IBRANI 4:13 - ALLAH NIHYET MEM TUNGWATU NYA

¹³ Bit bon mun nyeng gom jo nding leu Allah niyai him kan bi. Noni ngat Nide nipai testi nya hagom brei bou niyai him. Nyeni yahagom mibuhup hanyen bak Noni tut igyai munti nya hagom.

IBRANI 4:13 ပူးပေါင်းရင်းမြစ်များ

NIBOHON MBEN ISRAEL GI NIGOM 28:9

Leu api Daud pai bak Salomo “Dipmot na e, ma akon Allah di acig kuk no bak nok ade Allah. Suar aba angon di gom bikuk nanti nok awak mem Noni cem apwoi ningon cem. Lewo Noni kan tut ikan-kan nyenti nya kin ingon priti nya cem hagom. Gino anggok tut Noni lene mporo angat Noni. Noro gino akes Noni ei ba, aba anghim bak lene Noni mirok nani ei bijo ninno bijo kikau.

NIBOHON MBEN ISRAEL GI NICAN 16:9

tuhan yok niyai kep tungwatu bidem dihyeisi dini titut yam leu binhyepo kwas Nide nisindemti tut yo di iba ingon gom bibit Noni kikau. Noro aba angon di mbum bibon mun tu. Gima rino hon kep ammani kui lene mporo acut ei nijam nikon pranti kikau.”

NIBOHON MBEN ISRAEL GI NICAN 6:30

lene ma angig atingou ei gwamti di agwam kepti mem ide nadi ba, akos ser mun di ibon tunggwei sut Na. Lewo Nangkom he rino akan tut tungwatu nya ingonti a. Gima rino ma abibon tungwagom-gom bit leu nok niyai munti nya.

AYUB 26:6

Minu nimai nya ide kau bijo bou Allah niyai him. Ikibou kep bi apino Noni ngig niyai kep hagom.

AYUB 34:21

Allah nyohou ngig niyai kep tungwatu nya igyai munti nya bingat bidem imbutti-igwamti hagom.

AYUB 38:17

Hi ndo dimbou nya di ngkiem ser nimai nya ikieti di dindi kai bina tu e?

MAZMUR 139:4

Nipou tirigi dimbrap bigyo lo, akan bidem tut mun di mitibim ei duhui him.

MAZMUR 44:21

Gino nikuk nye bak Allah bu bi biningat nadi bak kwar nya,

MAZMUR 7:9

tuhan e, Nangkom di ambus tungwatu ingonti kan rin ba, akos tut mun di igbit bida. Lewo dibon mun tunggwei hi bi.

MAZMUR 90:8

Lewo akon nyende nitunggweisi bijo ei Aho bei. Nyende sisar di niku nyahan jo bou ayai him.

NIPINGOK NINGONTI 15:11

tuhan kan bidem tut mun di jo ei minu nimai nya ide bitut mun di pek kep ei sirima. Gi nok ne notou tungwagom miku ningon kanti nding leu tuhan niyai him i?

NIPINGOK NINGONTI 15:3

Mun di pek kep bidem mpia ttou nsi hagom jo nibreisi bou tuhan niyai him. Noni yok ngon kep niyai munti di kei kin gi kinei nya hagom.

NIPINGOK NINGONTI 5:21

tuhan ngat bidem tungwatu nya igyai munti nya hagom. Noni ngig niyai kep imbutti nya hagom.

NIBA NINGON SRIP HUKTI 12:14

Allah mimbus ingonti tut igyai munti nya hagom bitut igyai munti di kei nya kin gi kinei nya di igyai brei kin gi hi di igyai niku cem hagom.

YEREMIA 16:17

Dingat mun nyeng hagom di ibon nya bou diyai him. Hi di jo nding leu Da bi. Dingat ide sisar nya tu.

YEREMIA 17:10

Da di tuhan rino diput ser tungwatu ingonti nya. Dibingon mun di jo ingon bei cem. Dibirop bak tungwatu nya bit leu igyaijoti. Dibibon yoni bit leu igyai munti di igyai kep nya.”

