IBRANI 12:3 - ALLAH NIHYET MEM TUNGWATU NYA

³ Ma jibisrip tut Yesus di yai ninghuisi wei bibor leu tungwatu nya di imbuk tut Noni bibor ug e. Leu binhyepo jingon nghen leu bicut leu au.

IBRANI 12:3 ပူးပေါင်းရင်းမြစ်များ

NIPINGOK NINGONTI 24:10

Gino mun di buhun bibor cut igkep na biyai angon bicut leu lene jo nibreisi bipia adem mem mun nyeng hi bi.

YESAYA 50:4

tuhan Di Ninyeng Jei Bibor ngginau da lene bindei ba, diji ngkiem leu binhyepo dihyet mibiwin kep yo di inghuisi wei nya ingonti. Noni bindei ba, dingon bisau sut Nide nipingok dati nya bikwop njap bigyoti.

MATIUS 11:19

Tirigi Munggwom Tungwatu Nipmot tau kwei lene Noni yem njita bidut ba anggur ngei cem noro tungwatu nya isrep bipai bu ‘Jingat i! Ninghop bou ba, dut ba anggur ngei nindig bibor lene hig nisut bit yo di igya tindei belasten bigyem jimuhup kin yo di ibon sisar nindigsi nya isut cem.’ Mbro nok gima lo, Allah ndo bindo tut ningon kiti tug hon Nide midyai.”

MATIUS 12:24

Tirigi Farisi nya imiap nihig ser yamti dima lene isrep “Beelzebul di nibou ndig mem ninnei rom nya ya Yesus ningonti bisindem tut Noni leu binhyepo jji ninnei rom nya.”

MATIUS 15:2

“Nggon rino yo di igya kui Na ibit idigup bat-idigai bat nya ide ningginausi bi i? Leu nipou tirigi igyem njita bigyo ne ipiap inda bit leu ningginausi nidimig sutti bi!”

MATIUS 21:23

Tirigi Yesus kwei krau Tuhan De Ig hanyen ba, tri tut nihyet lene imam nindig nya kin nibou mben Yahudi nya ikwei hig ser Noni “Mindur di abon pima tug hon tou ninyeng i? Tou risindem tut Na i?”

MATIUS 21:46

Gima rino ipi bikat Noni noro ittin tut tungwatu ningot ndig dima di ikan bipia Yesus ne nabi ri.

MATIUS 22:15

Jei bi lene Farisi nya yuug hum yam nsi leu binhyepo inggok puig di kei mem iba Yesus nihyet bisrou Nonti.

LUKAS 14:1

Ei Njap Nigwam Kep Ninghuisi gom lene Yesus ug yem njita bit nibou Farisi gom lene tungwatu nya itou kep Noni nggilun.

LUKAS 15:2

Noro Farisi nya kin guru Puig Yahudi nicukti nya sindi inso tut bipai “Mei! No dima ya um yo di ikinei-kinau nya biyem njita bit yok!”

LUKAS 16:14

Tirigi Farisi nya imiap Yesus ningginausi lene ipa ndip Noni lewo iba yoho rok mitiei nindig bibor.

LUKAS 2:34

Simeon ngat nadi tindei mun di kei mem yok leu api pai bak ningwoi-ngwoi nipmem Maria bipai “Allah dimig munggwom dini leu binhyepo Noni mibindei sar mben Israel imang bibor lene mibindei ba, imang bibor igyai niteu leu sisarti bigyai niyaijo nijep. Noni minok bindo di kwei leu Allah leu api tungwatu nya imang bibor misrep tut Noni

LUKAS 5:21

Guru puig timiei kin Farisi nya sindi isimbot kep biyam bipai “No di nihyet wer mpiahi tut Allah dini tou rin i? Lewo Allah Nongkom sindem mem gima kos ser sisar a.”

YOHANES 10:20

Imang bibor ighyet kui yam bisrep “Nung kui Noni! Mirei bon Noni! Jingig jitingou mem nihyet tut nggon i?”

YOHANES 18:22

Tirigi Yesus pai nok rino tungwagom leu yo di igya ser dima ttem nijap bimbrua kep Noni “Nggon rino abrim angkek bibor dino abuhup Imam Nibou Ndig nok gima i?”

