IBRANI 12:25 - ALLAH NIHYET MEM TUNGWATU NYA

²⁵ Gima rino ma jisok kep jenti ser nhyema jingkek ndok tut No di mbrap au. Yo di ingkek ndok tut No di tri tut Allah nihyet ei dihyeisi ingwes ngun bi. Gino ingkek ndok tut No di mbrap kwei leu gwamti ne notou ingwes ngun i?

IBRANI 12:25 ပူးပေါင်းရင်းမြစ်များ

NIBOU NDIG NYA GI NIGOM 12:16

Tirigi Rehabeam de limwa nya imiap tut bipia noni buhup ighyet bit leu ingon kanti bi lene iba ighyet nindig bibor hara “Nikou sut Daud kin yo di intun noni him o! Ingondut nye nipou kikau kwei bipek ammani kep bi sren o! Je di mben Israel e, jikwei ba, imbut ri o! Nnaba Rehabeam mibiang niyai munti nibuhunti hak ug o!” Gima rino mben Israel ingkwei hanyen ug ei itimieisi.

NIBOHON MBEN ISRAEL GI NICAN 7:19

Noro gino aya tut ade limwa nya ba, jico tunggwei Ditde niggai serti kin nicukti nya ba, jikuk je bak nung nya,

NEHEI LEUSI 16:29

Ma je di mben Israel jiyok ngon kep bipia Da di tuhan dindo njap gom mem gima jigwam kep jinghuisi. Gima rino midiyai njita bije nok gi dem mem njap nitindur can ei njap gi nimuhwindagom. Suar jahagom jigwam hak ei jide prak meng yati hak mem njap gi nimuhwindacan ba, juug ei nisai au.”

NEHEI LEUSI 20:22

Lene tuhan sok nihyet bak Musa leu binhyepo noni tri tut bak mben Israel bipai “Jahagom jingat bou jiyai him bipia Da di tuhan dimbrap hwou bije leu gwamti tu.

NIPINGOK NINGONTI 1:24

Dihig je ninno tu lo, jikou sut da bijingkek ndok tut dihyet.

NIPINGOK NINGONTI 1:32

Yo di ingkek ndok nya mitug ndei nimai drek dip gi ikou sut da. Yo di ingon mbum cem mitug ndei nimai drek dip gi ingig itingou mem dihyet bi.

NIPINGOK NINGONTI 13:18

No di ningon mpo tut ningginausi ne no di ningon mbum rin ba, tungwatu nya ingwes pri gau noni cem. Tungwatu nya minggei sut no di miap kep nisok kep noti.

NIPINGOK NINGONTI 15:32

No di kou sut nipingok ningonti bimangkrei nonti niyaisi. No di joi sut nisok kep noti ne bikum ei ningon kiti.

NIPINGOK NINGONTI 8:33

Ma jimiap kep ningginausi nya leu binhyepo jibiyai ningon kiti. Ma jingkek ndok tut au.

YESAYA 48:6

Nisinati di ditri tut bipia mipek kep mem je pima hagom pek kep tu. Suar ma jipai hak ei juhui him bipia mun di dipai pima ne igbit ri. Nogindini dipai sut mun di nijep bije ba, gima ne mimun di jikan tut bigyo ri.

YESAYA 64:9

Gima rino ma angon sibui sut nye nindig bibor ba, ayok ngon kep nyende sisar kikau au. Noro ma ayok ngon kep bipia nyeni ne Ade limwa nya ri.

YEREMIA 11:10

Ibon kep sisar di idigup bat-idigai bat nya ibon kep. Sisar di idigup bat-idigai bat nya ibon kep dima rino igibit dihyet bi ba, ikuk yok bak nung di ngkiai nya ikuk yok bak nya. Igyai mun bibicim tindei Ditde nicuk yokti cem bi. Israel kin Yehuda yahacem injiriek Ditde gi preu di dipreu ei mem idigup bat-idigai bat nya tu.

YEHEZKIEL 5:6

Noro minu ndig Yerusalem rok Ditde nicukti ei su apino jo nibreisi bipia minu ndig dima kinei bibor dor njiriek ngkiai nya. Minu ndig dima gibit dihyet bi bidor njiriek minu ngkiai nya di jo ttai nya hagom. Minu ndig Yerusalem yai mun tunggwei dicukti nya bikou sut gi bit Ditde niggai serti nya.”

ZAKHARIA 7:11

Noro Ditde limwa nya ingkek ndok ba, idat kep itingou ser leu ba, igimiap dihyet bi.

MBEN ISRAEL IMBUT-MBUT NYEN 32:15

Gino jikiek je bijiba jinghim bak tuhan lene Noni misindui sut limwa dini yahagom ei iggum ndigsi bijo ninno hanyen bu apino mijibiang isar hanyenti nibuhunti!”

MATIUS 17:5

Tirigi Petrus kes nihyet bigyo rino bumbuhui ttou di piga kei gom juk kwei binggai yok. Leu api nihyet gom tibim kwei leu bumbuhui dima bitri tut “No dini ne Dipmot di dingon ngakei rin ba, dijoi sut Noni. Ma jimiap kep Noni nihyet!”

