IBRANI 3:1 - ALLAH NIHYET MEM TUNGWATU NYA

¹ Disut bat je di Kresten di Allah hig je tu nya. Ma jibisrip tut Yesus di Allah cuk kwei nok Imam Nibou Ndig mem niba ningon comti di nyeni itri tut ug e.

IBRANI 3:1 ပူးပေါင်းရင်းမြစ်များ

MAZMUR 110:4

tuhan preu ei tug hon neheng bipai “Dikon anyeng nok imam noyam kin imam Melkisedek kikau buug hon nohonti bi.” Ba, Noni mingkwei leu nipreu eisi dima bi sren.

YESAYA 1:3

Sapi kan tut niceu ba, keledai kan tut mpia ttou nsi di niceu hyen kep eisi. Noro Ditde limwa di mben Israel ikan tut ba, ingon dorti tut bi.

YESAYA 41:20

Mpe dino tungwatu nya ingat gini bou igyai him ne mijo nibreisi mem yok bipia Da di tuhan dipai tes hagom. Ingon dor niti leu api igyok ngon kep bipia mben Israel ide Allah Di Kwes-Kwau bibon mun dima yok hagom.”

YESAYA 5:12

Nggong mbrei kin gitar kin mun di jimpig-mpig nyen kin porei nibimbiti tibim ba, ba anggur ngei pu je ei pestati lo, jiba jiyai ngat Allah de midyai kin mun di bon nya.

YEHEZKIEL 12:3

Gima rino na di tungwatu di ayaijo kikau bi e, ma acat ndigban ade nya keyam ei sre nghas di nindig gomti mem njap noyam kin no di tungwatu nya icom no nibon kepti bou yahagom igyai him. Ambut leu abongti ug ei mpia ttou nsi hiter bu noyam kin no di icom ug ei ningkiaisi cem bou yahagom igyai him. Mpaba yo di yaham imbuk kep Da mingon huk niti bipia nani tereu nok no di tungwatu nya icom ug ei ningkiaisi ri.

YEHEZKIEL 18:28

Ningon hukti tut niyai munti di mbuk leu api mbres nonti leu. Gima rino noni tug midut bi noro hek tut niyaisi.

HAGAI 1:5

Jingig jiyai kep mun di cut igkep je nya ug e!

HAGAI 2:15

tuhan pai “Jingig jiyai kep mun di cut igkep je njap di ammani nimo jug nipou tirigi jiwin Ditde ig bigyo! Mpe dima lene mindei rino cut igkep je i?

YOHANES 17:3

Gino tungwatu nya iba ingon com bipia Nani ne Allah gom ngat di nijit rin ba, iba ingon com Yesus Kristus di acuk kwei lene igyai niyaijo nijep di jo kikau.

YOHANES 20:21

Lene Yesus pai biyok mbigom kin bu “Ma jingon jo nyahan. Dicuk je ug ei dihyeisi dini noyam kin Dicig cuk Da kwei ei dihyeisi.”

YOHANES 20:27

Leu api Yesus pai bak Tomas “Angat dinda ba, ayok anda pijum eisi lene asu anda ei dikimbu nimuhweisi cemti. Ma ahig angon eisi bu au noro ma angon jo kep!”

KISAH 1:15

Njap poi ser lene yo di ingon jo kep nya ibou sratus gom ningot can idem yam lene Petrus kiju bitri tut nihyet. Noni pai biyok,

ROMA 11:17

Allah sriot biei zaitun nitu (biei dini ne mben Yahudi ri) di Noni nyohou dima ninda hi leu leu api ngot biei zaitun sisron ninda hi hanyen biluei niceti. Je di ngkiai nya jinok biei zaitun sisron dima ninda ri. Allah ngot je kin biei zaitun nitu leu binhyepo jima mben Yahudi ide mun di kei di ntun niyaijo di bitut ninnei him.

ROMA 15:27

Ice tut yam hyet bit leu yonti ingon kanti. Noro ningat ne yoni ibon ningwam bak isut bat yo di ingon jo kep di yuhui mbum nya ei minu ndig Yerusalem drek dip Allah de mun di kei di bitut innei di mben Yahudi ikwas tut yok. Gima rino ma ngkiai nya iba ide mun di dihyeisi dini birop mben Yahudi ide ningwam hanyen biyok.

ROMA 15:8

Ma jiyok ngon kep bipia Kristus kwei nok awak mem mben Yahudi leu binhyepo bindo biyok bipia Allah ningon gom bibindei nipreu eisi nya pek kep mem idigup bat-idigai bat nya.

