IBRANI 13:3 - ALLAH NIHYET MEM TUNGWATU NYA

³ Ma jiyok ngon kep yo di isima ei ig bui nsi tereu nok jisima bit yok. Ma jiyok ngon kep yo di igyai ninghuisi wei tereu nok jiyai ninghuisi wei bit yok.

IBRANI 13:3 ပူးပေါင်းရင်းမြစ်များ

NITRITI 40:23

Noro nibou mem ba anggur ngei yok ngon kep mun di Yusuf pai binoni bi. Ningon prion ser Yusuf bihigom.

MATIUS 25:36

Tirigino Ditde sinsun rik-ta lene jijuk jide sinsun ei Dati. Tirigino dinggwen lene jinyohou Da. Tirigino disima lene jikwei cem kep Da.’

MATIUS 25:43

Tirigino dinok ngkiai lene jicigit Da kui ig bi. Tirigino Ditde sinsun rik-ta lene jijuk jide sinsun ei Dati bi. Tirigino dinggum ba, disima cem lene jihwou mpu Da bi.’

KISAH 24:23

Lene noni cuk kompi gom leu binhyepo ya ser Paulus bisindui sut noni bimbut-mbut nyen. Bibon nituti mem Paulus nisut bat nya ikwei ngondut noni bit leu ijoi sutti.

KISAH 27:3

Njap di hyep bu lene nikwei krau minu ndig Sidon. Kompi Yulius ningon nggriu sut Paulus bisindui sut noni buug cem kep nisut bat nya di ibong ei minu ndig dima leu binhyepo ingondut noni bikwas mun di Paulus suar hi tut noni.

ROMA 12:15

Ma jiyai nillei bit yo di ingon llei nya ba, jingon ngguk bit yo di ingon ngguk nya.

KORINTUS GI NIGOM 12:26

Gino nimbumbati gom ninghuisi wei lene wei bitut nindigsi nya cem ba, yahagom inghuisi wei. Gino hi nggei sut nimbumbati gom lene bitut nindigsi nya cem bibindei hagom ingon llei bibor bit.

EFESUS 4:1

Gima rino ditigtai je bipia ma jiyaijo bit leu Allah ningon kanti mem Nide limwa di Noni dimig ei su nya. Ditigtai je nok lewo disima ei ig bui nsi drek dip gi dinok awak mem Tuhan.

KOLOSE 4:18

Diba dinda ceti bipas srat bokti dini Da di Paulus dipigo jahagom o! Ma jingon prion ser gi disima ei ig bui nsi yo dini au! Handei kon ba, Allah singat tut jahagom. Nipigo leu dani, Paulus

IBRANI 10:34

Jiyai ninghuisi wei noyam kin yo di isima ei ig bui nsi. Tirigi tungwatu ipos ndigban hagom leu je ne joom jingon bijingon nggan tut lewo jikan tut bipia mun di kei di bit bon pror yon hanyen kan bi no jo mem je.

IBRANI 11:37

Igyai nimai tug hon yo di iba tig bihwen yok kin yo di iba segigi bisra yok hacan kin yo di iba singau simeda bitot yok cem. Bihi ijuk domba kin kambir ninta bibong-bong wai ba, inok yo di indwau nya drek dip yo di isibut nya di igyai ninghuisi wei biyok bihwen bit yok cem.

PETRUS GI NIGOM 3:8

Nirop ninda ndigsi rinok gini. Ma jahagom jice tut yam hyet kin jingon kanti cem gom. Ma jingondut yam tereu nok yo di itig mbier tut yam. Ma jingon nggriu sut yam bijiba jibou coi mem yam cem.