IBRANI 13:20 - ALLAH NIHYET MEM TUNGWATU NYA

²⁰ Allah ne nibousi mem ningon jo nyahanti rin ba, Noni win Yesus hanyen leu nimai eisi bikon Noni nok Gembala Di Kei Bibor mem Nide domba nya tug hon ninggrom di tak buk kep Nide nipreu eisi habiei ei nimbie him bijo kikau buug hon nohonti bi.

IBRANI 13:20 ပူးပေါင်းရင်းမြစ်များ

SAMUEL GI NICAN 23:5

Tug hon nisinati dima ne Allah minjei mun di kei bak ditde nintun him di bram yamti lewo Noni preu ei mem da tut gima bijo ninno bijo kikau tu. Noni nyohou yai mun nyeng hagom leu api miluei ningonti tut nipreu ei mem dati dima bi. Gino Allah bindei ba, dingon kanti dima mipek kep mem ditde nintun him di bram yamti lene midingon cut hon Nide nipreu ei mem dati.

NIBOHON MBEN ISRAEL GI NIGOM 16:17

leu api ngot kep nipreu eisi dima ninghig-niker bit Yakub binok gi preu di jo kikau mem mben Israel.

NIBOHON MBEN ISRAEL GI NICAN 30:12

Nok gima cem Allah pingok ei timiei Yehuda nya ingonti bibindei ba, yahagom ingon gom tut gi ibit Allah ningon kanti mungkun kei tug hon gi ibit nibou ndig kin yo di igya kui noni icuk yokti dima.

MAZMUR 23:1

Doia Daud. tuhan ne ditde gembala ninyohou kep mun cig ri. Disuar mun nyeng hi kin bu bi.

MAZMUR 80:1

Doia Asaf mem no di bie tut doia nimpung bit leu nihyet nibikiek Mitou Bakung.

NEHEI LEUSI 24:8

Lene Musa ug yai bokor pima tut mindhe ninggrom nite hi di joti bibiprok mben Israel yahagom bipai biyok “Mindhe ninggrom dini tak buk kep gi preu di tuhan kin jeni jipreu ei biyam tug hon Nide nicuk jeti pima yok ri.”

YESAYA 40:11

Noni minyohou Nide domba nya dem kep nok no di gembala bibie tut yok. Noni mikon domba mien nya bibong ei ninda kroisi lene ba ningon di nggriu-nggrop bijem niwek di ibep nya.

YESAYA 55:3

Ditde limwa jen, ma jintu kep dihyet bijikwei bit Da leu api midiyai niyaijo nijit bije. Midipreu ei mem je bidiyai ningon ngakeisi kin ningon gomti bijo ninno bijo kikau bije bit leu nok dipreu ei mem Daudti.

YESAYA 61:8

tuhan pai “Dingat dingwes ei yo di ingon sren-srauti lo, dingon mpo tut yo di isibut nya kin yo di ico kep hiter nya. Midiba dingon di gom biyai amuhup bina bidiba nipreu di jo ninno bijo kikau bipreu ei mem na.

YESAYA 63:11

Mpe dima lene igyok ngon kep nijam timiei Musa po tuhan de awak pima leu api ihig yam ser “tuhan po bie tut Nide limwa nya ide nibou nya di imbut ei muk nikieti pima no ritou i? tuhan po kes ninnei ei Musa dip pima no ritou i?

YEREMIA 32:40

Nipreu eisi di dipreu ei bit yok mijo kikau. Midikes hon ninjei mun di kei bak yoni bi. Dibindei ba, iba ingon titut bittin tut Dani ba, ibou cut biDa cem. Diyai gima leu binhyepo iba inghim bak Dani bu bi sren.

YEHEZKIEL 34:23

Midita nibou ndig gom di noyam kin Ditde awak di Daud ba, noni ne ide gembala gom ngat di hek tut yok ba, joi bibor ri.

YEHEZKIEL 37:24

Nibou ndig di noyam kin Ditde awak di Daud ninyeng mitak kep yok. Yahagom mibicom yam nok gom leu api nibou ndig dima ninyeng mitak kep yok. Ingon gom tut diggai serti bibit hagom nok gi kei cem.

YEHEZKIEL 37:26

Midipreu ei mem yok leu binhyepo ibong kei igwam kei bijo ninno bijo kikau. Midinjei mun di kei bak yoni lene midibindei ba, idigek kep mpia. Midiwin Ditde Ig ei ikieti bijo ninno bijo kikau.

