IBRANI 3:5 - ALLAH NIHYET MEM TUNGWATU NYA

⁵ Musa ne awak di ningon gom di yai midyai ei Allah de ig ri. Nide midyai nya ndo tut mun di mitibim leu Allah nuhui him ei nidipti bu.

IBRANI 3:5 ပူးပေါင်းရင်းမြစ်များ

NEHEMIA 9:14

Apingok ingonti tut Njap Nigwam Kep Ninghuisi leu binhyepo ipigig sut ei mem Na di tuhan. Ba, ayai Ade nikos tutti nya bak yoni tug hon Ade awak di Musa.

MAZMUR 105:26

Noni pinak Nide awak di Musa kin Harun di Noni dimig yok ei su nya.

NEHEI LEUSI 14:31

Tirigi mben Israel ingat tuhan de nisindemti di nindig bibor di bindei ba, mben Mesir yahagom imai bingwig bou igyai him lene inga leu tut nindig bibor bittin tut Noni. Apino iba ingon com Noni kin Nide awak di Musa cem.

NEHEI LEUSI 40:16

Lene Musa yai hagom bit leu nok tuhan nicuk noti.

MBEN ISRAEL IMBUT-MBUT NYEN 12:7

Noro tirigi dimbrap bit Ditde awak di Musa lene nok gima bi. Dita noni nok nibou di ninyeng tak kep Ditde limwa di mben Israel.

MATIUS 24:45

“Tou rinok awak di ningon gom ba, ningon ki cem i? Gi hi dima ne no di niceu ndo nok nibou mem awak nindigsi nya leu binhyepo kwas njita tut yok dem igbit jam di noni preu ei su.

MATIUS 25:21

Niceu buhup ‘Ayai mun di igbit. Nani ne awak di kei di angon gom ri. Ajoi bibor tut mitiei mien. Gima rino midiba dingon com nani tut mun di nindig bibor bu. Akwei gwam bit da ba, sillei ngwig sut yam.’

LUKAS 12:42

Yesus buhup “Tou rinok awak di ningon gom ba, ningon ki cem di niceu ndo noni nok nibou mem awak nindigsi nya leu binhyepo kwas njita tut yok igbit nok jam di noni preu ei su i?

LUKAS 24:27

Lene Noni pai mingat tut Allah Nihyet di pai sut Nonti hagom brei biyok bikinyon ei Musa de srat nya kin nabi nya ide srat nyati.

LUKAS 24:44

Yem njita tu lene Noni pai biyok “Mun po dipai bije nipou tirigi dingat rin bit je pima suar dem igbit. Gima ne mun di ipas ei Puig Yahudi nicukti nya kin nabi nya ide srat nyati kin srat Mazmurti tut Da hagom suar dem igbit.”

YOHANES 5:39

Jipikor tut Allah nihyet bokti ninno tu lewo jikan bipia jibiyai niyaijo nijep di jo kikau. Noro Allah nihyet bokti dima ndo tut Da.

KISAH 28:23

Gima rino Paulus kin yoni ipreu ei mem yam tut njap gom dima imbus yam ei. Tirigi tto bou dima dem lene imang bibor induk yam kwei ei nide ig bei. Ba, noni nyohou tri tut nihyet biyok bimbot kep tut Allah Ninyeng Tak Kepti biyok mem mpia nipriti kikau ug bipek mpia nicutti kep. Noni ba ayat di kus leu Puig Yahudi nicukti nya kin Nabi nya ide srat nya cem bipingok yok lene biyai ba, yoni ingon jo kep Yesus.

KISAH 7:37

Musa dini cem ripo pai bak mben Israel ‘Allah midimig nabi gom leu jide adig-ajoi nya ikieti bipinak noni ndam je bit leu nok Noni pinak dani.’

ROMA 3:21

Noro tini bu ne Allah ndo puig di bie tut tungwatu nya ndam ingon di kwes kin Noni brei binye tu lo, puig dima kriau Puig Yahudi ningginausi nya. Srat nya di Musa kin nabi nya ipas kep mbot kep tut munhyet dima.

KORINTUS GI NIGOM 4:2

Mun di bon ninyeng mem no di awak rino ma ningon gom tut niceu a.

NINDAT KEP TUHAN NICUKTI NYA 3:24

tuhan Di Ninyeng Jei e, dikan tut bipia gi ando bida dini ne sindi nimbie him leu abon munti di nindig bibor nya ba, mindur cem rin yo. Bit bon kwar di tungwatu nya ikuk yok bak ei mpia-bbed him kin dihyeisi dini bibon mindur di nindig bibor nok abibon bi ba, hi noyam kin Nani kan bi.

