IBRANI 5:1 - ALLAH NIHYET MEM TUNGWATU NYA

¹ Bikwop Imam Nibou Ndig nya ne mben Yahudi indo leu nide keret ikieti bikon ninyeng leu binhyepo ya hacan mem yok ei Allah Noho bei. Noni ba mindhe di nide limwa nya ikwas tut Allah bibon midut nibikos ser sisarti ei Allah Noho bei.

IBRANI 5:1 ပူးပေါင်းရင်းမြစ်များ

IMAM NYA IDE MIDYAI 8:2

“Ma ahig Harun kin nipmot bat nya kwei. Lene ma ikon ide sinsun nibon midut kin bansi di roti dwoi bi joti cem kwei. Lene ma ijem sapi nikre di nehen pap ningut gom kwei mem nibon midut nibiyai nikos ser sisarti. Lene ma ijem domba nikre ningut can kwei bu ba, ijem hagom biyuug sut bigya kui dimbou ei Ditde Prak Meng nuhuigya.

IMAM NYA IDE MIDYAI 9:7

Lene noni pai bak Harun “Aug ya kui nimbar hum dok ba, atin ei nibon midut nibiyai nikos ser sisarti kin nibon midut nindig mindhe titut kep hum leu binhyepo tuhan mikos ser ade sisar kin ade limwa nya ide sisar. Ma ayai hagom bit leu nok Noni nicuk nyeti.”

ROMA 15:17

Gima rino bon dingon jei sut midyai di diyai mem Allah lewo dinok gom kin Kristus Yesus.

KORINTUS GI NIGOM 15:3

Nihyet di ditri tut bije ne nihyet di bon ninyeng nindig bibor ri. Diyai nihyet dima leu Allah bidipwoi ei dingonti. Bit leu nok gi ipas ei Allah nihyetti bipia Kristus mai drek dip ide sisar ba,

IBRANI 10:11

Bikwop imam mben Yahudi yai kep midyai nya bikwop njap-njap ba, bon midut nibikos ser sisarti di noyam nyen-nyen bikwop ug. Noro bit bon midut dima bindei ba, tungwatu nya igyai niteu leu sisarti kan bi.

IBRANI 10:12

Noro Kristus bon midut nikes Nonti ningut ei mem sisar mbigom ngat he lene bijo kikau ba, Nide midyai dima sindem kikau buug hon nohonti bi leu api Noni gwam kui Allah ninda com.

IBRANI 11:4

Niba ningon comti bindei ba, Habel kwas mindhe bibui sut ninggrom bak Allah lene niyaisi dima kei bibor dor njiriek mun di Kain kwas bak Noni. Allah joi sut Habel di ningon sren drek dip munkwas di bindei ba, Allah joi sut noni. Mbro nok gino Habel mai su lo, ninghapti tibim kikau kwei bipek ammani kep tug hon nide niba ningon comti.

IBRANI 2:17

Gima rino jo nibreisi mem nye bipia suar Noni luei nitta bibon Nonti noyam kin nikinjoi bat nya haigtu leu binhyepo yai midyai nok ide Imam Nibou Ndig di ningon gom ba, ningon nggriu cem ei Allah Noho bei. Tug hon nisinati dima lene Noni bindei ba, tungwatu nya igyai nikos ser sisarti.

IBRANI 7:27

Noni noyam kin imam nibou ndig nindigsi nya di ibon midut nibikos ser sisarti mem ide sisar nipou ug e leu api mem ide limwa nya ide sisar bikwop njap-njap bi. Noni bon midut nibikos ser sisarti mbigom ngat he lene bijo kikau tirigi kes Nonti ei mem ide sisar pima.

IBRANI 8:3

Bikwop imam nibou ndig nya yahagom ittei mun di tungwatu nya ikwas tut Allah ba, ibibon midut nibui mindhe ei Noho bei. Gima rino suar ide Imam Nibou Ndig cem pwoi nide munkwas hi mem gima Noni kwas tut Allah.

IBRANI 8:4

Gino Noni ningat rin ei dihyeisi dini ne Noni yai midyai nok imam bi lewo imam di ibon midut nibui mindhe nya yo rinaha bit leu nok Puig Yahudi niggai serti.

IBRANI 9:9

Mun dini yok hagom bindo tut nijam dini. Nibimbiti dini bindo bipia bit bon mun di ikwas tut Allah kin midut nibikos ser sisarti ninggrom piap yo di ikuk yok bak Allah ingon mien bikei-kau kan bi.