IBRANI 13:15 - ALLAH NIHYET MEM TUNGWATU NYA

¹⁵ Gima rino ma inggei sut Allah tereu nok midut nibikos ser sisarti tug hon Yesus. Iba midut dima binggei sut Allah tirigi ipai jit bipia Noni ne ide Tuhan ri.

IBRANI 13:15 ပူးပေါင်းရင်းမြစ်များ

NIBOHON MBEN ISRAEL GI NICAN 29:31

Gima leu lene Hizkia pai biyok “Jahagom jidimig jenti pijum ei mem tuhan tu. Gima rino suar jittei kep mun di mem nibon midut nindig ei nimbar hum dokti kwei ei tuhan De Ig dini leu binhyepo jibipai sigyo bak Noni.” Leu api yo di idem yam ei su yahagom ittei mun di ikwas tut tuhan kwei. Nok gima cem bihi ijem ide mindhe-ndhe mikuisi hak bit leu ingon joi sutti kwei mem gima ikwas ba, ibibon midut nindig mindhe-ndhe titut ei humti bak tuhan.

NIBOHON MBEN ISRAEL GI NICAN 33:16

Leu api Manasye nyohou kinding nimbar hum dok mem gima ibikuk yok bak tuhan hanyen. Noni bindei ba, iba mindhe-ndhe di indig ei nimbar hum dokti dima bibon midut nibiyai ningon kwes kin tuhanti kin midut njita nibipai sigyo bak Noniti cem. Manasye bidip huk timiei Yehuda nya yahagom leu binhyepo ikuk yok bak tuhan Allah Israel.

NIBOHON MBEN ISRAEL GI NICAN 7:6

Imam nya igya igyati ei mpia di indo mem yok ba, iba yoho rok Lewi nya di iba mun nyeng hi gom hi gom po Nibou Ndig Daud bon bou ninda him pima bikon tuhan ninyeng ba, ipai doia “tuhan ningon ngakei tungwatu nyati jo kikau buug hon nohonti bi sren.” Doia dima bit leu Daud nipingokti. Limwa nya yahagom igya igyati lene imam nya yuhui jo kep pun mbrei bimiep.

EZRA 3:11

Iba doia binggei sut tuhan bipai, “tuhan kei-kau ba, ningon ngakei mben Israelti bijo ninno bijo kikau.” Tungwatu nya yahagom imbos-hi-mbos sindem bibor binggei sut tuhan lewo tukan nya ikinyon ei midyai niwin tuhan De Ig nikiouti hanyen tu.

NEHEMIA 12:40

Leu api nimpung nipai doia cin dima yuum yam bikwei krau tuhan De Ig him. Ter leu nibou di ibicom yam bit ditde nimpung pima yok,

NEHEMIA 12:43

Njap dima ne ibui mindhe-ndhe ngot bindig ei nimbar hum dokti bak tuhan. Limwa nya igyai nillei lewo Allah bindei ba, ingon nggei-hi-nggei su. Sop nya kin munggwom nya cem ibit yok tut pesta dima lene ighyet di ibigyai nillei dima tibim ug ei minu ting bijo ninno.

MAZMUR 118:19

Jikau dimbou pmem ei tuhan De Ig leu da leu binhyepo dicoi bidipai sigyo bak Noni.

MAZMUR 119:108

Allah e, ma ace tut ditde nadi nipai sigyo binati ba, angginau da tut Ade niggai serti nya.

MAZMUR 18:49

lene teu da bidingwes ngun leu ditde siceu di iba nitok bida nya. tuhan e, asindem tut da leu binhyepo dibindei timek ditde siceu nya ba, anyohou da leu yo di imbuk tut tungwatu nya nindig bibor cem.

MAZMUR 50:14

Ma jibon midut nibipai sigyo bak Allah ba, jiyai bipek kep mun di jipreu ei bak No Di Ninyeng Jei.

MAZMUR 50:23

Yo di ibon midut nibipai sigyo biDa yongkom ibikon dinyenga. Midindo Ditde puig di bie ndam niteu leu biningwes ngunti bak yo di ibit dihyet.”

YESAYA 57:19

Midibindei yo di yahagom bitut yo di ibong dideu kin yo di ibong ting cem mibong nyahan. Midibindei ba, Ditde limwa nya ikei hanyen.

YEREMIA 33:11

Noro nihyet niyai nilleisi kin ningon di nggei-hi-nggeisi kin nihyet nibon pesta niwak yamti mitibim hanyen kwei leu mpia dini yo. Doia di tibim leu yo di ibon midut nibipai sigyo ei Ditde Ig yuhui him cem mitibim yo. Yoni mipai, “Ma jipai sigyo bak tuhan Di Sindem Bibor lewo Noni singat kei ba, ningon ngakeisi jo ninno bijo mimpui.” Midibindei ba, nibong kei nigwam keisi kieng kep minu dini noyam kin gi nipou pima. Da di tuhan disimbot dat tu.”