YEREMIA 23:24

Bit bon hi ku no nyahan nding leu diyai him kan bi. Lewo dingat rin ei gwamti kin dihyeisi dini cem nisurti-nipekti.

YEREMIA 29:23

tuhan bindei ba, mun di suwok bibor dima cut igkep yok drek dip ide sisar di nindig bibor di ibon ei minu Israel tu. Yoni icut tut hi nitnem lene iba tuhan ninyeng bitri tut mun di igbit bi nya cem. Ba, gima yok hagom srep tut tuhan ningon kanti. Noni kan tut sisar di ibon nya ba, mikiju nok no di tri tut igyai munti di Noni ngat bou niyai him bipai kep yok. Da di tuhan disimbot dat tu.”

DANIEL 2:22

Nongkom mbot kep mimun di jut bibor bikan tut mun di jo ei nidinditi hagom. Nipigati di sieng-siau kei nggai Noni.

MATIUS 6:4

Apino mun di jibingondut yo dima mijo nding leu tungwatu nya igyai him. Jicig di ngat mun di jo nding hagom bou niyai him mibindei ba, jimuhup tau bije.”

YOHANES 2:24

Noro Yesus kan bidem tut tungwatu nya yahagom ingonti. Gima rino Noni ba ningon com yok bi.

YOHANES 21:17

Yesus hig ser noni nimbiningai bu “Na di Simon di Yona nipmot e, angon ngakei Da e?” Petrus ningon ngguk drek dip Yesus nipaisi lewo Yesus hig ser noni mbiningai su. Gima rino noni buhup “Tuhan e, akan tut mun nyeng hagom ba, akan tut bipia dingon ngakei Na!” Lene Yesus pai binoni “Ma anyohou Ditde domba nya.

YOHANES 4:16

Yesus cuk noni “Aug hig ajjep ba, jahacem jikwei.”

KISAH 17:31

Lewo Noni kos tut bitto bou dima Noni ba ningon di sren-srau bibirop hanyen bak tungwatu dihyeisi dini yahagom tug hon tungwagom di Noni dimig ei dima. Noni ndo bindo bak tungwatu yahagom tirigi Noni win no dima leu nimai eisi.”

ROMA 2:16

Gima rino mun dini yok mipek kep mem tungwatu nya dem igbit Njap di Allah ndo ei su. Nihyet Di Kei di ditri tut ndo brei binye bipia Allah migwam nok Nikei di mbus tungwatu nya ingonti drek dip ide mimun di jo ei ingonti kin ingon kanti nya cem hagom tug hon Yesus Kristus.

KORINTUS GI NIGOM 4:5

Gima rino ma jikos tut tungwatu nya ide niyai mun tunggwei si haninyai au. Lewo tto bou dem bigyo. Ma jibet jingon ei mem Tuhan nikwei hanyenti. Noni mimbot kep tut mimun di jo ei nidinditi bipiga digai ingon kanti di jo nding ei ingon bei hagom yo. Mpe dima lene Allah mikos tut mun di kei bak bikwop tungwagom-gom di dem mem gima.

KORINTUS GI NICAN 5:10

Lewo ikan tut bipia yahagom mikuk nye ei Kristus Noho bei lewo Noni ne Nikei ri. Noni mimbus tungwagom-gom ningonti leu api buhup biyok bit leu nok igyai munti di kei nya kin gi kinei nya di igyai kikep tirigi ingat rin ei dihyeisi dini.

NINGAT-HI-NGAT NYA 2:23

Leu api midihwen nide limwa nya cem leu binhyepo mbusyamei nya yahagom ikan tut bipia Dani ne No di yok niyai kep tungwatu nya yahagom ikan-kan nyenti kin ingonti ri. Dibirop hanyen bije bit leu nok jiyai munti nya.

SAMUEL GI NIGOM 16:7

Noro tuhan srep bipai “Ma angig ayai kep no dima ningkek dip kin nintig bou di jei au. Dikou sut noni lewo dikos tut dingon kanti bit leu nok tungwatu nya ide nikos tutti nya bi. Lewo tungwatu nya ingig igyai kep tungwatu nya ingkek dip noro Dani dingig diyai kep ingonti.”