IBRANI 12:29 - ALLAH NIHYET MEM TUNGWATU NYA

²⁹ Lewo ide Allah dem kep hum di cig-cai di bindei timek mun nyeng hagom.

IBRANI 12:29 ပူးပေါင်းရင်းမြစ်များ

SAMUEL GI NICAN 22:9

Hum mmup brou kwei leu nuhwap nsi ba, hum njeng kin hum mbom cig-cai kwei leu ninsi a.

MAZMUR 50:3

Ide Allah kwei noro su No nyahan bi. Hum di ninjeng srei kin sigau di nimig ten bibor yon ttai bibie Noho.

MAZMUR 97:3

Hum ninjeng srei mpiati ei Noho bei biyem siceu di igyon ttai Noni.

NEHEI LEUSI 15:7

Acok tut Ade siceu nya yahagom tug hon Ade nikei-kau-keisi tu. Angon di sibui sut yok dem kep nok hum di sror ba, yem yahagom dem kep nok hum yem gandum nintam.

NEHEI LEUSI 24:17

Mben Israel ingat nipigati dima nok hum di yem mbigdip.

YESAYA 33:14

Mben Sion di ibon sisar nya inghuisi mpig sut ba, ittin bibor. Ipai “Allah nikos tutti nya noyam kin hum di cig-cai bijo ninno bijo kikau. Bit bon ingwes ngun leu hum di cig-cai nok gima kan bi.”

YESAYA 66:15

Ningat ne tuhan mikwei sut hum a. Noni mikui Nide kroba pran di dem kep hou di nimig ten bibor lene bindei hei nigga biborti bikon nihyet kep yok bibor.

YEREMIA 25:37

Noni ba nigga biborti bibindei sar je di timiei Yehuda nya. Noni bindei timek minu jide di mpung tut yo di ibong kei igwam kei dima tu.

YEHEZKIEL 38:19

Midiba Ditde nigga biborti bisimbot dat bipia hammi njap dima tau rino ngkit di buhun bibor micut igkep minu Israel.

DANIEL 7:9

Tirigi diyai bong kep ningat-hi-ngat dima lene dingat banggo mbrei poi di sindi ikwei prion ei. Leu api No di niyaijo bijo ninno bijo kikau kwei gwam ei banggo mbrei gom dip. Noni juk sinsun di tiei kei ba, nibou nta dem kep nok bungguma. Banggo mbrei dima bon nimig nok kroba nimig ba, hagom piga kei noyam kin hum di srei nidweb a.

MBEN ISRAEL IMBUT-MBUT NYEN 11:1

Lene mben Israel sindi inso-nso nyen bak tuhan tut mun di buhun tak yok. Tirigi Noni miap gi inso-nso nyen nok lene Noni wok yok nindig bibor bikes hum di yem yok ei yok dip. Hum dima sindi yem yok bitut ide prak meng nya ndam ide prak meng yati ninghas him gom.

MBEN ISRAEL IMBUT-MBUT NYEN 16:35

Leu api tuhan kes hum di sror biyem ibou sratus can ningot muhwi po iba srier di indig kep biei nggrai di ui-gwang kei eisi bikuk yok bak tuhan pima yahagom bingkiong bingwig hak.

KORINTUS GI NICAN 5:11

Nyeni ningon dorti tut nittin tut Tuhanti. Gima rino nibrim ningkek kep tungwatu nya leu binhyepo ikan tut bipia ningon gom. Allah kan tut mun di jo ei nyeni ningon bei. Lene diyok dingon mem gima jeni cem jikan tut da bit leu Allah nikan tut dati.

NINDAT KEP TUHAN NICUKTI NYA 4:24

Lewo tuhan di nok jide Allah dem kep nok hum di cig-cai ba, Noni kou sut mun di jikuk je bak nya.

NINDAT KEP TUHAN NICUKTI NYA 9:3

Noro mijingat bou jiyai him bipia tuhan di nok jide Allah miya bibie joho njap di ammani ba, Noni minok hum di cig-cai. Noni mihwen yok bingwig sindam tirigi jikieng kep ide minu. Apino mijijji yok ba, mijihwen yok bingwig haninyai bit leu nok Noni preu ei mem je tu.

TESALONIKA GI NICAN 1:7

bindei jeni kin nyeni di igyai inghuisi di wei ingon nggan-triot hanyen. Mun dini mipek kep mem nye mpe dino Tuhan Yesus kin Nide malaikati di isindem bibor nya mittau hanyen kwei leu gwamti.

TESALONIKA GI NICAN 1:8

Ba, Noni mittau kwei sut hum njeng di cig-cai leu binhyepo bikes hukum ei yo di irok Allah kin yo di ingkek ndok tut Nihyet Di Kei tut ide Tuhan Yesus dip.

IBRANI 10:27

Gi jo mem nyeni rino hukum di mikwei leu Allah tirigi ningon sibui sut yo di isrep tut Noni apino Nide hum miyem yok bingwig!

IBRANI 10:31

Ayo! Notou mem no di cut ei Allah Di Niyaiajo nindati i?

PETRUS GI NICAN 3:7

Noro Noni ba nicukti dima bibet mpia-bbed him kin dihyeisi dini ei mem hum di miyem bitimek bingwig ei njap ningwig honti. Mpe dima lene Noni mikes hukum ei yo di isibut nya dip ba, bindei sar yok bingwig hak ug.