IBRANI 2:8 - ALLAH NIHYET MEM TUNGWATU NYA

⁸ Abindei ba, ninyeng tak kep apai testi nya hagom.” Nihyet dima pai “Allah kon tungwatu nya binok nibou di ninyeng tak kep mun nyeng hagom.” Mbro nok gino Allah nihyet pai nok lo, jo nibreisi bipia tungwatu nya igyai nisindemti mem gima inyeng tak kep mun nyeng hagom bigyo.

IBRANI 2:8 ပူးပေါင်းရင်းမြစ်များ

MAZMUR 2:6

Lewo Noni pai “Dita ditde nibou ndig ei Sion ba, gima ne Ditde nungung tou di didimig bikwes-kwau ei su.”

MAZMUR 8:6

Apai tes tungwatu nya ba, abindei binyeng jei noro jei dor njiriek Na di Allah bi. Akes nikei-kau-keisi kin ninyeng jeisi bijo ei ibou nggram himti.

DANIEL 7:14

No di niyaijo kikau yai ninyeng di jei kin nisindemti binoni noyam kin nibou ndig. Apino bikwop timiei minu nya kin mben nya kin gi imbrap ighyet hiter nya yahagom ikuk yok bak. Nide nisindemti jo ninno bijo kikau ba, ninyeng tak kepti ug hon nohonti bi sren cem.

MATIUS 28:18

Yesus son dideu yok bipai biyok “Dinyeng tak kep nisindemti hagom ei gwamti kin dihyeisi dini.

YOHANES 13:3

Yesus kan tut bipia Nicig kes nisindemti hagom ei nindati bikan tut bipia Noni kwei leu Allah habiei lene mingkwei hanyen ndam Allah bu.

YOHANES 3:35

Nicig ningon ngakei Nipmot bibindei ba, Noni krau nisindemti hagom ei nindati.

KORINTUS GI NIGOM 15:27

Bit leu nok gi ipas ei Allah nihyetti “Allah bindei cut mun nyeng hagom ei Kristus nimig him.” Jo nibreisi bipia nipas kepti “Mun nyeng hagom” dima ne bitut Allah Nonti di bindei cut mun nyeng hagom ei Kristus nimig him bi.

IBRANI 1:13

Allah pai bak Nide malaikati hi “Akwei gwam kui dinda com bibou doom ade siceu nya ba, inok bilen mem amig ug e” bi sren.

IBRANI 1:2

Noro ei nijam di ningwigsi dini Noni mbrap bit nye tug hon Nipmot. Allah pai tes mun nyeng hagom tug hon Nipmot bindo Noni nok No di mbun mun nyeng hagom.

IBRANI 2:5

Allah yai nisindemti bak malaikati nya leu binhyepo inyeng tak kep dihyei di nijep di nyeni imbrap tut ei srat diniti bi.

PETRUS GI NIGOM 3:22

Yesus Kristus kui ug ei gwamti biya kui Allah ninda com tu. Ba, ninyeng tak kep malaikati nya kin nibou nya kin nisindemti nindigsi nya ei mpia-bbed him.

NINGAT-HI-NGAT NYA 1:18

kin No di niyaijo ri. Nipou ne dimai su noro angat i! Nogindini diyaijo kikau buug hon nohonti bi. Dinyeng tak kep yo di imai su kin minu nimai nya ide.

NINGAT-HI-NGAT NYA 1:5

kin Yesus Kristus di ba ningon gom bitri tut mun di Noni ngat bou niyai him. Noni ne mot mighumbou di kiju hanyen leu nimai eisi rin ba, ninyeng tak kep nibou ndig nya ei dihyeisi dini hagom. Noni ningon ngakei nye bikwek nye leu ide sisar tug hon nimaisi,