IBRANI 13:7 - ALLAH NIHYET MEM TUNGWATU NYA

⁷ Ma jiyok ngon kep jide nibou timiei nya di itri tut Allah nihyet bije. Ma jikan-kan nyen tut igyai munti nya kin imaisi bijiyai bram ide niba ningon com Allahti.

IBRANI 13:7 ပူးပေါင်းရင်းမြစ်များ

DIUN MIMUN 1:8

“Na di ubbu ngat ei sop nya ikieti e, nggon rima akan tut mpia dima bi i? Abit nimpung domba nya yoho hak ba, anggok abris nghousi mem yok dideu gembala nya ide prak meng yati nya.

MATIUS 24:45

“Tou rinok awak di ningon gom ba, ningon ki cem i? Gi hi dima ne no di niceu ndo nok nibou mem awak nindigsi nya leu binhyepo kwas njita tut yok dem igbit jam di noni preu ei su.

LUKAS 12:42

Yesus buhup “Tou rinok awak di ningon gom ba, ningon ki cem di niceu ndo noni nok nibou mem awak nindigsi nya leu binhyepo kwas njita tut yok igbit nok jam di noni preu ei su i?

LUKAS 5:1

Mpe di gom bu lene Yesus ya-ya nyen ei igpong Genesaret nintig dip lo, tungwatu nya iba yo dek yam bingwig ttai Noni leu binhyepo intu kep Allah nihyet.

LUKAS 8:11

“Nihyet nibiti nindati pima ningginausi pai binye bipia njita ngan dima ne Allah Nihyet ri.

KISAH 13:46

Noro Paulus kin Barnabas ibrim ingkek kep yok bibuhup “Suar nitri tut Allah nihyet bije nipou bibie ug e. Noro jenti jikos tut bipia jidem mem jiyai niyaijo nijep bi drek dip gi jikou sut nihyet dima. Gima rino nogindini nikes je ei leu ba, nitri tut nihyet bak ngkiai nya.

KISAH 14:23

Paulus kin Barnabas ita nibou mbusyamei nya bidem ig mbusyamei niyati hagom lene iba nadi kin niyem njita bi mem nituti poi bikes yok ei Allah di nibou dima yok ingon jo kep nindati.

KISAH 4:31

Tirigi ingat nadi bingwig leu lene ig di imbus yam eisi ugwa-kwei. Allah Ninnei srek kwei ei yahagom dip bisindem tut yok apino ibrim ingkek tut Allah nihyet kep tungwatu nya.

ROMA 10:17

Gima rino tungwatu nya iba ingon com Kristus ei mpe dino imiap nihyet lene imiap nihyet ei mpe dino hi tri tut Kristus biyok.

KORINTUS GI NIGOM 10:13

Mun nyeng hagom di bingon kep jingonti dima bingon kikep tungwatu nindigsi nya cem ingonti bikwop njap ngwa hagom. Noro bit bon Allah ngkwei hanyen leu Nide nipreu ei mem nyeti kan bi. Noni misindui sut Bilis bingon kikep jingonti dor njiriek leu jide nisindemti bi. Tirigi Bilis bingon je lene Allah mitin puig mem je leu binhyepo jingwes ngun tug hon nisindemti di Noni yai bije.

KORINTUS GI NIGOM 11:1

Ma jiyai bram diyaisi bit leu nok diyai bram Kristus niyaisi

KORINTUS GI NIGOM 4:16

Gima rino dibidip huk je leu binhyepo jibit leu bindo di dindo bije.

FILIPI 3:17

Disut bat jahagom! Ma jiyai bram diyai kepti nya. Nyeni nindo bindo di kei bibor bije tu. Gima rino ma jiyok jiyai kep yo di ibit bindo dima bijiyai bram igyai kepti nya.

TESALONIKA GI NIGOM 1:6

Jiyai bram nyeni niyaisi kin Tuhan cem niyaisi. Mbro nok gino tungwatu nya ihwen bit je lo, jiba jingon di llei biya um Nihyet Di Kei di nitri tut bije. Ningon di llei dima nibousi rino Allah Ninnei di pingok ei jingonti.

