IBRANI 12:7 - ALLAH NIHYET MEM TUNGWATU NYA

⁷ Ma jiba jibou coi mem Allah nimbas jeti tereu nok jicig di ttem je. Jikan tut mot di nicig ttem noni bi sren hi e?

IBRANI 12:7 ပူးပေါင်းရင်းမြစ်များ

SAMUEL GI NICAN 7:14

Midibon Danti bidinok nicig lene noni minok dipmot. Gino noni bit dihyet bi lene midibui noni drek dip bit leu nok no di pinai bui nipmot.

NIBOU NDIG NYA GI NIGOM 1:6

Noni mpig bou kep nonti ningon kanti noro nicig Daud ningon buhun tut noni tut nide mun di yai tunggwei nya bi sren. Noni ubbu ngat ba, ya luei Absalom di Daud nipmot mighumbou di mai su pima nohoti cem.

NIPINGOK NINGONTI 13:24

Gino attem amunggwom drek dip nitunggweisi bi lene gima tereu nok angon ngakei noni bi. No di ningon ngakei nimunggwom mittem noni drek dip nitunggweisi nya.

NIPINGOK NINGONTI 19:18

Ma apingok kep amunggwom ningonti tirigi nituti ngwig bigyo. Gi bi ne gima bindo bipia ajoi sut amunggwom nisarti ri.

NIPINGOK NINGONTI 22:15

Munggwom nya ibon kep mun ningon mbum de ngan-ngan bijo. Noro iba biap tindak bingginau yok bibijji igyai kepti leu yok.

NIPINGOK NINGONTI 29:15

Nisok kepti kin nipingok kep ningonti hacem kei bibor mem munggwom nya. Munggwom tou rino ba noho rok nonti ningon kanti nya he mibindei ba, nipmem mmai sut noni.

NIPINGOK NINGONTI 29:17

Ma attem amunggwom leu api noni mibindei ba, angon nggan-triot kei ba, biwin kep angonti cem.

KISAH 14:22

Yoni ibiwin kep yo di ingon jo kep nya ingonti ei minu ndig dima yok leu binhyepo igya ngkiem ba, iba ingon com Yesus kikau. Yoni ingginau timiei nya ei minu ndig dima yok bit leu nok Yesus nipaisi “Mun di buhun mang bibor cut igkep nye di ikak puig di bie ug ei Allah Ninyeng Tak Kepti.”

KORINTUS GI NIGOM 11:32

Noro Allah mbus nyeni ingonti bittem nye ser nhyema Noni kes hukum ei nyeni dip bit leu nok gi Noni mikes ei tungwatu dihyeisi dini dip mem nijam ningwig honti bi.

NINDAT KEP TUHAN NICUKTI NYA 8:5

Ma jiyok ngon kep bipia tuhan di nok jide Allah sok kep je ba, ttem je bit leu nok no di pinai ubon nimunggwom bat nyati.

SAMUEL GI NIGOM 2:29

Nggon rino jidrui bou ngwak tut mikwau tirigi jingat mindhe-ndhe nya di dicuk Ditde limwa nya ibui mem nibon midut nindig titut ei nimbar hum dokti i? Eli e, nggon rino asindui sut apmot bat cin tut ingon kanti lene angkek ndok tut Danti dingon kanti i? Lewo asindui sut yoni idigo mikwau ninghui ninggriet di kei bibor kei hagom mem yonti igyem tirigi Ditde limwa nya ibon midut nindig ide mindhe-ndhe nya ei nimbar hum dokti bit leu nok dicuk yokti tu.

SAMUEL GI NIGOM 2:34

Apmot bat cin di Hofni kin Pinehas yahacem mitug ndei nimai noyam mem njap gom ngat ba, gima ne bindo tut bipia dihyet dini hagom ne nijit ri.

SAMUEL GI NIGOM 3:13

Dindo brei binoni tu bipia midikes hukum ei yok dip bijo ninno bijo kikau drek dip nipmot bat cin di ighyet wer mpiahi tut Da. Igyai munti di kinei dima jo nibreisi mem Eli tu noro noni ggai ser yok tut bi.