ZAKHARIA 9:11

tuhan pai bak Nide limwa nya, “Nipou ne dipreu ei mem je leu api jiba mindhe di jibam ei nimbar hum dokti ninggrom bitak buk ser nipreu eisi dima. Gima rino midiba nipreu eisi bikwek je leu jingkiaisi di noyam kin jui di inggam tungwatu nya eisi di minyei pingge leu.

MATIUS 26:28

Lewo gini ne dinggrom di tak buk ser Allah de gi preu nijep rin ba, dinggrom di siber kos ser tungwatu nya imang bibor ide sisar.

MARKUS 14:24

Gima ngwig lene Noni pai biyok “Gini ne dinggrom di tak buk ser Allah de gi preu nijep rin ba, dinggrom di siber mem tungwatu nya imang bibor ri.

LUKAS 22:20

Nok gima cem tirigi igyem roti bidem leu su lene Noni yai gi mokti bipai biyok “Gi mokti dini ne Allah de gi preu nijep di Noni ba dinggrom bitak buk ser kin dinggrom di kiber ei mem je ri.

YOHANES 10:11

Dani ne gembala di ningon gom tut domba nya rin ba, ditin ei bidikes Dinnei ei mem domba nya.

YOHANES 10:14

Dani ne gembala di ningon gom tut domba nya rin ba, dingat igbit Ditde domba nya. Nok gima cem Ditde domba nya ingat igbit Da.

KISAH 13:30

Noro Allah win Yesus hanyen leu nimai eisi.

KISAH 17:31

Lewo Noni kos tut bitto bou dima Noni ba ningon di sren-srau bibirop hanyen bak tungwatu dihyeisi dini yahagom tug hon tungwagom di Noni dimig ei dima. Noni ndo bindo bak tungwatu yahagom tirigi Noni win no dima leu nimai eisi.”

KISAH 2:24

Noro Allah win Noni hanyen leu yo di imai su nya ikieti bikwek Noni leu nimai di ninyeng tak kep Noni lewo bit bon nimai kat Noni kikau kan bi.

KISAH 2:32

Nahagom ningat bou niyai him bipia Allah win Yesus gom ndia hanyen leu nimai nya ikieti,

KISAH 3:15

Jibindei ba, No di nok nibousi mem niyaijo nijep dima yai nimai. Noro Allah kon Noni hanyen leu nimai eisi. Ningat nikiju hanyenti bou nyeni niyai him tu.

KISAH 4:10

Suar je di nibou nya jahagom kin mben Israel yahagom jiyok ngon kep bipia nogindini no di nimig lit ya bibie joho bei bikei hanyen tug hon Yesus leu minu ndig Nazaret De nisindemti. Apo jipek Yesus kin biei salib noro Allah win Noni hanyen leu nimai eisi tu.

KISAH 5:30

Lewo ide pung di intun him nya ide Allah win Yesus di jiba paku bipek kin biei salib hanyen leu nimai eisi tu.

ROMA 1:4

noro tut ninnei di kwes-kwau kei ne jo nibreisi Noni Allah Nipmot ri. Allah ba nisindemti di mindur bindo tut gini tirigi Noni kon Yesus leu nimai eisi.

ROMA 10:7

He ‘ma jihig jingon tut no di mijuk ug ei minu nimai nya ide (leu binhyepo win Kristus hanyen leu nimai eisi) au.’

ROMA 15:33

Handei kon ba, Allah di bindei ba, tungwatu nya ibong kei igwam kei ningat rin bit jahagom. Igbit ri.

ROMA 16:20

Jei bi lene Allah di bindei ba, jibong kei jigwam kei mico kep Bilis binem-nnai ei bijehei jimig jou tug hon nisindemti di Noni yai bije. Handei kon ba, ide Tuhan Yesus Kristus mikum ei nisingat tut jeti!

ROMA 8:11

Gino Allah Ninnei di kon Yesus hanyen leu nimai eisi ningat rin ei jingonti ne Allah gom ngat dima mikon jingut di mipror yon hanyen tug hon Allah Ninnei di ningat rin ei jingonti.

KORINTUS GI NIGOM 14:33

Lewo Allah joi sut yo di inyohou dimig mun di bitut mbusyamei sindam. Noro joi sut yo di ibon mun di bitut mbusyamei ariwace bi. Bit leu nok Allah de mbusyamei hagom igyai kepti ne,

KORINTUS GI NIGOM 15:15

Gima he bi lewo ningat ne niris mun ei Allah dip lewo nitri tut bipia Allah win Kristus hanyen leu nimai eisi tu. Noro gino Noni win Kristus hanyen leu nimai eisi bi lene Noni miwin nimai nya cem hanyen leu imai eisi bi!