ROMA 9:24

Nyeni ne yo di Noni hig nye ei su nya rin noro hig leu mben Yahudi nya ikieti he bi noro hig leu ngkiai nya cem ikieti.

KORINTUS GI NIGOM 1:2

Nipigo Allah de mbusyamei ei minu ndig Korintus. Allah hig jeni bijinok Nide limwa di ingon kwes-kwau nya tug hon jide ninok gom kin Kristus Yesusti. Ba, gima noyam kin yo di mbusyamei nya di ikuk yok bak Yesus Kristus bidem minu. Noni ne Tuhan mem yoni kin nyeni cem ri.

KORINTUS GI NIGOM 10:17

Mbro nok gino nyeni imang bibor lo, inok ningut gom ngat tug hon roti nindak gom ngat di iki tut yam dima.

KORINTUS GI NIGOM 9:23

Diyai gini hagom mem Nihyet Di Kei leu Allah leu binhyepo dipriet kin mun di kei di ntun Nihyet Di Kei him.

KORINTUS GI NICAN 1:7

Ningon nddong tut je. Nihig ningon ei jeti bi sren. Lewo nikan tut bipia jicoi bit ninghuisi wei di cut igkep nye. Gima rino jicoi bit nisindemti di Allah yai bije noyam kin nyeni.

KORINTUS GI NICAN 9:13

Ba, yo di ingon jo kep nya imang bibor ei hanjop Yudea minggei sut Allah drek dip jide nisingat tut tungwatu nyati di ndo bindo di kei bibor biyok. Lewo ingat bipia jingon gom tut Nihyet Di Kei tut Kristus bijibit nihyet cem. Gi jikwas mun di jimati dor njiriek tut yoni kin jisut yo di ingon jo kep nya cem bindei ba, inggei sut Allah drek dip je.

EFESUS 3:6

Nimimun dima mbot kep tut gini. Tug hon Nihyet Di Kei lene ngkiai nya iba yo kep Allah de mun di kei nya di Noni tin ei nipou su mem mben Yahudi he yo pima. Ngkiai nya inggre kin ningut gom ngat bit mben Yahudi bipriet kin mun di Allah preu ei mem nye tug hon Kristus Yesus.

EFESUS 4:1

Gima rino ditigtai je bipia ma jiyaijo bit leu Allah ningon kanti mem Nide limwa di Noni dimig ei su nya. Ditigtai je nok lewo disima ei ig bui nsi drek dip gi dinok awak mem Tuhan.

EFESUS 4:4

Ibicom yam nok ningut gom ngat he. Allah Ninnei cem gom ngat he. Ba, Allah dimig je ei leu binhyepo jiyok jingon mem mun nyeng gom ngat he.

FILIPI 3:14

Gima rino didor bidihallu kak puig ndam nipekti leu binhyepo ditug ndei niyaijo ei gwamti. Tut gima rino Allah hig nye kwei tug hon Kristus Yesus.

KOLOSE 1:12

bijipai sigyo bak Icig Allah cem. Lewo Icig rino bindei ba, jidem mem jiyai mun di Noni bet ei mem Nide limwa di icoi bit Allah Ninyeng Tak Kepti di ntun nipigati him.

KOLOSE 1:22

Noro tini bu ne Noni yai jingon di kwes kin Noni tug hon Nipmot nimai ei biei salibti. Tug hon nisinati dima ne Noni bindei ba, jiba jingon di kwes kin jingon di pimbai kin jingon di ngun biya ei Allah Noho bei.

KOLOSE 3:12

Jeni ne Allah de limwa nya ri. Noni ningon ngakei je ba, dimig je ei leu binhyepo ninyeng tak kep je. Gima rino ma jingondut yam cem jingon singat tut yam cem jiba jibou coi mem yam cem jingon nggriu sut yam cem jibet jingon mem yam cem.

TESALONIKA GI NIGOM 2:12

Nibiwin kep jingonti ba, nigwam ser jingonti binibidip huk je leu binhyepo jide niyaijoti bindei ba, Allah joi sut je. Lewo Noni hig je leu binhyepo jinggre kin Ninyeng Tak Kepti kin Nide nikei-kau-keisi cem.

TESALONIKA GI NIGOM 5:27

Ditigtai je tug hon Tuhan di sindem bibor ninyeng bipia ma jikwop kep srat bokti dini bak yo di iba ingon com Noni yahagom.

