IBRANI 2:17 - ALLAH NIHYET MEM TUNGWATU NYA

¹⁷ Gima rino jo nibreisi mem nye bipia suar Noni luei nitta bibon Nonti noyam kin nikinjoi bat nya haigtu leu binhyepo yai midyai nok ide Imam Nibou Ndig di ningon gom ba, ningon nggriu cem ei Allah Noho bei. Tug hon nisinati dima lene Noni bindei ba, tungwatu nya igyai nikos ser sisarti.

IBRANI 2:17 ပူးပေါင်းရင်းမြစ်များ

NIBOHON MBEN ISRAEL GI NICAN 29:24

Igyok inda ei dip bidem leu api imam nya ibui ba, iba ninggrom biprok nimbar hum dok. Iba midut dima biyai nikos ser sisarti gau limwa nya yahagom. Ibon midut nindig mindhe-ndhe titut kin midut nibiyai nikos ser sisarti ei nimbar hum dokti gau limwa nya yahagom nok gima lewo nibou ndig cuk yok tut.

YESAYA 11:5

Noni miba ningon sren-srausi kin ningon gomti bibie tut nide limwa di ninyeng tak kep yok.

YEHEZKIEL 45:15

Nitriti mem gima ibinai mindhe-ndhe nya di nok domba. Gino domba ningut sratus can lene ma ikwas ningut gom tut tuhan. Suar jikwas gandum mem midut njita nibipai sigyo bak Allahti kin mindhe mem midut nindig mindhe titut kep humti kin mindhe mem midut nibiyai ningon kwes kin Allahti tut Allah leu binhyepo Noni kos ser jide sisar di jibon nya. Gima ne Da di tuhan Di Dinyeng Jei Bibor dicuk jeti ri.

YEHEZKIEL 45:17

Suar noni rima pek mindhe-ndhe nimuhup tu mem midut nindig mindhe titut kep humti kin gandum mem midut njita nibipai sigyo bak Allahti kin midut nisiber anggur ngei ei tuhan Noho bei mem mben Israel yahagom ei njap ndig nya kin midut Njap Ndig Bed Jep kin midut Njap Nigwam Kep Ninghuisi nya kin njap ndig nindigsi nya. Noni rima mikwas mindhe-ndhe dima mem midut nibiyai nikos ser sisarti kin midut njita nibipai sigyo bak Allahti kin midut nindig mindhe titut kep humti kin midut nibiyai ningon kwes kin Allahti tut Allah leu binhyepo bahara Noni mem gima kos ser mben Israel ide sisar.”

YEHEZKIEL 45:20

Ma jibon nok gima cem ei njap gi nimuhwindacan ei bed gi nigom dima drek dip tungwagom-gom de sisar di bon kin gi bisinggre bi kin gi kan tut bi a. Tug hon nisinati dima ne jibinyohou Ditde Ig nikwes-kwausi.

DANIEL 9:24

Allah kos tut bipia ug ei nijam ari bingwam nitindur sratus bitai ningot muhwindatai ne Noni kwek asut bat mben Israel nya kin jide minu ndig di kwes-kwau dima leu sisar kin mun di mbuk nya ri. Noni kos ser sisar leu api ta ninyeng tak kepti di sren-srau di jo ninno bijo kikau leu binhyepo ningat-hi-ngat bitut nimbot kepti dima dem igbit ba, Nide limwa nya ipiga tuhan De Ig di kwes-kwau hanyen ei mem Noni.

IMAM NYA IDE MIDYAI 14:18

Lene ma noni siber mini zaitun ei ninda bia bei niken ug ei no dima nibou nggram him. Tug hon nisinati dima lene imam mibon midut niyai ninghuisi kwes hanyen.

IMAM NYA IDE MIDYAI 16:16

Tug hon nisinati dima lene noni mibon midut di bindei ba, Ninsi Di Kwes-Kwau dia-diau kei leu binhyepo map di tug hon mben Israel ide sisar mikui ninsi dimati bi. Suar Harun kinding Ditde Prak Meng ninsi nindigsi nya nok gima cem lewo Prak Meng niyati dima ya hacan ei mben Israel ide prak meng nya di map kuisi.

IMAM NYA IDE MIDYAI 6:30

Noro tut mindhe po ibui mem gima ibon midut nibiyai nikos ser sisarti di yehek ninggrom poi biyuug sut ug ei Ninsi Di Kwes-Kwau pima lene ma hi yem kep mikwau dima au. Suar indig hagom kep hum ei nimbar hum dokti.

IMAM NYA IDE MIDYAI 8:15

Lene Musa bui sapi behek ninggrom poi leu api tur ninda pijum eisi bibidip nimbar hum dok ninggai nya leu binhyepo piga gima ba, tug hon nisinati dima lene noni piga nimbar dima ei mem tuhan bibindei ba, nimbar kwes-kwau.

MBEN ISRAEL IMBUT-MBUT NYEN 15:25

Leu api suar imam bon midut nibiyai nikos ser sisarti mem limwa nya. Apino tuhan mikos ser ide sisar di ibon kin gi ibisinggre bi dima lewo ijem mindhe kwei mem nibon midut nibiyai nikos ser sisarti kin nibon midut nindig mindhe titut kep humti cem bak tuhan.

ROMA 15:17

Gima rino bon dingon jei sut midyai di diyai mem Allah lewo dinok gom kin Kristus Yesus.

ROMA 5:10

Gino ei nijam di iba nitok bak Allah lo, Noni bakei nyeti tug hon Nipmot nimaisi lene jo nibreisi bipia nogindini tirigi Allah jem nisut bit nye dini ne Noni teu nye leu sisar biyai niyaijo nijep binye lewo Kristus niyaijo hanyen tu!

