IBRANI 13:8 - ALLAH NIHYET MEM TUNGWATU NYA

⁸ Yesus Kristus luei ningonti kan bi ei nijam gi nipou kin nijam di nogindini kin nijam di nidipti di jo kikau bi sren.

IBRANI 13:8 ပူးပေါင်းရင်းမြစ်များ

NITRITI 21:33

Lene Abraham ta biei tamariska nikioi gom ei Bersyeba. Hon kep njap dima kui lene noni kuk no bak tuhan dino Allah Di Niyaijo Kikau ei sirima.

MAZMUR 103:17

Noro tuhan ningon ngakeisi kin nisingat tutti jo ninno bijo kikau mem yo di ikuk yok bak Noni buug ninno mem ide nintun him yamti di bram yam nya,

MAZMUR 90:2

Nipou tirigi apai tes nungug nya kin dihyeisi dini cem bigyo ne Angat rin ba, ayaijo ug hon nohonti bi sren.

MAZMUR 90:4

Ari bingwam sribu gom kin njap gom ngat ter leu yam ba, hi jei hi cun ei Na di Allah ayai him bi. Hacem dem kep nok njap di annani di pror leu su kin nijam mmun mau gom di ngwig leu nye tu.

NEHEI LEUSI 3:14

Lene Allah pai “DANI NE NO DI NINGAT RI. Apai biyok bipia No di ninyeng DANI NE NO DI NINGAT RIN pinak na ug ndam yok.

YESAYA 41:4

Tou ribindei dino mun dini yok cut igkep tungwatu nya i? Tou ribindei ba, nibohon hagom bit leu nonti ningon kanti i? Da di tuhan dingat rin habiei ei nimbie him ba, midingat rin kikau ug bipek ningwig honti cem.

YESAYA 44:6

tuhan Di Sindem Bibor di ninyeng tak kep mben Israel binyohou yok pai “Dangkom ngat he rino Allah ei nimbie him kikau ug ei ningwig honti cem.

MALEAKHI 3:6

“Dani ne tuhan rin ba, diluei dingonti bi sren. Gima rino je di jintun Yakub him jisrawir bi.

KORINTUS GI NICAN 1:19

Lewo Allah Nipmot Yesus Kristus di dani kin Silas kin Timotius nitri tut bije nipaisi “I” kin nipaisi “Bi” biluei-luei nyen ningonti bi. Noro noni ne Allah nibuhupti “I” nongkom ri.

KORINTUS GI NICAN 1:20

Lewo Allah pai “I” nongkom tug hon Yesus Kristus tut mun di Noni preu ei mem nye hagom tu. Gima rino nyeni ibuhup “Igbit ri” bak Noni drek dip Yesus Kristus. Iba ide nibuhupti dima binggei sut Allah.

IBRANI 1:12

Akrop Ade nipai testi dini nok sinsun nda leu api aba nijep biluei bu. Noro tut Nani ne ayaijo kikau. Bit bon Ade njap ngwig hon kan bi sren.”

YAKOBUS 1:17

Mun di kei kin mun di dia-diau nya hagom ntun Allah him bisrek kwei leu Noni. Noni pai tes nipigati nya hagom ei mpia-bbed him. Noni luei ningonti bibindei ba, nidinditi nggai kep tungwatu nya bi.

YUDAS 1:25

Nongkom ne Allah di teu nye leu sisar biyai niyaijo nijep binye tug hon ide Tuhan Yesus Kristus ri. Noni ne nibou ndig di kei-kau-kei rin ba, sindem bibor cem. Ninyeng tak kep mun nyeng hagom habiei leu nimbie him kikau kwei bipek ammani kep kikau buug hon nohonti bi! Igbit ri.

NINGAT-HI-NGAT NYA 1:11

Nihyet dima cuk da “Ma apas kep mun di angat dini hagom ei srat gomti leu api apinak bak mbusyamei ei minu ndig Efesus kin Smirna kin Pergamus kin Tiatira kin Sardis kin Filadelfia kin Laodikia.”

NINGAT-HI-NGAT NYA 1:4

He disut bat je di jingat rin ei mbusyamei ningat muhwindacan ei hanjop Asia e, dani ne Yohanes ri. Handei kon ba, Allah singat tut je biyai jingon jo nyahan. Nipigo jeti dini leu Allah di ningat rin annani cem ammani cem di mikwei hanyen yo cem kin ninnei muhwindacan di igya ei Allah de banggo mbrei Noho bei,

NINGAT-HI-NGAT NYA 1:8

Allah di Sindem Bibor pai “Dani ne nimbie him kin nohon keti rin lewo dingat rin annani kin ammani bidikwei hanyen yo.”