IBRANI 5:14 - ALLAH NIHYET MEM TUNGWATU NYA

¹⁴ Noro yo di imahan tu igyem kep mikwau lewo ibingon ei dip nok gi dem ba, ingon ki tut mun di kei kin mun di kinei niter leu yamti.

IBRANI 5:14 ပူးပေါင်းရင်းမြစ်များ

NITRITI 3:5

Allah pai gima bije nok lewo Noni kan tut bipia tirigi jiyem biei ngat dima lene mijingon dor niti tut gi kei nya kin gi kinei nya dem kep nok Nonti ningon dor nititi.”

SAMUEL GI NICAN 14:17

Diba dingon com bipia na di Andigpoi apreu ei mem dati dima micuon diyaisi ba, dingwes ngun. Lewo dikan bipia na di Andigpoi anoyam kin Allah de malaikati di kan tut bipia mun di kei ter leu mun di kinei. Dingat nadi leu binhyepo na di Andigpoi ade tuhan Allah ningat rima bit na di Andigpoi a.”

NIBOU NDIG NYA GI NIGOM 3:11

Gima rino Noni pai bak Salomo “Igbit ri! Ahara Da tut ayaijo di jei bibor kin ndigban nindig bibor kin gima ade siceu nya itug midut bi noro ahara Da tut angon di ki leu binhyepo aba angon di sren kei bibie tut ditde limwa nya.

NIBOU NDIG NYA GI NIGOM 3:9

Gima rino ma abindei ba, dingon ki leu binhyepo diba dingon di sren kei bibie tut Ade limwa nya ba, dikan igbit tut mun di kei kin mun di kinei niter leu yamti cem. Gino ampu da bi lene notou midibie tut Ade limwa nya di imang bibor dini i?”

AYUB 12:11

Gino nihyet tibim ei tungwagom nitingou nsi lene noni dimig nihyet di kei leu gi kinei nya. Nok gima cem tut njita di noni piei bikan lo, bihi nyop lene bihi nyop bi.

AYUB 34:3

Tungwatu nya ingat igbit njita di nyop kei kin njita di nyop bi. Ba, imiap igbit nihyet ningon di ki ei mpe di intu kep nihyet dima.

AYUB 6:30

He ma angon kan bipia diris mun e, he bit bon dimig mbus gikei kin gikinei kan bi e?

MAZMUR 119:103

Ahyet ui-gwang kei ba, nyop kei dor njiriek ahwei lon ningei cem!

DIUN MIMUN 1:3

Anghap ui-gwang kei. Anyeng dem kep mini di ui-gwang di kiber a. Gima rino sop gwam nitta pilei nya ingon ngakei na ug o!

DIUN MIMUN 2:3

“Biei apel di ya srig bieiti ei bigbehei bindo tut no di ngwam kep da di dingon ngakei bibor di ningat rin ei pinai pilei nya ikieti. Dijoi sut digwam nyahan ei biei dima nibehei bidiyem ningat di nyop kei.

YESAYA 7:15

Tirigi nipmot dima mahan ba, ningon tungwatu ne tungwatu nya mibong kei migwam kei.

MATIUS 5:48

Jicig ei gwamti ba ningon di gom bingon ngakei tungwatu nya yahagom. Suar jeni cem jiyai bram niyaisi dima.”

ROMA 14:1

Ma jiya um no di Kresten di ba ningon com Yesus bibor bigyo ba, bikum je ei jide mbusyameisi. Ma jisrep noni drek dip ningon kanti nya au.

KORINTUS GI NIGOM 2:6

Mbro nok gima lo, dingginau yo di imahan ei Kristusti tut ningon di ki di nijit. Noro ningon di ki di nijit-jau dini kwei leu ningon di ki di ntun dihyeisi dini him kin nisindemti nya di inyeng tak kep dihyeisi mem nijam dini cem bi. Lewo nisindemti nya dima mipror yon.

EFESUS 1:18

Handei kon ba, Allah bindei ba, jintin kimbou ba, Nide nipigati piga digai jingonti leu binhyepo jingon dorti tut mun di jiba jingon com Noni tut tirigi Noni dimig je bijiyok jingon mem mun di kei bibor nya di Allah preu ei mem Nide limwa nya ba,

EFESUS 4:13

Tug hon nisinati dima lene nyeni ibicom yam nok gom tug hon ide niba ningon comti kin ide ningon di dor niti tut Allah Nipmot noyam. Apino imahan tug hon ide niba ningon com Kristusti bikum eisi sindam bibou ikei-kau-kei noyam kin Noni.

FILIPI 3:15

Ma nye dino imahan ei ingonti kin innei yahagom ingon mien paisi noyam kin Nide ningon mien paisi. Lene gino bihi ingon mien paisi titer ne Allah mipingok gima bije bijingon dorti tut yo.

TESALONIKA GI NIGOM 5:21

Ma jibinai sut nihyet hagom bijibit gi hi di kei nya.

TIMOTIUS GI NIGOM 4:7

Ma ambres nanti leu mumpui di bon ninyeng bi nya. Ma abingon-ngon nyen ba, abiyai hamem angonti di kwes leu binhyepo ayai mun bit leu Allah ningon kanti mem na.

IBRANI 6:1

Gima rino ma ibrim ingkek ba, ipikor leu ningginausi di bindei dino imahan ei Kristusti ba, ingkwei-ngkwei nyen kep nitriti bu au. Ma indat-ndat nyen ningginausi tut nikiek nye leu niyai munti di bon ninyeng bisi nya kin ningginausi tut ningon jo kep Allahti,

YAKOBUS 3:2

Nyeni yahagom igyai mun tunggwei ninyen. Gino tungwagom yai mun tunggwei tug hon mun di tibim ei nuhui him bi lene no dima kei-kau lewo noni sindem mem gima om kep nonti njem titut yam.