TESALONIKA GI NICAN 1:11

Gima rino ningat nadi tindei je bikwop njap-njap. Nahara ide Allah leu binhyepo Noni mibindei ba, jidem mem gima jiyaijo bit leu ningon kanti lewo Noni hig je mem gima. Handei kon ba, Noni sindem tut je ba, jiyai mun di kei bibor di jijoi sut nya lene bindei bijiyai mun tug hon jingon di jo kep Noni biput ug e ba, hagom put kei cem.

TESALONIKA GI NICAN 2:14

Allah hig je ei nok gima tug hon Nihyet Di Kei di nitri tut bije tu. Noni hig je ei leu binhyepo jiyai ide Tuhan Yesus Kristus nikei-kau-keisi ndrim hi mem jeni.

TIMOTIUS GI NIGOM 6:12

Suar ador sindem bibor kak puig tug hon ade niba ningon com Kristusti kikau ug bipek nipekti leu binhyepo ayai niyaijo nijep di jo kikau. Lewo Allah hig na mem gima ador sindem kak puig dima nipou tirigi atri tut ei yo di imang bibor yoho bei bipia angon jo kep Kristus.

TIMOTIUS GI NIGOM 6:2

Awak nya di igyai midyai mem iceu bat di ingon jo kep nya lene ma ingwes pri gau iceu bat nya drek dip gi inok yo di Kresten au. Noro ma iba ijoi biborti di dor njiriek bu biyai midyai mem iceu bat nya lewo yoni ne yo di ingon jo kep nya rin ba, ide awak nya ingon ngakei yok. Suar angginau yo di mbusyamei nya ba, asok kep yok tut nipingokti.

2 TIMOTIUS GI NICAN 1:9

Noni teu nye leu sisar biyai niyaijo nijep binye leu api hig nye leu binhyepo inok Nide limwa nya. Mun dini tug hon igyai munti nya bi noro tug hon Allah ningon kanti kin nisingat tut nyeti cem. Noni singat tut nye tug hon Kristus Yesus nipou tirigi Noni pai tes dihyeisi dini bigyo.

2 TIMOTIUS GI NICAN 2:7

Ma akan-kan nyen tut nipingokti dini di dipai hwou bina lewo Tuhan misindem tut na leu binhyepo angon dorti.

IBRANI 10:19

Disut bat jen, Yesus nimaisi bindei ba, dimbou kau leu nye leu binhyepo iba ingon di nddong bicoi ug ei Ninsi Di Kwes-Kwau.

IBRANI 10:21

No di ya hacan mem nye ne Imam Di Ninyeng Jei rin ba, ninyeng tak kep Tuhan De Igya.

IBRANI 10:23

Ma ikrau kep ide niyok ngon memti di tibim ei nyenti yuhui him lewo ingon ngkiem tut bipia Allah miyai hagom bit leu nok Nonti nipreu ei mem nyeti tu.

IBRANI 13:22

Disut bat jen, ditigtai je leu binhyepo tirigi jikwop srat bokti tut mun di dipingok jingonti tut dini ne ma joom jingon tut lewo srat dini jei bi.

IBRANI 2:11

Yesus piap tungwatu nya leu ide sisar leu binhyepo ingon kwes kin Noni. No di piap yok kin yo di igyai ingon di kwes nya yahagom ibon Icig gom ngat. Gima rino Yesus mmai sut gi jem yok nikinjoi bat nya bi.

IBRANI 2:17

Gima rino jo nibreisi mem nye bipia suar Noni luei nitta bibon Nonti noyam kin nikinjoi bat nya haigtu leu binhyepo yai midyai nok ide Imam Nibou Ndig di ningon gom ba, ningon nggriu cem ei Allah Noho bei. Tug hon nisinati dima lene Noni bindei ba, tungwatu nya igyai nikos ser sisarti.

IBRANI 3:12

Disut bat jen, ma jisok kep jenti ser nhyema jigom ningon rom ba, ningkek ndokti bindei mbres nonti ei minu ting leu Allah di Niyaijo au.

IBRANI 3:14

Gino ikrau kep ide niba ningon comti di igyai ei nimbie him kikau bipek ningwig honti lene inok Kristus nisut bat nya ri.

IBRANI 6:20

Yesus tin puig buug ei ninsi dima mem nye bitug ndei ninyeng Imam Nibou Ndig kikau noyam kin Imam Melkisedek tu.

