IBRANI 13:9 - ALLAH NIHYET MEM TUNGWATU NYA

⁹ Ma jisindui sut ba, nihyet di nitrowai nya bindei bijisrawir au. Gi bon ninyeng rino jiyai nisindemti tug hon Allah de nisingat tut jeti lene tug hon nidimig sutti di bitut njita di mipror yon bi. Nidimig sutti dima ngat ningat di kei hi mem yo di ibit nya bi.

IBRANI 13:9 ပူးပေါင်းရင်းမြစ်များ

MAZMUR 112:8

Ningon bos-bos nyen ba, ningon ttin bi. Lewo ba ningon com bipia nide siceu nya mitimek bingwig yo.

MATIUS 24:24

Lewo nibou ndig di teu tungwatu nya biyai niyaijo nijep biyok nitrowai nya kin nabi nitrowai nya mitau kwei leu api indo bindo bibon mindur cem ba, ipi biris Allah de limwa nya noro limwa dima yok ingon bit ighyet bi.

MATIUS 24:4

Yesus buhup “Ma jitindei ser tungwatu nya leu binhyepo hi ris bije bibindei ba, jisrawir au.

LUKAS 5:38

Noro ma yuhug ba anggur ngei nijep ei aigmui mindhe ngkek nijepti.

KISAH 20:30

Lene gima he bi lewo ibou poi leu jikieti mitri tut nihyet nitrowai bibindei ba, yo di ingon jo kep nya itti kin yok bisrawir ug ri.

KISAH 20:32

Nogindini dikes je ei Allah nindati leu binhyepo Noni kin nihyet tut Allah nisingat tut jeti nyohou je. Allah sindem mem gima sindem tut je leu binhyepo jiba je kep mun di kei di Noni bet ei mem Nide limwa nya yahagom.

ROMA 14:17

Lewo Allah ninyeng tak kepti ket ei njita di igyem kin ndia ngei di idut bi. Noro coi ei nibit Allah ningon kanti kin ningon jo nyahanti kin ningon llei biborti ba, mun dini yok hagom ntun Allah Ninnei him.

ROMA 14:2

No di ba ningon com Yesus bibor yem njita kin mikwau bit leu ningon kanti. Noro gi hi di ba ningon com Yesus bibor bigyo yem kep njita nitu he yo.

ROMA 14:6

No di kan bipia njap ngon bou bon ninyeng ne no dima ba niyaisi dima binggei sut Allah. Gi hi di yem njita ninyeng hagom ba niyaisi dima binggei sut Allah lewo noni pai sigyo biNoni tut njita. Gi hi di yem njita nitu di map kuisi bi ba mun di noni yem bi binggei sut Allah leu api pai sigyo biNoni.

KORINTUS GI NIGOM 6:13

Ibou poi ipai “Njita mem ninghop ba, ninghop mem njita.” I, noro Allah mibindei ba, njita kin ninghop hacem pror yon. Harin dima jiba jingut bicut tut yam a. Noro ma jiba jenti njem biyai midyai mem Tuhan leu api Noni minyohou je.

KORINTUS GI NIGOM 8:8

Ningat ne njita bikum ei ide ningon kwes kin Allahti bi. Gino igyem njita lene gima bindei ba, itug ndei mun di kei hi bi. Gino igyem njita bi lene gima bindei ba, ikrau tunggwei mun di kei cem bi.

KORINTUS GI NICAN 1:21

Allah Nongkom yai ningon kin jingon ngkiem tut ide ninok gom kin Kristusti. Allah Nongkom dimig nye ei mem Nonti,

GALATIA 6:1

Disut bat jen, gino jigom ttau kep tungwagom tirigi sisar sindi srou noni lene ma je di jibit Allah Ninnei nibie tut jeti jiba jingon di nggriu bibrim no dima hanyen kwei ei puig di nijitti. Lene ma jingon sok kep jenti ser nhyema jisindui sut ba, sisar dima srou jeni au.

EFESUS 4:14

Leu api inok munggwom nya bu bi. Lewo munggwom nya inok ut mien di mbut ariwace bibit muk di tti kin hou di ttem yok drek dip yo di ingon mang ide ningginausi. Yo dima icom biei mpup ris tungwatu bibindei srawir yok.

EFESUS 5:6

Ma jitindei ser yo di iba ighyet mini biris je. Lewo tut gima rino Allah ningon misibui sut yo di ibit nihyet bi.

KOLOSE 2:4

Gima rino disok kep je ser nhyema jicut bit yo di iba ighyet di mmau biris bije au.

TESALONIKA GI NICAN 2:17

Handei kon ba, ibiwin kep jingonti bisindem tut je cem leu binhyepo jiyai munti nya kin jipaisi nya hagom kei bibor.

TESALONIKA GI NICAN 2:2

Ma jingon kiowi niti bijingon bos-bos nyen tut yo di itri tut bipia Tuhan De Njap njiriek leu su au. Gino jikan bipia nihyet dima kwei leu nyeni tirigi nitri tut Allah ningon kanti e, he kwei leu gi hi di pingok jingonti tut e, he kwei leu mun di nipas hwou ei sratti bije e, lene gima hagom igbit bi.

TIMOTIUS GI NIGOM 6:20

Na di Timotius e, ma anyohou mun di Allah ba ningon com na tut! Ma ambres nanti leu nisimbot kep biyamti di nok nihyet minyei kin tungwatu nya di iba ighyet dahat yam hyet tut mun di iba ingon kiowi bijem ninyeng “Nikan tutti.”

YOHANES GI NIGOM 4:1

Disut bat di dingon kieti jen! Ma jingon bit yo di ipai sut yonti bipia igyai Allah Ninnei ei ingonti yahagom au. Noro ma jibinai ighyet leu binhyepo jingon dorti tut ninnei dima nikwei leusi. Lewo nabi nitrowai nya imang bibor imbut-mbut nyen bidem dihyeisi dini nisurti-nipekti hagom.

YUDAS 1:12

Tirigi jiyem njita bit yam lene yo dini isrig jikieti bibindei mmai jahagom cem iduhwen njita hak yon ba, ingon hek tut yonti njem he. Inok bumbuhui di hou miep-miep nyen lo, but kan bi. Inok biei di ngat ningat hi bi mem nijam di biei nya ngat ningat. Inok biei mon di tungwatu nya iprim tut nigau di mui bihigom cem.

YUDAS 1:3

Disut bat di dingon kieti jen, dipi bidipas srat bak jeni tut ide niteu leu sisar kin niyaijo nijepti di pek kep mem nyeni yahagom tu. Noro nogindini dingon hukti tut ba, diba srat dini bibiwin kep jingonti leu binhyepo jibrim jingkek ba, jinyohou jide niba ningon comti di Allah kes bak Nide limwa nya mbigom ngat he bijo kikau.