IBRANI 12:27 - ALLAH NIHYET MEM TUNGWATU NYA

²⁷ Srat bokti di pai “mbigom kin bu” ndo binye bipia Allah nipai testi nya mugwa-kwei leu api son leu nijoti leu binhyepo mun di bit bon ugwa-kwei kan bi nya jo nijoti.

IBRANI 12:27 ပူးပေါင်းရင်းမြစ်များ

YESAYA 34:4

Mpia njap kin bed mmun kin ham mpia-bbed him nya hagom mitimek ningwig a. Mpia-bbed him mikijum bidem srat meng di ikijum pimo. Ham nya micut leu mpia-bbed him bidem kep biei meng nya di llet leu biei ninda-nda nya.

YESAYA 54:10

Mbro nok gino mbigdip nya kin nungug tou nya ugwa-kwei bitti bingwig lo, midingon ngakei na bidingon kwes kin na bit leu nok dipreu ei mem nati bijo ninno bijo kikau.” Nihyet dima tibim kwei leu tuhan di ningon ngakei na nuhui him.

YESAYA 65:17

tuhan pai “Midipai tes dihyeisi kin mpia-bbed him di nijep bu leu api mun di pek kep mem tungwatu nya nipou su hagom mipror hanyen bipren leu ibou ngwakti.

YESAYA 66:22

Jide nintun him di bram yam nya kin jide keret ninyeng mijo bingkiem-kiau kikau noyam kin mpia-bbed him di nijep kin dihyei di nijep di jo ngkiem-kiau tug hon Ditde nisindemti.

YEHEZKIEL 21:27

Midibindei timek minu ndig dini bibor. Apino miwer ig kum kroi tirima-tirima. Noro mun dima micut igkep yok bi bibou no di dimbus ei mem gima dibikes hukum ei minu ndig dini dip tau kwei ug e.”

HAGAI 2:21

mem gima noni tri tut hanyen bak Nibou Zerubabel. tuhan pai “Jei bi ne midibindei ba, mpia-bbed him kin dihyeisi dini ugwa-kwei rin,

MATIUS 24:35

Mpia-bbed him kin dihyeisi dini misar noro Da dihyet misar bi sren.”

ROMA 8:19

Allah nipai testi hagom ingon wis him nituti tirigi Noni ndo nimunggwom bat nya ei nibreisi.

ROMA 8:21

nidipti bu tirigi Noni mikwek nipai testi hagom leu nisindemti di bindei hagom pror yon apino nipai testi mipriet kin niyati kwesti kin nikei-kau-keisi bit Allah nimunggwom bat nya.

KORINTUS GI NIGOM 7:31

Ma yo di ibou ngwak sibui sut mun di mipror yon inyohou dimig igyaijoti tereu nok yo di ibou ngwak sibui eisi bi. Lewo jei bi ne dihyeisi dini bitut mun di joti nya ug hon nohonti ri!

IBRANI 1:10

Allah pai bu “Tuhan e, Nani apai tes dihyeisi dini ei nimbie him ba, abon mpia-bbed him bou anda him.

IBRANI 13:14

Lewo nyeni iwin minu ndig di jo kikau ei dihyeisi dini bi. Noro igyok ingon mem minu ndig di mittau kwei ei nidipti bu.

IBRANI 9:11

Noro tini bu ne Kristus kwei su. Noni ne Imam Nibou Ndig di bindei ba, ningon kwes kin Noti ttau su. Noni coi ug ei prak meng behei di bon ninyeng ba, kei-kau. Tungwatu nya ibon prak meng dima bou inda him bintun Allah nipai testi ei dihyeisi dini bi.

NINGAT-HI-NGAT NYA 11:15

Tirigi malaikati gi nimuhwindacan miep nide pun mbrei lene nihyet di nindig bibor nya kui yam ei gwamti bipai “Nogindini ide Allah kin Nide Nibou Ndig di teu tungwatu nya biyai niyaijo biyok dima igyai nisindemti ba, inyeng tak kep dihyeisi dini hagom kikau buug hon nohonti bi o!”

NINGAT-HI-NGAT NYA 21:1

Gima ngwig leu lene dingat mpia-bbed him di nijep kin dihyei di nijep bu. Mpia-bbed him nitimiei kin dihyei nitimiei hacem pror bitut muk ngeisi cem ba, hagom sar bihigom.

NINGAT-HI-NGAT NYA 21:4

Noni midip tut igyai nggwei hagom bingwig leu yok. Imai cem ingon ngguk cem ipim cem inghuisi wei cem bu bi. Mun di nitimiei nya hagom pror leu su.”

NINGAT-HI-NGAT NYA 21:5

Lene No di gwam banggo mbrei dip pai “Nogindini dipai tes mun di hagom nok nijep-jau bu!” Lene noni cuk da bipai “Apas kep mun dini yok lewo nihyet dini igbit ba, suar ma tungwatu nya ingon jo kep hagom.”