IBRANI 12:6 - ALLAH NIHYET MEM TUNGWATU NYA

⁶ Lewo Tuhan ttem bikwop no di Noni ningon ngakei. Noni mbas bikwop yo di Noni sindui sut di inok nipmot bat nya.”

IBRANI 12:6 ပူးပေါင်းရင်းမြစ်များ

SAMUEL GI NICAN 7:14

Midibon Danti bidinok nicig lene noni minok dipmot. Gino noni bit dihyet bi lene midibui noni drek dip bit leu nok no di pinai bui nipmot.

MAZMUR 119:71

Ade nittem dati kei bibor ba, bindei bidikan tut Ade nimbrap tutti nya.

MAZMUR 119:75

tuhan e, dikan tut bipia Ade nikos tutti sren-srau kei. Attem da drek dip angon di gom.

MAZMUR 94:12

tuhan e, yo di angginau yok tut Ade niggai serti nya ingon llei bibor.

NIPINGOK NINGONTI 13:24

Gino attem amunggwom drek dip nitunggweisi bi lene gima tereu nok angon ngakei noni bi. No di ningon ngakei nimunggwom mittem noni drek dip nitunggweisi nya.

NIPINGOK NINGONTI 3:11

Dimunggwom na e, gino tuhan ttem na lene ma aom angon tut lewo Noni biwin kep angonti. Ma angon pus tut Noni drek dip nipingok nati nya au.

NIPINGOK NINGONTI 3:12

tuhan ttem nimunggwom bat di ningon ngakei yok nya noyam kin andigpoi di ttem nimunggwom di ningon ngakei.

YESAYA 27:9

Noro gino mben Israel itam kwar di ikuk yok bak nya ide nimbar hum dok nya bindung-diem lene Noni mikos ser ide sisar. Suar ma ibindei timek ide nimbar di indig biei nggrai di ui-gwang kei eisi nya kin kwar di bindo tut Kwar Sop Asyera hagom ningwig a.

YEREMIA 10:24

tuhan e, ambas nye lo, ma ambas nye bibor biniyai nidut bibor au. Ma akes hukum ei nye dip ei mpe dino agga bibor au. Lewo nyeni nahagom minisar biningwig ug ri.

NIBWOS-BWOS NYENTI 3:39

Gino tuhan kes hukum ei tungwagom dip drek dip nide sisar lene nggon rima no dima nso-nso nyen tut i?

NINDAT KEP TUHAN NICUKTI NYA 8:5

Ma jiyok ngon kep bipia tuhan di nok jide Allah sok kep je ba, ttem je bit leu nok no di pinai ubon nimunggwom bat nyati.

YAKOBUS 1:12

Tungwa tou rino ningon nddong mpe dino mun di buhun cut igkep noni ne no dima ningon nggei-hi-nggei. Lewo niabiati noni ba ningon di cut leu bi buug bipek nipekti leu api noni miyai niyaijo nijep di jo kikau di Allah preu ei mem yo di ingon ngakei Noni.

YAKOBUS 5:11

Ipai sut yok bipia ingon nggei-hi-nggei lewo ingon jo nyahan tut yo di ihwen bit yok. Jikan tut Ayub di ningon jo nyahan leu api Allah njei mun di kei bak noni drek dip ug e. Lewo Allah ngondut nye nindig bibor bisingat tut nye di tungwatu.

NINGAT-HI-NGAT NYA 3:19

Disok kep yo di dingon ngakei yok ngkiem ba, dittem yok cem. Gima rino suar jibrim jingkek bijittin ser jide sisar lene jikiek ndam Allah.

SRAT RUT 1:3

Elimelekh mai leu nitnem. Apino nitnem kin nipmot bat cin ibong biyongkom.