EFESUS 2:16

Kristus nggek tut ide niba nitok biyamti leu lene ba nye bisok yam nok gom tug hon nimai ei biei salibti. Tug hon nisinati dima lene Noni yai yo dima ingon kwes kin Allah hanyen.

KOLOSE 1:21

Nipou ne jingat rin ei minu ting leu Allah bijiba nitok biNoni drek dip jiyai munti nya kin jikan-kan nyenti di suwok nya.

IBRANI 10:21

No di ya hacan mem nye ne Imam Di Ninyeng Jei rin ba, ninyeng tak kep Tuhan De Igya.

IBRANI 2:11

Yesus piap tungwatu nya leu ide sisar leu binhyepo ingon kwes kin Noni. No di piap yok kin yo di igyai ingon di kwes nya yahagom ibon Icig gom ngat. Gima rino Yesus mmai sut gi jem yok nikinjoi bat nya bi.

IBRANI 2:14

Yo di Noni simbot dat bipia munggwom nya ne tungwatu di itug ndei nimai rin. Gima rino Yesus luei nitta binok tungwatu bibon Nonti nok timiei dihyeisi dini. Noni yai nok gima leu binhyepo ba nimaisi binggek tut Bilis di ninyeng tak kep minu nimai nya ide.

IBRANI 2:16

Jo nibreisi bipia Noni mpu malaikati nya bi. Noro mpu yo di intun Abraham him.

IBRANI 3:1

Disut bat je di Kresten di Allah hig je tu nya. Ma jibisrip tut Yesus di Allah cuk kwei nok Imam Nibou Ndig mem niba ningon comti di nyeni itri tut ug e.

IBRANI 3:2

Yesus pwoi Allah ningon tug hon gi ta nibou ei niyai midyai di Allah ndo biNoniti. Ba, Musa cem pwoi Allah ningon tug hon gi ta nibou ei niyai midyai mem Allah de ig bei nsi nyati.

IBRANI 3:5

Musa ne awak di ningon gom di yai midyai ei Allah de ig ri. Nide midyai nya ndo tut mun di mitibim leu Allah nuhui him ei nidipti bu.

IBRANI 4:14

Gima rino ma nyeni ikrau kep ide niba ningon comti di itri tut ei yuhui him. Lewo ide Imam Nibou Ndig di ninyeng jei coi ug ei Allah Noho bei biya hacan mem nye tu. No dima ne Yesus di Allah Nipmot ri.

IBRANI 4:15

Ide Imam Nibou Ndig di ninyeng jei ningon dorti tut nye di inghuisi wei lewo Noni ba nibou coi mem mun nyeng di bingon Noni hagom noyam kin nyeni noro bon sisar drek dip bi.

IBRANI 5:1

Bikwop Imam Nibou Ndig nya ne mben Yahudi indo leu nide keret ikieti bikon ninyeng leu binhyepo ya hacan mem yok ei Allah Noho bei. Noni ba mindhe di nide limwa nya ikwas tut Allah bibon midut nibikos ser sisarti ei Allah Noho bei.

IBRANI 5:10

Leu api Allah ta Noni nok Imam Nibou Ndig noyam kin Imam Melkisedek.

IBRANI 5:2

Imam Nibou Ndig dima ne tungwatu dihyeisi dini he ri. Gima rino ba ningon di nggriu bibon yo di igyai mun tunggwei nya drek dip ingon di mbum.

IBRANI 5:5

Nok gima cem Kristus kon ninyeng bita Nonti nok Imam Nibou Ndig bi. Noro Allah kon ninyeng bita Noni lene pai biNoni “Nani ne Dipmot ri. Njap di ammani dibindei ba, dinok Acigya.”

IBRANI 6:20

Yesus tin puig buug ei ninsi dima mem nye bitug ndei ninyeng Imam Nibou Ndig kikau noyam kin Imam Melkisedek tu.

IBRANI 7:26

Yesus dem mem gima yai midyai nok Imam Nibou Ndig biya hacan mem nye lewo ningon kwes-kwau cem yai mun tunggwei bibon sisar hi bi cem ba, kes dihyei di kinei dini ei leu api Allah kon Noni bikui njiriek mpia-bbed him.

IBRANI 7:28

Puig Yahudi niggai serti kon tungwatu nya ba, inok imam nibou ndig. Noro niabiati Allah yai niggai serti bak Musa lene Noni ba neheng bipreu ei lene nipreu eisi dima kon Nipmot nok Imam Nibou Ndig di kei-kau-kei kikau buug hon nohonti bi.

IBRANI 8:1

Mun di nyeni nisimbot dat dima ningat ne Imam Nibou Ndig di nok gima ya hacan mem nye ba, Noni gwam kui Allah di Sindem Bibor ninda com ei gwamti.

IBRANI 8:3

Bikwop imam nibou ndig nya yahagom ittei mun di tungwatu nya ikwas tut Allah ba, ibibon midut nibui mindhe ei Noho bei. Gima rino suar ide Imam Nibou Ndig cem pwoi nide munkwas hi mem gima Noni kwas tut Allah.

IBRANI 9:11

Noro tini bu ne Kristus kwei su. Noni ne Imam Nibou Ndig di bindei ba, ningon kwes kin Noti ttau su. Noni coi ug ei prak meng behei di bon ninyeng ba, kei-kau. Tungwatu nya ibon prak meng dima bou inda him bintun Allah nipai testi ei dihyeisi dini bi.