IBRANI 4:6 - ALLAH NIHYET MEM TUNGWATU NYA

⁶ Yo di imiap Nihyet Di Kei habiei icoi ug ei mpia dima bibong kep inghuisi bit Allah bi lewo iba ingon com Noni bi. Gi nok ne jo nibreisi bipia Allah sindui sut hiter ba, icoi ug ei mpia dima bibong kep inghuisi bit Noni.

IBRANI 4:6 ပူးပေါင်းရင်းမြစ်များ

MATIUS 21:43

“Gima rino ma jiyok ngon kep bipia Allah mitug Nide Ninyeng Tak Kepti leu je leu api mikes bak yo di ningat di kei ntun yok him. [

IBRANI 4:2

Lewo imiap Nihyet Di Kei bit leu nok gi yoni cem imiap. Noro nihyet di tibim ei itingou nsi bon ninyeng mem yok bi lewo ingon jo kep Allah De nipreu ei mem yokti bi.

KISAH 28:28

Leu api Paulus pai nihyet gi ningwigsi bitak kep biyok “Ma jiyok ngon kep bipia nogindini nihyet tut Allah di teu tungwatu nya leu sisar dima tibim ug ei ngkiai nya itingou nsi tu. Yoni mibit nihyet dima!” [

IBRANI 4:9

Noro Allah bon nituti mem Nide limwa nya leu binhyepo icoi ug ei mpia dima bibong kep inghuisi. Gima noyam kin mpe di Noni kes ninda tut Nide midyai nya ei njap gi nimuhwindacan.

GALATIA 3:8

Allah nihyet tri tut mun di mipek kep ei niabiati bu bipia Allah miyai ngkiai nya ingon kwes kin Noni tug hon ide niba ningon com Noti. Gima rino Allah nihyet mbot kep tut Nihyet Di Kei bak Abraham “Tungwatu dihyeisi dini hagom migyai gi kei tug hon nani.”

YESAYA 65:15

Yo di didimig yok ei su nya miba dinyeng bisigion je bipai “Nna ba tuhan Di Ninyeng Jei Bibor yai nimai bije noyam kin yo dima!” Noro midiyai ninyeng nijep bak yo di ibit Dihyet.

MBEN ISRAEL IMBUT-MBUT NYEN 14:31

Gi nipou lene jinso-nso nyen tut jimunggwom bat nya bipia timiei minu Kanaan mipos yok. Noro midibuwak jimunggwom bat dima yok ug ei minu di jikou sut pima leu binhyepo ibong eisi nok itimieisi ri.

MBEN ISRAEL IMBUT-MBUT NYEN 14:12

Mbigom lene midikes nsuwer ajar di buhun bibor di mihwen yok bingwig leu dihyeisi dini leu api midibindei ba, anok pung di keret nijep nindig bibor ba, sindem bibor cem dor njiriek yoni bu.”

KORINTUS GI NIGOM 7:29

He disut bat jen, dingon kanti rinok gini. Jei bi ne nijam dini ngwig leu nye ri. Hon kep ammani kui ne ma no di wak nitnem nyohou dimig niyaijoti tereu nok no di wak nitnem bi.

IBRANI 4:11

Gima rino suar ibrim ingkek mem gima igyai nibong kep ninghuisi di Allah preu ei mem nye dima leu binhyepo jigom krau tunggwei puig noyam kin yo di itunggwei drek dip ide ningkek ndokti di iba ingon com Allah bi dima bi.