YEREMIA 33:18

Imam di intun Lewi him nya rimigyai midyai mem Dani ba, ibon midut nibiyai nikos ser sisarti kin midut njita nibipai sigyo bak Allahti kin midut nindig mindhe titut kep humti cem bijo kikau.”

HOSEA 14:2

Je di mben Israel e, ma jingkwei hanyen ndam tuhan di nok jide Allah. Jide sisar bindei ba, jicut tu.

IMAM NYA IDE MIDYAI 7:12

Gino tungwagom mipai sigyo hanyen tug hon nibon midut dini lene ma noni jem mindhe ningut gom bitut roti di roti ninjep srigsi bi kwei. Roti dima ne roti nindak di mini zaitun srigsi kin roti di dile di noni ba mini zaitun bibijos nidip kin roti nyop di mini zaitun srigsi cem.

MATIUS 11:25

Mpe dima lene Yesus pai “Arig e, Nani ne Tuhan mem mpia-bbed him kin dihyeisi dini! Dipai sigyo biNa lewo aku mun dini yok hagom bijo nding leu yo di ingon ki kin yo di ingon tek bibor nya yahagom igyai him leu api ambot kep tut hagom bak yo di ingon ki bi nya.

LUKAS 10:21

Mpe dima lene Yesus ningon llei bibor tug hon Allah Ninnei bipai “Arig e, Nani ne Tuhan mem mpia-bbed him kin dihyeisi dini! Dipai sigyo biNa lewo aku mun dini yok hagom bijo nding leu yo di ingon ki kin yo di ingon tek bibor nya igyai him noro ambot kep tut hagom bak yo di ingon mbum nya. Arig e, ajoi sut nipek kepti dima.

YOHANES 10:9

Dani ne dimbou hui ri. Bikwop no di coi kak Da miyai niteu leu sisar kin niyaijo nijepti. Noni hei-hei nyen biyem njita nok gi dem.

YOHANES 14:6

Yesus buhup “Dani ne puig mem nibikan tut Allah nijit-jausi kin nibiyai niyaijo nijepti ri. Bit bon no di tug hon Da bi ug ei Dicig nidim cem kan bi.

ROMA 12:1

He disut bat jen, Allah singat tut nye nindig bibor. Gima rino dibidip huk je leu binhyepo jikes jenti njem ei mem Allah noyam kin mun di imam nya ikes ei nimbar hum dokti. Ma jidimig jenti njem ei mem Nide midyai nya leu api Noni mijoi sut je. Suar jiba nisinati dima bikuk je biNoni mungkun kei.

ROMA 6:19

Jingon dorti haigtu bigyo. Gima rino diba dihyet nitu bimbrap bit je. Nipou ne jikes jenti njem ei nok awak mem mun di jingut pri kep kin mun di kinei ba, jingon kanti nya hagom kinei bibor. Noro tini bu ne ma jikes jenti njem ei nok awak mem Allah ningon kanti leu binhyepo jingon gom tut Allah nikos tutti nya mem jeni.

EFESUS 2:18

Nye di mben Yahudi kin ngkiai nya yahagom iba Allah Ninnei gom ndia biya ei Noho bei tug hon Kristus di ya hacan mem nye.

KOLOSE 1:12

bijipai sigyo bak Icig Allah cem. Lewo Icig rino bindei ba, jidem mem jiyai mun di Noni bet ei mem Nide limwa di icoi bit Allah Ninyeng Tak Kepti di ntun nipigati him.

IBRANI 12:28

Gima rino ma ipai sigyo bak Allah lewo Noni bindei ba, iba nyekep ninyeng tak kepti di bit bon ugwa-kwei kan bi. Ma inggei sut bittin tut Noni bipai sigyo biNoni tug hon nisinati di bindei ba, joi sut nye.

IBRANI 7:25

Gima rino Noni sindem mem gima teu tungwatu nya di ikwei kuk yok bak Allah tug hon Noni leu ide sisar biyai niyaijo nijep biyok bijo ninno-bijo kikau lewo Noni niyaijo kikau biya hacan mem yok ei Allah Noho bei.

PETRUS GI NIGOM 2:5

Jinok tig di Allah bindei ba, niyaijo. Gima rino ma jisindui sut Allah ba je di jinok tig bingot Nide Ig di bit bon tungwatu nya ingat bou igyai him kan bi. Jinok imam di igyaijo mem Allah Nongkom ei Ig dimati ba, jibon midut di Noni joi sut ei nimbar hum dokti tug hon Yesus Kristus.

PETRUS GI NIGOM 4:11

Ma no di tri tut nihyet tri tut Allah nihyet. Ma no di mpu hiter ba nisindemti leu Allah bimpu yok leu binhyepo jiyai munti nya hagom bindei ba, tungwatu nya ikon Allah ninyeng tug hon Yesus Kristus. Allah rino nyeng tut nikei-kau-keisi kin nisindemti kikau buug hon nohonti bi. Igbit ri.