IBRANI 7:26

Yesus dem mem gima yai midyai nok Imam Nibou Ndig biya hacan mem nye lewo ningon kwes-kwau cem yai mun tunggwei bibon sisar hi bi cem ba, kes dihyei di kinei dini ei leu api Allah kon Noni bikui njiriek mpia-bbed him.

IBRANI 7:28

Puig Yahudi niggai serti kon tungwatu nya ba, inok imam nibou ndig. Noro niabiati Allah yai niggai serti bak Musa lene Noni ba neheng bipreu ei lene nipreu eisi dima kon Nipmot nok Imam Nibou Ndig di kei-kau-kei kikau buug hon nohonti bi.

IBRANI 9:11

Noro tini bu ne Kristus kwei su. Noni ne Imam Nibou Ndig di bindei ba, ningon kwes kin Noti ttau su. Noni coi ug ei prak meng behei di bon ninyeng ba, kei-kau. Tungwatu nya ibon prak meng dima bou inda him bintun Allah nipai testi ei dihyeisi dini bi.

IBRANI 9:15

Gima rino Kristus bon Nonti nok No di ya hacan mem gi preu nijep leu binhyepo yo di Allah dimig yok ei nya igyai Nide munkwas di jo kikau di Noni preu ei mem nye tu. Mun dini yok hagom tug hon tungwagom nimaisi. No dima ne Kristus ri. Nimai ei biei salibti kwek tungwatu nya leu sisar di ibon nya tirigi gi preu nitimiei ninyeng tak kep yok.

PETRUS GI NIGOM 2:9

Noro Allah dimig je nok Nide mben nya kin Nide imam nya di igyai midyai mem ide Nibou Ndig di Allah kin Nide mben di ingon kwes nya kin Nide limwa nya cem. Allah dimig je bihig je kwei leu nidinditi bijicoi ei Nide nipigati di sieng-siau kei leu binhyepo jitri tut Nide midyai di mindur nya.

PETRUS GI NIGOM 3:5

Lewo sindig timiei pinipou di ingon kwes nya di igyok ingon mem Allah iba ide niba nibou coi mem ijjep bat nyati bimau yonti.

PETRUS GI NIGOM 5:1

Je di nibou mbusyamei nya e, dani cem nibou mbusyamei. Dingat Kristus bou diyai him tirigi Noni yai ninghuisi wei. Midipriet kin Kristus nikei-kau-keisi tirigi Noni ndo Nonti brei ei tungwatu nya igyai him. Gima rino dipingok jingonti leu binhyepo jiyok ngon kep ditde nipingok jeti nya.

PETRUS GI NIGOM 5:10

Noro niabiati jiyai ninghuisi wei di jo jei bi leu su lene Allah di singat tut je mipindi je hanyen bu. Noni miyai jingon nddong cem misindem tut je cem mibindei bijiba jingon com Noni kikau cem. Lewo Noni dimig je leu binhyepo jipriet kin Nide nikei-kau-keisi drek dip gi jinok gom kin Kristus.

YOHANES GI NIGOM 1:3

Nitri tut mun di ningat bou niyai him di nimiap ei nitingou nsi bak jeni leu binhyepo jibicom yam bit nyeni ba, igyaijo nok gom kin Icig Allah kin Nipmot Yesus Kristus.

YUDAS 1:1

Srat dini leu Yudas. Dinok awak mem Yesus Kristus ba, dikindig rino Yakobus. Ba, srat dini mem je dino Icig Allah dimig je tu di jingon dorti tut Nide ningon ngakei jeti kin Yesus Kristus ninyohou jeti.

NINGAT-HI-NGAT NYA 17:14

Nibou dini yok mikon pran bit Domba Pmot noro Domba Pmot kin Nide limwa di Noni hig yok ba, dimig yok di ingon gom tut Noni mibindei cut nibou ndig dima yok. Lewo Domba Pmot ne Tuhan di ninyeng tak kep yo di inyeng jei nya kin Nibou Ndig di ninyeng tak kep nibou ndig nya yahagom ri.”

NINGAT-HI-NGAT NYA 18:20

Timiei gwamti jen, ma jingon llei bibor tut minu ndig dima nicutti! Allah de limwa kin je di jiya kui Yesus kin je di nabi e, ma jingon llei bibor! Lewo Allah kes hukum ei minu ndig dima dip drek dip niyai munti di kinei bibor di bibon bije tu.