndokti dima bak tuhan bi. Midyai dima ne imam di intun Harun him ide midyai ri. Lewo Noni dimig yo dima pijum ei mem midyai dima tu. Suar Na Di Andigpoi aom na hak leu gumihyep di kwes dini! Na Di Andigpoi asrep tut tuhan Allah tug hon ayai munti dima tu. Hon kep ammani kui lene Noni minjei mun di kei bak nani bu bi.”

NEHEI LEUSI 28:1

Lene Allah pai bak Musa “Ma ahig akindig Harun kin nipmot bat Nadab kin Abihu kin Eleazar kin Itamar nya kwei. Lene adimig yok bijo ter leu binhyepo igyai kep midyai nok imam mem Da.

IMAM NYA IDE MIDYAI 8:2

“Ma ahig Harun kin nipmot bat nya kwei. Lene ma ikon ide sinsun nibon midut kin bansi di roti dwoi bi joti cem kwei. Lene ma ijem sapi nikre di nehen pap ningut gom kwei mem nibon midut nibiyai nikos ser sisarti. Lene ma ijem domba nikre ningut can kwei bu ba, ijem hagom biyuug sut bigya kui dimbou ei Ditde Prak Meng nuhuigya.

MBEN ISRAEL IMBUT-MBUT NYEN 16:10

tuhan yai nituti bak na di Korah kin yo di intun keret Lewi him ba, jiyai midyai di bon ninyeng mem Noni tu. Gima leu api nogindini ma awit huk leu binhyepo anok imam mem Noni cem!

MBEN ISRAEL IMBUT-MBUT NYEN 16:35

Leu api tuhan kes hum di sror biyem ibou sratus can ningot muhwi po iba srier di indig kep biei nggrai di ui-gwang kei eisi bikuk yok bak tuhan pima yahagom bingkiong bingwig hak.

MBEN ISRAEL IMBUT-MBUT NYEN 16:40

Gima ne ngkimom-tembaga nibiyok ngon kep di bisok kep mben Israel ri. Yo di intun Harun him yongkom dem mem gima indig biei nggrai di ui-gwang kei mem tuhan lene hiter dem mem gima bi. Tungwa di njiriek nicukti dima lene misar noyam kin Korah kin yo di itti kin noni. Lene mben Israel ibit leu nok tuhan nicuk Eleazarti tug hon Musa.

MBEN ISRAEL IMBUT-MBUT NYEN 16:5

Leu api pai bak Korah kin yo di igya kui noni “Njap di hyep bu mem mpia tekti api tuhan mindo igbit Nide imam di ninyeng tak kep pijum. tuhan misindui sut imam di Noni ndo ei su dima nongkom ya dideu Noni ei bei nimbar hum dok.

MBEN ISRAEL IMBUT-MBUT NYEN 16:7

jiket hum mbom kin biei di ui-gwang kei bijiyok eisi mem njap tekti ba, jittei ug ei nimbar hum dokti. Mpe dima ne nyeni ibingat igbit imam di tuhan ninyeng tak kep pijum dima. Je di jintun keret Lewi him e, cobi! Jiyai hon tiri!”

MBEN ISRAEL IMBUT-MBUT NYEN 18:7

Noro nani kin apmot bat nya he rima jiyai jibou tut imam de midyai ba, gima ne midyai nyeng hagom di bitut nimbar hum dok kin ndigban ei Ninsi Di Kwes-Kwau cem ri. Gima ne ade midyai di ayai abou tut nya rin lewo dita nani leu binhyepo ayai anyeng imam. Ma asindui sut ba, yo di idem mem igyai midyai dima bi nya idideu ndigban di kwes-kwau dima yok au. Leu gi nok lene midikes hukum nimai ei yok dip.”

MBEN ISRAEL IMBUT-MBUT NYEN 3:3

Musa ta yoni nok imam nya nipou su tug hon nibon midut niba mini biprok ibou nggram him.

YOHANES 3:27

Yohanes buhup “Gino Allah sindui sut bi lene bit bon mun nyeng hi pek kep mem tungwatu nya kan bi.