IBRANI 5:13 - ALLAH NIHYET MEM TUNGWATU NYA

¹³ No di dut do he rinok munggwom ngwoi yo. Noni mahan bigyo apino ningon mbum tut mun di igbit kin mun di igbit bi niter leu yamti.

IBRANI 5:13 ပူးပေါင်းရင်းမြစ်များ

MAZMUR 119:123

Dinyohou put-put nyen ser Ade nimpu dati di bindei bidingwes ngun noro diyai nggrop buhun. Diyok dingon mem niteu ningwes ngunti di apreu ei mem da tu.

YESAYA 28:9

Yoni inso tut da bipai “Noni ngginau tou i? Tou suar ningginau nyeti dima i? Lewo gima dem mem munggwom di sindi idut do bu bi nya he.

MATIUS 11:25

Mpe dima lene Yesus pai “Arig e, Nani ne Tuhan mem mpia-bbed him kin dihyeisi dini! Dipai sigyo biNa lewo aku mun dini yok hagom bijo nding leu yo di ingon ki kin yo di ingon tek bibor nya yahagom igyai him leu api ambot kep tut hagom bak yo di ingon ki bi nya.

MARKUS 10:15

Ma jiyok ngon kep gini! Gino jiya um Allah noyam kin munggwom dini yok bi lene bit bon jinggre kin Allah Ninyeng Tak Kepti bi.”

ROMA 2:20

jingginau yo di ingon tindur nya bijinok guru mem yo di ingon mbum nya cem. Jingon ngkiem tut bipia jingon ki bijimbun ningginausi di nijit-jau nya lewo jimbun Allah nicuk jeti.

KORINTUS GI NIGOM 13:11

Mpe di dimien lene dimbrapti kin dikan-kanti nyenti kin dingon dorti tut mun nyeng hiti noyam kin munggwom mien nya. Noro tini bu ne dindig su ba, dikes diyai kepti dima hagom hak leu da tu.

KORINTUS GI NIGOM 14:20

Disut bat jen, ma jikan-kan nyenti noyam kin munggwom nya ikan-kan nyenti au. Tut mun di kinei nya lene ma joom je bijinok munggwom di ingon ngun nya. Noro tut jikan-kan nyenti nya lene ma jimahan nok andigpoi.

KORINTUS GI NIGOM 3:1

He disut bat jen, bit bon dimbrap bit je noyam kin gi dimbrap bit yo di igyai Allah Ninnei ei ingonti tu nya kan bi. Apo dimbrap bit je tereu gi po jinok yo di iba yoho rok mun di ntun dihyeisi dini him kin munggwom mien di imahan ei Kristusti bigyo.

KORINTUS GI NICAN 3:9

Gino gi preu timiei di bindei hukum nimai bon nikei-kau-keisi lene jo nibreisi bipia gi preu nijep di biyai ningon di kwes kin Allahti bon nikei-kau-keisi di nindig bibor bidor njiriek bu.

EFESUS 4:14

Leu api inok munggwom nya bu bi. Lewo munggwom nya inok ut mien di mbut ariwace bibit muk di tti kin hou di ttem yok drek dip yo di ingon mang ide ningginausi. Yo dima icom biei mpup ris tungwatu bibindei srawir yok.

2 TIMOTIUS GI NICAN 3:16

Allah nihyet titut yam tibim kwei leu Allah niji him ba, bon ninyeng mem gima bingginau tungwatu nya tut nijit-jausi kin nisok kep tungwatu nya tut sisarti kin nimbus tungwatu ingonti tut igyai munti di tunggwei nya kin nipingok tungwatu nya ingonti tut igyai munti di kei bibor nya.

PETRUS GI NIGOM 2:2

Ma jibingon nok munggwom ngwoi di sindi srek ba, jingon rai Allah nihyet di nok do ngei di pimbai kei. Tug hon nisinati dima rino jimahan bijiyai niteu leu sisarti kin niyaijo nijep.

YOHANES GI NICAN 1:11

Lewo no di pigo noni bicom yam kin noni ei niyai munti di suwok nya.