IBRANI 4:2 - ALLAH NIHYET MEM TUNGWATU NYA

² Lewo imiap Nihyet Di Kei bit leu nok gi yoni cem imiap. Noro nihyet di tibim ei itingou nsi bon ninyeng mem yok bi lewo ingon jo kep Allah De nipreu ei mem yokti bi.

IBRANI 4:2 ပူးပေါင်းရင်းမြစ်များ

KISAH 13:46

Noro Paulus kin Barnabas ibrim ingkek kep yok bibuhup “Suar nitri tut Allah nihyet bije nipou bibie ug e. Noro jenti jikos tut bipia jidem mem jiyai niyaijo nijep bi drek dip gi jikou sut nihyet dima. Gima rino nogindini nikes je ei leu ba, nitri tut nihyet bak ngkiai nya.

KISAH 3:26

Gima rino Allah dimig Nide Awak bipinak Noni ndam je nipou bibie leu binhyepo Noni yai gi kei bije tug hon gi Noni bindei ba, jittin ser jiyai munti di sibut nya.”

ROMA 2:25

Gino jibit Allah nicuk mben Yahuditi ne midut sunat bon ninyeng mem je. Noro gino jibit nicuk jeti dima bi ne jiyai midut sunat mikui-kausi he.

ROMA 3:3

Mbro nok gino mben Yahudi bihi ingon gom bi lo, gini ndo bipia Allah ningon gom tut tungwatu nya bi e?

KORINTUS GI NIGOM 13:3

Mbro nok gino ditri mun di dimbun nya hagom bingwig leu da bidibipek mitiei lene dikwas tut nuhui mbum nya e, he dibikes dingut ei mem dibiyai nimai ei humti e, noro gino dingon ngakei tungwatu nya bi lene dibitug ndei mun nyeng hi bi.

GALATIA 3:2

Ma jibuhup igbit bida. Apo jiyai Allah Ninnei ei jingonti tug hon gi jibit Puig Yahudi niggai serti nya e, he tug hon gi jimiap Nihyet Di Kei leu Allah leu api jingon jo kep Kristus e?

GALATIA 3:8

Allah nihyet tri tut mun di mipek kep ei niabiati bu bipia Allah miyai ngkiai nya ingon kwes kin Noni tug hon ide niba ningon com Noti. Gima rino Allah nihyet mbot kep tut Nihyet Di Kei bak Abraham “Tungwatu dihyeisi dini hagom migyai gi kei tug hon nani.”

GALATIA 4:13

Jiyok ngon kep ninggwenti di cut igkep da di bon nituti nimbigom mem ditri tut Nihyet Di Kei bije.

NINDAT KEP TUHAN NICUKTI NYA 1:32

Noro mbro nok gino dipai nok gima bije lo, jiba jingon com jide tuhan Allah bi.

TESALONIKA GI NIGOM 1:5

Lewo nihwou sut Nihyet Di Kei ei jikieti tug hon nihyet di tibim leu nuhui him he bi noro tug hon nisindemti kin mindur di Allah Ninnei bibon ei jikieti. Nindo tut niba ningon com Nihyet Di Keisi bije tu. Nyende niyai munti nya jo nibreisi mem je tirigi ningat rin ei jikieti ba, nibrim ningkek mem je.

TESALONIKA GI NIGOM 2:13

Mun nyeng gom kin bu di bindei dino nijem sigyo bak Allah rinok gini. Tirigi nitri tut Nihyet Di Kei leu Allah bije lene jimiap ba, jice tut nihyet dima tereu nok mun di tibim leu tungwatu nya yuhui him bi noro nok mun di nijit-jau di kwei leu Allah Nonti. Noni yai midyai ei je di jingon jo kep Kristus jingonti.

TIMOTIUS GI NIGOM 4:8

Gino abingon-ngon nyen ba, abiyai hamem anghuisi ne gini bon ninyeng lai-laide. Noro gino abingon-ngon nyen ba, abiyai hamem mun di bitut annei ne gini bon ninyeng mem ayai munti nya hagom lewo bon nide nipreu eisi mem gima ibiyai mun di kei mem nijam di igyaijo dini kin niyaijo ei nidipti bu.

IBRANI 11:6

Gino niba ningon comti jo binye bi ne bit bon Allah joi sut nye kan bi. Suar tungwa tou rino kuk no ei Allah Noho bei ba ningon com bipia Allah norinaha cem buhup yo di inggok tut Noni cem.

IBRANI 3:12

Disut bat jen, ma jisok kep jenti ser nhyema jigom ningon rom ba, ningkek ndokti bindei mbres nonti ei minu ting leu Allah di Niyaijo au.

IBRANI 4:6

Yo di imiap Nihyet Di Kei habiei icoi ug ei mpia dima bibong kep inghuisi bit Allah bi lewo iba ingon com Noni bi. Gi nok ne jo nibreisi bipia Allah sindui sut hiter ba, icoi ug ei mpia dima bibong kep inghuisi bit Noni.

YAKOBUS 1:21

Gima rino ma jicom mun di biyai jingon rom kin mun di kinei di rap je nya. Ma jiba jibou coi sut Allah kin nihyet di Noni ndim ei jingonti lewo nihyet dima sindem mem gima teu je leu sisar biyai niyaijo nijep bije.

PETRUS GI NIGOM 1:12

Allah mbot kep tut bak nabi dima yok bipia mun di itri tut dima mem yonti bi noro mem jeni. Mun di itri tut habiei dima tibim kwei leu yo di itri tut Nihyet Di Kei yuhui him. Ba, yo dini itri tut Nihyet Di Kei bije tug hon Allah Ninnei di Allah pinak kwei leu gwamti nisindemti. Gino malaikati nya ingon dorti tut mun di yo dima itri tut nipek kepti ne ingon llei bibor.