MATIUS 8:4

Lene Yesus cuon ser noni “Amiap e, ma aug mbot kep tut mun di pek kep mem na dima bak nindigsi nya au. Noro aug ndo nanti bak imam leu binhyepo bimian ser angkek dip. Leu api abon midut bit leu nok Musa nicuk nyeti nok bindo bak tungwatu yahagom bipia akei hanyen tu.”

KISAH 7:35

Musa dini ripo mben Israel irok ei itta tirigi isrep tut noni ‘Tou rino ndo nani nok nibou kin nikei mem nye dino abakei nyeti i?’ Noro noni ne no di Allah pinak kwei nok nibou kin no di teu yok bingwes ngun tug hon malaikati di ttau kep noni ei hum njeng di piga biei mon nok hum sror pima nide nisindemti ri.

NINDAT KEP TUHAN NICUKTI NYA 18:19

Noni mitri tut nihyet biyok tug hon dinyeng leu api gino tungwa hi kou sut nabi pima nihyet lene midikes hukum ei no dima dip.

NINDAT KEP TUHAN NICUKTI NYA 30:17

Ne gino jibit nihyet bi ba, jisem tut Noni bijisindui sut ngkiai nya ide nung nya bijikuk je bak bit yok cem,

NINDAT KEP TUHAN NICUKTI NYA 4:36

Noni sindui sut je bijimiap nihyet di tibim kwei leu mpia-bbed him leu binhyepo bingginau je. Noni sindui sut je bijingat Nide hum njeng di mindur ei dihyeisi dini leu api Noni tri tut nihyet bije leu hum dima.

TESALONIKA GI NIGOM 5:15

Ma hi ba nimbuk birop hanyen bak no di yai mun tunggwei sut noni au. Noro ma jita jibou ei gi jiba jingon di kwes birop hanyen biyam ba, birop hanyen bak tungwatu nya yahagom cem.

2 TIMOTIUS GI NICAN 4:4

Apino itingou ndok ser nihyet di nijit lo, itingou dile mem mumpui hyet he.

IBRANI 1:1

Nipou yo ne Allah ba nisinati di ter leu yam bitri tut ningon kanti bak idigup-idigai bat nya mbirimang bibor tug hon nabi nya.

IBRANI 11:7

Niba ningon comti bindei ba, Nuh ngig nitingou mem mun di Allah sok kep noni tut mun di mipek kep ei nidipti bu di bit bon noni ngat bou niyai him kan bi. Noni bit Allah nihyet ba, bibon kibar di bindei ba, noni kin nide bat nya yahagom ingwes ngun leu minyei di su. Apino tungwatu dihyeisi dini hagom itug ndei hukum noro Allah pai sut Nuh bipia ningon sren lewo ba ningon com Allah.

IBRANI 12:19

kin pun mbrei di tibim kin Allah nihyet nibimbiti ri. Tirigi imiap Allah nihyet dima rino idigit tut ba, yahara ser leu binhyepo tibim kwei ei itingou nsi bu bi.

IBRANI 3:12

Disut bat jen, ma jisok kep jenti ser nhyema jigom ningon rom ba, ningkek ndokti bindei mbres nonti ei minu ting leu Allah di Niyaijo au.

IBRANI 3:17

Lene Allah ningon sibui sut tou nya mem ari bingwam ningot bitai i? Ningon sibui sut yo di ibon sisar leu api imai bingwig ei iggum ndigsi drek dip nya.

IBRANI 8:5

Imam Yahudi igyai munti nya ndo bindo tut mun di jo ei gwamti. Allah sok kep Musa tirigi noni tin ei mem hok Allah De Prak Meng bipai binoni “Amiap e, suar abibon hagom bit leu nok bindo di dindo bina ei mbigdip dini.”

YOSUA 22:15

Tirigi yoni yuug krau keret Ruben kin Gad kin Manasye nite hi di ibong ei Gilead idim,

YOSUA 22:16

lene ipai biyok gau tuhan de limwa di mben Israel inyeng “Nggon rino jibon mun di kinei tut Allah Israel dini i? Jikiek ba, jaham jimbuk kep tuhan tug hon nimbar hum dok di jiwin dima tu. Ba, jibit nicuk jeti nya bu bi su.

PETRUS GI NIGOM 1:22

Jibit Nihyet Di Kei nicuk jeti tu. Gima rino Allah kos ser jide sisar bijingon kwes tu. Jiba ningon di gom bingon ngakei jisut bat yo di ingon jo kep nya. Ma jiba jingon titut yam bikum ei jide ningon ngakei yamti.

NINGAT-HI-NGAT NYA 19:10

Leu api doom da ei malaikati noho bei ba, dipi bidikuk da bak noro noni srep “Ayai nok au! Akuk na bida au! Noro ma akuk na bak Allah Nongkom! Dani ne awak rin noyam kin nani kin asut bat di ikrau kep nihyet di nijit di Yesus mbot kep tut.” Lewo nihyet di nijit di Yesus mbot kep tut sindem tut yo di itri tut Allah ningon kanti nya.

NINGAT-HI-NGAT NYA 22:9

Noro noni srep “Ayai nok au! Akuk na bida au! Ma akuk na bak Allah Nongkom! Dani ne awak rin noyam kin nani kin asut bat nabi nya kin yo di yahagom di ikrau kep nihyet di jo ei srat diniti.”