IBRANI 12:24 - ALLAH NIHYET MEM TUNGWATU NYA

²⁴ Jikwei ya hon Yesus di nyohou dimig gi preu nijep. Ninggrom di silipti biei salib preu ei mem nye tut mun di kei bibor dor njiriek mun di Habel ninggrom ndo tut.

IBRANI 12:24 ပူးပေါင်းရင်းမြစ်များ

NITRITI 4:10

Lene tuhan hig ser noni bu “Abon mun di kinei bibor dini tut nggon i? Akinjoi ninggrom no hara Da leu dihyeisi mo jug dem kep nok nihyet di hara mem nibirop hanyen bina.

NEHEI LEUSI 24:8

Lene Musa ug yai bokor pima tut mindhe ninggrom nite hi di joti bibiprok mben Israel yahagom bipai biyok “Mindhe ninggrom dini tak buk kep gi preu di tuhan kin jeni jipreu ei biyam tug hon Nide nicuk jeti pima yok ri.”

YESAYA 55:3

Ditde limwa jen, ma jintu kep dihyet bijikwei bit Da leu api midiyai niyaijo nijit bije. Midipreu ei mem je bidiyai ningon ngakeisi kin ningon gomti bijo ninno bijo kikau bije bit leu nok dipreu ei mem Daudti.

IMAM NYA IDE MIDYAI 1:5

Lene ma noni bui sapi dima ei dimbou hui ei Prak Meng niyati leu api imam nya di intun Harun him migyai ninggrom bak tuhan leu api ibiprok nimbar hum dok di jo hammi dimbou hui ei Prak Meng niyati dima nitta bitaisi.

MATIUS 23:35

Gima hagom nok apino mijitug ndei hukum drek dip yo di ingon ngun nya di tungwatu nya ikimukep yok yahagom ei nimbie him tirigi ikimukep Habel di ningon ngun kikau kwei bipek nijam di je di mben Yahudi jikimukep Zakharia di Berekhya nipmot ei Allah De Ninsi Di Kwes kin nimbar hum dok nikieti.

MATIUS 26:28

Lewo gini ne dinggrom di tak buk ser Allah de gi preu nijep rin ba, dinggrom di siber kos ser tungwatu nya imang bibor ide sisar.

MARKUS 14:24

Gima ngwig lene Noni pai biyok “Gini ne dinggrom di tak buk ser Allah de gi preu nijep rin ba, dinggrom di siber mem tungwatu nya imang bibor ri.

LUKAS 11:51

leu mpe di po ikimukep Habel kikau kwei bipek mpe dino ikimukep Zakharia ei nimbar hum dok kin Allah De Ninsi Di Kwes ikieti. Ma jiyok ngon kep bipia tungwatu nya ei nijam dini mitug ndei hukum drek dip yo dima yahagom imaisi.

LUKAS 22:20

Nok gima cem tirigi igyem roti bidem leu su lene Noni yai gi mokti bipai biyok “Gi mokti dini ne Allah de gi preu nijep di Noni ba dinggrom bitak buk ser kin dinggrom di kiber ei mem je ri.

GALATIA 3:20

Ba, gino ibou can itte tut yam lene isuar tungwagom di ya hacan bibakei yokti. Noro Allah suar tungwagom di ya hacan mem Noni bi. Nongkom yai nibou tut hak.

TIMOTIUS GI NIGOM 2:5

Lewo Allah gom ngat he ba, tungwa gom ngat ya hacan mem Noni kin tungwatu nya. No dima ne Kristus Yesus,

IBRANI 10:22

Gima rino jikwei ba, iba ingon di gom kin ingon di nddong kin ingon di kwes-kwau di mui bu bi kin nikek minyei di pimbai keiti bison dideu Allah.

IBRANI 11:28

Nide niba ningon comti bindei ba, noni dimig Njap Ndig Paskah lene cuk nide limwa nya bipia iba domba ninggrom bihwen dimbou hui ser leu binhyepo Malaikati di sindem mem gima hwen tungwatu nya yai nimai bak ipmot bat mighumbou nya bi.

IBRANI 11:4

Niba ningon comti bindei ba, Habel kwas mindhe bibui sut ninggrom bak Allah lene niyaisi dima kei bibor dor njiriek mun di Kain kwas bak Noni. Allah joi sut Habel di ningon sren drek dip munkwas di bindei ba, Allah joi sut noni. Mbro nok gino Habel mai su lo, ninghapti tibim kikau kwei bipek ammani kep tug hon nide niba ningon comti.

IBRANI 13:20

Allah ne nibousi mem ningon jo nyahanti rin ba, Noni win Yesus hanyen leu nimai eisi bikon Noni nok Gembala Di Kei Bibor mem Nide domba nya tug hon ninggrom di tak buk kep Nide nipreu eisi habiei ei nimbie him bijo kikau buug hon nohonti bi.

IBRANI 7:22

Neheng dima bindei Yesus nok imam gi titer. Noni ngot nimig mem nye ei gi preu nijepti di kei bibor dor njiriek bu.

IBRANI 8:13

Tirigi Allah pai sut gi preu nijep lene nipaisi dima bindei ba, Noni cut gi preu nitimiei bibindei ba, sindem bu bi ba, nggun cem. Lewo jei bi lene mun di sindem bi ba, nggun dima mipror ri.

IBRANI 8:6

Noro tini bu ne Yesus yai midyai imam di bon ninyeng dor njiriek imam pima yok ide midyai nya bit leu nok gi preu nijep di Yesus mbus ei mem Allah kin tungwatu nya bon ninyeng dor njiriek gi preu nitimiei lewo com nigau ei nipreu ei mem nyeti di kei bibor di dor njiriek bu.

IBRANI 8:8

Noro Allah um Nide limwa nya itunggweisi apino pai “Jimiap e, ei nidipti bu ne dibibon gi preu nijep mem Ditde limwa mben Israel kin Yehuda nya.

IBRANI 9:15

Gima rino Kristus bon Nonti nok No di ya hacan mem gi preu nijep leu binhyepo yo di Allah dimig yok ei nya igyai Nide munkwas di jo kikau di Noni preu ei mem nye tu. Mun dini yok hagom tug hon tungwagom nimaisi. No dima ne Kristus ri. Nimai ei biei salibti kwek tungwatu nya leu sisar di ibon nya tirigi gi preu nitimiei ninyeng tak kep yok.

IBRANI 9:19

Nimbigom ne Musa tri tut niggai serti nya hagom bak mben Israel. Leu api noni yai sapi nehen pap kin kambir nikre inggrom di srig minyeiti lene ba bika hisop kin domba ninta ngwoi bigimahap srat di niggai serti joti ningat kin mben Israel yahagom.

IBRANI 9:21

Leu api Musa ba ninggrom midut dima bigimahap Tuhan De Prak Meng bitut mun di joti nya hagom.

PETRUS GI NIGOM 1:2

Icig Allah dimig je ei bit leu nikos tutti leu binhyepo jinok Nide limwa di ingon kwes nya tug hon Allah Ninnei ba, jibit Yesus Kristus nihyet cem bijiyai ningon kwes kin Noniti tug hon nimai ei biei salibti. Handei kon ba, Allah singat tut je bibor ba, biyai jingon di jo nyahan kei bikum eisi bu.