YOHANES 5:16

Hon kep njap dima kui lene yoni ihwen bit Yesus drek dip gi bindei no di nggwen bikei hanyen mem Njap Nigwam Kep Ninghuisi.

YOHANES 7:12

Tungwatu ningot ndig di induk yam kwei imang bibor yahamui nyahan biyam tut Yesus. Bihi ipai “No dima kei bibor.” Noro bihi isrep “Noni bindei srawir tungwatu nya imang bibor.”

YOHANES 8:13

Noro Farisi nya ibuhup “Aba ahyet dima bimbrap gau Nanti. Gima rino ahyet dima ndo bindo di nijit binye bi.”

YOHANES 8:52

Lene ibuhup bak Yesus “Nogindini jo nibreisi mem nye bipia nung kui Na! Abraham mai leu su ba, nabi nya cem imai leu su noro atri tut bipia no di bit ahyet mai bu bi sren.

YOHANES 8:59

Gipai nok rino mben Yahudi iteu tig mem gima ibihwen Noni. Noro Noni ku No nyahan bimbut leu Tuhan De Ig.

YOHANES 9:40

Farisi nya ibou poi di igya ei mpia dima imiap Yesus nipaisi leu api ihig ser Noni “Apaisi dima ndo bipia nyeni cem niyai tu e?”

KORINTUS GI NIGOM 15:58

Gima rino disut bat di dingon kieti jen e, ma jiyai nisindemti kin ningon nddongti. Ma jita jibou ei Allah de midyaiti lewo jikan tut bipia midyai di jiyai mem Tuhan nya hagom mikui-kausi bi sren.

KORINTUS GI NICAN 4:1

Niyai kep midyai dini tug hon Allah nisingat tut nyeti lene ningon cut leu bi.

KORINTUS GI NICAN 4:16

Gima rino ingon cut leu bi sren. Mbro nok gino ingut nggek sindam bikwop njap lo, ingonti di bitut innei kum ei nide nisindemti sindam bu bikwop njap.

GALATIA 6:9

Gima rino ma ingon cut leu ide niyai munti di kei bibor nya au. Leu gino ingon cut leu bi lene mpe di gom mingat ningat leu igyai munti dima yo.

NINDAT KEP TUHAN NICUKTI NYA 20:3

‘Disut bat mben Israel jen, ma jintu kep dihyet dini! Njap di ammani jinjei bijikon pran ug ri. Ma jittin tut jide siceu nya ba, jingon digit cem jingon tai-tai bou cem au.

TESALONIKA GI NICAN 3:13

Disut bat jen, ma jinda kes leu jiyai munti di kei nya au.

IBRANI 12:2

Ma, itou kep Yesus nggilun. Noni ta niba ningon comti habiei ei ingonti binyohou nye kikau ug bipek nohonti. Ningon cut leu Nide midyai drek dip biei salib bimmai sut nimai ei biei salibti bi. Lewo Noni yok ningon mem gima yai ningon llei biborti ei nidipti bu. Nogindini Noni gwam kui Allah ninda com binok nibou ndig bit Noni.

IBRANI 12:5

Jingon prion ser Allah nihyet di biwin kep jingonti tu e? Nihyet dima pingok je di jinok nipmot bat nya “He dipmot na e, ma ayok ngon kep mun di Allah sok kep na. Mpe dino Noni sok kep na lene ma angon nghen leu au.

IBRANI 3:1

Disut bat je di Kresten di Allah hig je tu nya. Ma jibisrip tut Yesus di Allah cuk kwei nok Imam Nibou Ndig mem niba ningon comti di nyeni itri tut ug e.

PETRUS GI NIGOM 2:23

Tirigi ikucang Noni ne buhup bikucang yok hanyen bi sren. Tirigi ihwen bit Noni ne cug yok bi lene ba nihwen bit yokti birop hanyen bi sren. Noro kes munhyet dima ei Allah di nok Nikei di ningon sren-srau nindati.

NINGAT-HI-NGAT NYA 2:3

Joom jingon bijiyai ninghuisi wei drek dip Da lo, jingon cut leu bi.

SAMUEL GI NIGOM 12:24

Ma jibit Allah nihyet lene ma jiba jingon gom kin jingon titut yam bikuk je bak Noni. Ma jiyok ngon kep mun di mindur di Noni bibon mem je nipou su nya.