KORINTUS GI NIGOM 6:14

Allah win Tuhan Yesus hanyen leu nimai eisi tu. Ba, Noni miwin nyeni cem hanyen leu imai eisi tug hon Nide nisindemti.

KORINTUS GI NICAN 13:11

He disut bat jen, gini ne srat ningwigsi ri. Ma jingon llei bibor bijita jibou ei ningon kwes-kwauti. Ma jibit ditde nipingok jeti nya cem jingon kwes kin yam cem jingon jo nyahan mem yam cem. Allah di nok nibousi mem ningon ngakei yamti kin ningon jo nyahanti ningat rin bit je.

KORINTUS GI NICAN 4:14

Ningon ngkiem tut bipia Allah di win Yesus hanyen leu nimai eisi miwin nyeni cem hanyen noyam kin Yesus leu api mibuwak nyeni bitut jeni cem yahagom ug ei Yesus Noho bei.

GALATIA 1:1

Srat dini leu da di Paulus. Diyai dinyeng no di ya kui Yesus tug hon gino tungwatu nya igya hacan mem da bita da nok no di ya kui Yesus bi. Noro tug hon Yesus Kristus kin Nicig Allah di win Noni hanyen leu nimai eisi.

EFESUS 1:20

di biwin Kristus hanyen leu nimai eisi leu api kes Noni bigwam kui Allah ninda com ei gwamti.

FILIPI 4:9

Ma jibindei mbut ningginausi kin nipingokti di jiyai leu da tug hon dihyet kin diyai munti nya. Allah di nok nibousi mem ningon jo nyahanti migwam bit je.

KOLOSE 2:12

Lewo mpe di itur je ei minyeti lene jibicom yam bit Kristus tereu nok nitig je ei jui nsi bit Kristusti leu api jiba nitur je dima biyai nikiju hanyen leu nimai eisi bit Kristus lewo jiba jingon com Allah di ba Nide nisindemti biwin Kristus hanyen leu nimai eisi.

TESALONIKA GI NIGOM 1:10

jimem kep ser Nipmot nikwei hanyenti leu gwamti. Lewo Allah win Nipmot Yesus hanyen leu nimai eisi tu ba, Noni miteu nye leu hukum di mikwei drek dip Allah nigga biborti.

TESALONIKA GI NIGOM 5:23

Handei kon ba, Allah di bindei ba, ibong kei igwam kei yai jingon kwes-kwau. Handei kon ba, Noni nyohou jenti njem bitut jinnei kin jingon kin jingut leu binhyepo mun di kinei hi rap je bi ei mpe dino ide Tuhan Yesus Kristus kwei hanyen.

TESALONIKA GI NICAN 3:16

Handei kon ba, Tuhan Nonti di nok nibousi mem ide ningon di jo nyahanti yai jingon jo nyahan bitut mun nyeng hagom bikwop njap-njap. Handei kon ba, Tuhan ningat rin bit jahagom.

IBRANI 10:22

Gima rino jikwei ba, iba ingon di gom kin ingon di nddong kin ingon di kwes-kwau di mui bu bi kin nikek minyei di pimbai keiti bison dideu Allah.

IBRANI 10:29

Gi nok ne notou mem no di co kep Munggwom Tungwatu Nipmot i? Notou mem no di bimangkrei ninggrom di tug hon Allah de gi preu nijep di piap noni leu sisar i? Notou mem no di nihyet wer mpiahi tut Allah Ninnei di singat tut nye i? Ayo! No dima mitug ndei hukum nindig bibor dor njiriek bu.

IBRANI 9:20

Leu api pai biyok “Ninggrom dini tak buk kep Allah de nipreu ei mem jeti. Suar jibit hagom.”

PETRUS GI NIGOM 1:21

Noni ribindei dino jiba jingon com Allah di win Noni hanyen leu nimai eisi biyai nikei-kau-keisi biNoni. Gima rino jiba jingon com Allah bijiyok jingon mem mun di Noni preu ei mem je.

PETRUS GI NIGOM 2:25

Nipou ne jinok domba di israwir nya. Noro tini bu ne Allah buwak je hanyen kwei leu binhyepo jibit No Di Gembala di nyohou jingonti.

PETRUS GI NIGOM 5:4

Ba, mpe dino Gembala Di Ninyeng Jei ttau hanyen kwei lene Noni mikes munkwas di kei-kau di bit bon pimber hanyen kan bi ei jibou nggram him dip.