TESALONIKA GI NIGOM 2:13

Mun nyeng gom kin bu di bindei dino nijem sigyo bak Allah rinok gini. Tirigi nitri tut Nihyet Di Kei leu Allah bije lene jimiap ba, jice tut nihyet dima tereu nok mun di tibim leu tungwatu nya yuhui him bi noro nok mun di nijit-jau di kwei leu Allah Nonti. Noni yai midyai ei je di jingon jo kep Kristus jingonti.

TESALONIKA GI NICAN 3:7

Jikan tut mungkun bipia suar jibit leu bindo di nindo bije lewo tirigi ningat rin bit je lene nibong biei nda dip kep ig bi.

TESALONIKA GI NICAN 3:9

Mbro nok gino dem mem gima nibidip huk je tut niyemti lo, nibidip huk je tut bi. Niyai nok gima leu binhyepo nibindo bindo di kei bibor bije.

TIMOTIUS GI NIGOM 3:5

Leu gino noni nyohou bie tut nide ig bei nsi nya kan bi ne notou noni nyohou bie tut Allah de mbusyamei i?

IBRANI 13:17

Ma jibit jide nibou nya ide nicuk jeti nya ba, jibou cut biyok. Yoni inyohou jingonti bikwop mmun-njap lewo suar ibuhup hanyen bak Allah drek dip igyai munti nya. Gino jibit ighyet lene yoni miba ingon di llei biyai midyai nya. Gi bi lene iba ingon di buhun binyohou jingonti apino gima bindei bijiyai mun di kei nya hi bi.

IBRANI 13:24

Nipigo jide nibou nya kin Allah de limwa nya jahagom. Yo di inggre kin mbusyamei ei Italia cem ipigo je.

IBRANI 6:12

Nikou sut gima jibong biei nda dip kep ig he a. Ma jibon jenti nok yo di ingon jo kep Noni kin yo di yoom ingon leu binhyepo jiyai mun di Allah preu ei mem je.

PETRUS GI NIGOM 4:11

Ma no di tri tut nihyet tri tut Allah nihyet. Ma no di mpu hiter ba nisindemti leu Allah bimpu yok leu binhyepo jiyai munti nya hagom bindei ba, tungwatu nya ikon Allah ninyeng tug hon Yesus Kristus. Allah rino nyeng tut nikei-kau-keisi kin nisindemti kikau buug hon nohonti bi. Igbit ri.

NINGAT-HI-NGAT NYA 1:9

Dani ne Yohanes ba, dinok jisut no di Kresten ri. Dibicom yam bit je mem nijam di iba ibou coi mem ninghuisi wei di cut igkep Nide limwa nya di inok gom kin Kristus. Disima ei Mios Patmos drek dip gi ditri tut Allah nihyet di Yesus ba Nonti nihyet bibindei sindem bibor.

NINGAT-HI-NGAT NYA 20:4

Lo bi lene dingat banggo mbrei nya. Biditou kep bu lo, yo di tungwatu nya irop ibou leu drek dip gi itri tut Yesus nihyet di nijit kin Allah nihyet pima. Yo dini ikuk yok bak mindhe di niten-pos kin nide kwar bigyai mindhe de nitak bukti ei ingwak kin inda bi sren. Ikiju hanyen leu imai eisi bigwam ei banggo mbrei nya dip lewo Allah yai nisindemti biyok mem gima inyeng tak kep tungwatu nya. Inok nibou ndig nya di igwam kui Yesus mem ari bingwam sribu gom.

NINGAT-HI-NGAT NYA 6:9

Domba Pmot cug biei nggrai gi nimuhwi leu lene dingat yo di ingon gom di igyai nimai drek dip gi itri tut Allah nihyet innei a. Ba, dingat ninnei nya di ibicom yam ei nimbar hum ndok nikiou.