NINDAT KEP TUHAN NICUKTI NYA 34:5

Lene Musa di nok tuhan de awak mai ei sirima ei minu Moab bit leu nok gi po tuhan pai sut noni pima.

TIMOTIUS GI NIGOM 1:12

Dijem sigyo bak ide Tuhan Yesus Kristus di sindem tut da mem midyai di diyai nya. Dijem sigyo bak Noni lewo Noni kan bipia didem mem midyai di Noni ndo bida.

IBRANI 1:1

Nipou yo ne Allah ba nisinati di ter leu yam bitri tut ningon kanti bak idigup-idigai bat nya mbirimang bibor tug hon nabi nya.

IBRANI 3:2

Yesus pwoi Allah ningon tug hon gi ta nibou ei niyai midyai di Allah ndo biNoniti. Ba, Musa cem pwoi Allah ningon tug hon gi ta nibou ei niyai midyai mem Allah de ig bei nsi nyati.

IBRANI 3:4

Bikwop ig hagom no di ngot ig dima noha noro Allah Nonti ngot mun nyeng hagom.

IBRANI 8:5

Imam Yahudi igyai munti nya ndo bindo tut mun di jo ei gwamti. Allah sok kep Musa tirigi noni tin ei mem hok Allah De Prak Meng bipai binoni “Amiap e, suar abibon hagom bit leu nok bindo di dindo bina ei mbigdip dini.”

IBRANI 9:24

Lewo Kristus coi ug ei Ninsi Di Kwes-Kwau di tungwatu nya ibon bou inda him di dat Ninsi di jo kikauti bi. Noro noni coi kikau ug ei gwamti biya ei Allah Noho bei leu binhyepo ya hacan mem nye.

YOSUA 1:15

kikau bibou yahagom icoi ba, ikieng kep minu di tuhan di nok jide Allah pek biyok ei Minyei Yordan nite dima ug nipou ug e. Tirigi keret mben Israel nindigsi nya ibong kei igwam kei ei hanjop nsi dima tu lene mibon nikwesti mem jingkwei hanyen ba, jiya bijikieng kep jide hanjop nsi ei Minyei Yordan nite dini kwei bei mpia nipriti bit leu nok Musa po tuhan de awak pima preu ei mem je tu.”

YOSUA 1:2

“Ditde awak di Musa mai su. Ma nani kin mben Israel jahagom jitin ei mem gima jisigon Minyei Yordan leu binhyepo jicoi ug ei minu di midiyai biyok.

YOSUA 1:7

Ma angon nddong ba, abrim angkek cem lene ata abou ei nicukti po Ditde awak Musa yai bije pima titut yam. Ma jikrau tunggwei puig di dicuk je tut nya au. Gi nok lene jide niyai munti nya hagom mingat ningat di kei bibor.

YOSUA 8:31

Iwin nimbar hum dok dima bit leu tuhan de awak di Musa nipingok mben Israelti ei nide sratti di pai “Ma jiba tig di jiba ngkimom nitu biheu bi dima biwin nimbar hum dok gom.” Lene mben Israel ijem ide mindhe-ndhe di ibui bindig ei nimbar hum dokti nya kwei mem nibon midut nindig mindhe titut kep humti kin nibon midut nibiyai ningon kwes kin tuhan cem.

YOSUA 8:33

Mben Israel kin ide nibou nya kin nibou tentara nya kin nikei nya kin ngkiai di ibong ei ikieti nya yahagom ikwas yam ei nimpung can bigya ei tuhan De Brua Gi Preu nite hi nite hi. Lene yahagom iba yoho rok imam Lewi nya di ittei Brua Gi Preu dima. Nimpung gom iba inghim bak Nungug Gerizim lene nimpung gom iba inghim bak Nungug Ebal. Tut gima ne tuhan de awak di Musa pingok yok leu binhyepo igyai kep mun dima gino tto bou dem mem igyai mun di kei di tuhan preu ei mem yok tu.

NINGAT-HI-NGAT NYA 15:3

Ba, ipai doia di Allah de awak di Musa pai kin Domba Pmot de doia cem di nibimbiti pai “Allah di sindem bibor e, Ade midyai nya kei bibor kei ba, mindur bibor cem! Na di Nibou Ndig di anyeng tak kep minu nya hagom e, ayai munti nya hagom sren-srau cem igbit cem.