IBRANI 13:12 - ALLAH NIHYET MEM TUNGWATU NYA

¹² Gima rino Yesus cem ug mai ei minu ndig nisai ma kwei leu binhyepo ba ninggrom bipiap Nide limwa nya leu ide sisar.

IBRANI 13:12 ပူးပေါင်းရင်းမြစ်များ

IMAM NYA IDE MIDYAI 24:23

Lene tirigi Musa tri tut nihyet dima bak mben Israel leu su lene yoni ibuwak no di sigion Allah pima ug ei prak meng yati nisai leu api iba tig bihwen noni bimai. Tug hon nisinati dima lene mben Israel ibit tuhan nicuk Musati tu.

MBEN ISRAEL IMBUT-MBUT NYEN 15:36

Lene limwa yahagom ikri no dima ninda ug ei prak meng yati nisai leu api iba tig bihwen noni kikau bimai bit leu tuhan nicuk yokti.”

LUKAS 4:29

Yahagom ikiju ba, ijji Yesus leu ide minu ndig bikri Noni ug ei pimbien bou di jo dideu ide minu ndig dima bipi binjei Noni tut niyaisi ug ei pimbien behei.

YOHANES 17:19

Didimig Danti ei mem Na leu binhyepo yoni cem idimig yonti ei mem Na tug hon Ade nijit-jausi. Diyaisi dima bon ninyeng mem yok.

YOHANES 19:34

Noro tentara gom ba nide micim bidat Yesus nikimbu dip leu api ninggrom kin minyei biam leu nikimbu bokti.

KISAH 7:58

binjei noni ug ei minu ndig Yerusalem nisai leu api iba tig bihwen noni. Yo di ibindei mbut mun di pek kep dima ijuk ide sinsun ndok di jei leu lene ikes bak pinjoi pilei di ninyeng Saulus.

KORINTUS GI NIGOM 6:11

Nipou ne jibou poi jibon mun tunggwei nok gima. Noro tini bu ne Tuhan Yesus Kristus kin nisindemti di kwei leu ide Allah Ninnei bindei ba, jiyai nipiap leu sisarti ba, Allah dimig je ei mem Nonti leu api jiyai ningon di kwes kin Allah hanyen tu.

EFESUS 5:26

Noni kes niyaisi ei leu binhyepo ba Nihyet Di Kei kin ningginausi bibindei pwoi mbusyamei tug hon nitur yok ei minyeiti leu binhyepo bikes mbusyamei dima bak Allah,

IBRANI 10:10

Yesus Kristus yai midyai bit leu Allah ningon kanti mem Noni. Gima rino igyai nipiap leu sisarti tug hon Nide midyai nikos ser sisarti mbigom ngat he bijo ninno bijo kikau.

IBRANI 10:29

Gi nok ne notou mem no di co kep Munggwom Tungwatu Nipmot i? Notou mem no di bimangkrei ninggrom di tug hon Allah de gi preu nijep di piap noni leu sisar i? Notou mem no di nihyet wer mpiahi tut Allah Ninnei di singat tut nye i? Ayo! No dima mitug ndei hukum nindig bibor dor njiriek bu.

IBRANI 2:11

Yesus piap tungwatu nya leu ide sisar leu binhyepo ingon kwes kin Noni. No di piap yok kin yo di igyai ingon di kwes nya yahagom ibon Icig gom ngat. Gima rino Yesus mmai sut gi jem yok nikinjoi bat nya bi.

YOSUA 7:24

Lene Yosua ya tut limwa Israel yahagom bikat Akhan lene ikri noni ug ei Mbang Briep Nuum Ningon Buhun bitut nimunggwom bat nya yahagom kin nide sapi nya kin keledai nya kin domba nya kin nide prak meng titut yam kin mun di nyeng tut nya hagom kin mitiei perak kin sinsun ndok di jei kin mas di nggimang pima.

NINGAT-HI-NGAT NYA 14:20

Bak di ikimut ba anggur ngat eisi dima jo ei minu ndig dima nisai. Ba anggur ngei dima dem kep nggrom bibiam sindem bibor kikau ug ei minu ting bibor bidem kilometer sratus ningai lene nijutti dem meter gom biniken.