IBRANI 12:23 - ALLAH NIHYET MEM TUNGWATU NYA

²³ Jikwei ya hon Allah nimunggwom mighumbou nya di iba ingon di llei bibor binduk yam kwei ba, inyeng tibim kin Allah de daptar ei gwamti. Jikwei ya hon Allah ba, Noni ne nikei di mbus tungwatu nya yahagom ingonti ri. Ba, jikwei ya hon tungwatu di ingon sren di imai su di Allah bindei bikei-kau.

IBRANI 12:23 ပူးပေါင်းရင်းမြစ်များ

NITRITI 18:25

Dem mem gima acok tut yo di ingon ngun kin yo di ingon mui yahagom srig yamti bi. Gima igbit bi! Bit bon ayai nok gima bi! Gino ayai nok lene yo di ingon ngun nya mitug ndei hukum noyam kin yo di ingon mui nya lene gini dem tut bi. Suar no di nok nikei mem mpia-bbed him kin dihyeisi dini ba ningon sren biyai nibou tut.”

MAZMUR 111:1

Ma jinggei sut tuhan! Midiba dingon titut bipai sigyo bak tuhan ei Nide limwa di idem yam ei ig mbusyamei gom nya ikieti.

MAZMUR 69:28

Allah e, ma akwop kep ide sisar nimangti hagom ei Ade daptarti. Ma adip tut inyeng leu daptar di tibim tut yo ingon ngun inyenga.

MAZMUR 89:27

Noni mipai biDa ‘Nani ne ditde Allah kin Dicig kin No di diya coi kin No di teu da bidingwes ngun ri.’

MAZMUR 89:7

tuhan e, hiter noyam kin Nani ei mpia-bbed him bi. Ade awak di apai tes nya ei gwamti hi dem kep nok Nani bi.

MAZMUR 94:2

Na di Nikei mem tungwatu dihyeisi dini hagom e, akiju ba, akes hukum ei yo di ingon jei nya dip sur yam kin ide nibon munti nya.

MAZMUR 96:13

ei mpe dino tuhan juk kwei leu binhyepo gwam nok Nibou Ndig ei dihyeisi dini. Ninyeng mitak kep tungwatu dihyeisi dini nok nibou di ningon sren-srau ba, ningon gom cem.

MAZMUR 98:9

Lewo tuhan kwei bigwam nok nikei di ba ningon sren-srausi kin nisingatti bimbus ngkiai nya ingonti.

NEHEI LEUSI 13:2

“Ma adimig munggwom pinai mighumbou nya yahagom ei mem Da lewo dinyeng tak kep mben Israel ide munggwom pinai mighumbou nya kin ide mindhe-ndhe nipmot bou nya yahagom.”

NEHEI LEUSI 32:32

Ma aom angon tut yok ba, akos ser ide sisar. Gi bi lene adip tut dinyeng leu Ade daptar di apas kep Ade limwa nya inyeng eisi hak ug.”

NEHEI LEUSI 4:22

Lene asok kep noni bipia Da di tuhan disimbot dat bipia Israel ne dimunggwom mighumbou ri.

NIBA NINGON SRIP HUKTI 12:7

Nye di tungwatu ingut ngkwei hanyen binok dihyei ndung ei dihyei jou bit nimbie him leu api innei ngkwei hanyen ndam Allah di hi ninnei ei insi a.

YEREMIA 31:9

Igyai nggwei kibor kak puig sinon. Midiwin kep ingonti ba, dibuwak yok kwei cem. Midibie tut yok ug ei mpia di bon minyei nggram nya mang bibor bimbut kak puig di sur yam kei di ikinoi kan bi. Dibon Danti bidinok mben Israel icig ba, Efraim ne dipmot mighumbou ri.”

LUKAS 10:20

Noro ma jiyai ningon di llei drek dip ninnei rom nya di ibit jihyet au. Gi kei rino jiyai ningon di llei sut gino Allah pas kep jinyeng ei gwamti.”

YOHANES 5:27

Nicig yai nisindemti bak Nipmot leu binhyepo mbus tungwatu nya ingonti lewo Nipmot ne Munggwom Tungwatu Nipmot ri.

KISAH 20:28

Ma jinyohou jenti kin jide domba nya di Allah Ninnei ba ningon com je tut cem yahagom. Ma jinyohou jide mbusyamei nya noyam kin gembala di nyohou domba nya lewo Allah bindei ba, Nonti nok niceu mem mbusyamei nya tug hon Nipmot nimaisi.

KORINTUS GI NIGOM 13:12

Mun di ingat ei igyai him mem nijam dini noyam kin ingwes di ingat ei kisinati di pimber. Noro ei nidipti bu lene ingat ningat brei bisieng-siau kei. Ei nijam dini lene dingon dorti tut mun nyeng hagom bi. Noro ei nidipti bu lene midingon dorti tut mun nyeng hagom bit leu nok Allah ningon dorti tut dingon bei triti.

KORINTUS GI NIGOM 15:49

Nogindini ingwes dat no di Allah ba dihyei ndung bipai testi. Noro ei nidipti bu lene ingwes midat No di kwei leu gwamtiti.

KORINTUS GI NIGOM 15:54

Hammi tirigi ingut di mikroi ei dihyeiti ba ningut di bit bon kroi hanyen kan bi bijuk no ba, ningut di ntun dihyeisi dini him ba ningut di ntun gwamti him bijuk no lene nihyet di ipas ei Allah nipas kepti mipek kep nok gini “Allah bindei timek nimai de nisindemti bingwig leu su!”

KORINTUS GI NICAN 5:8

Gima rino ingon nddong. Igyok ingon mem nituti tirigi ikes ingut dini ei leu binhyepo yuug bong bit Tuhan.

EFESUS 1:22

Allah om mun di hagom ei bijehei Kristus nimig him leu api bindei ba, Kristus ninyeng tak kep mun di hagom nok nibou ndig mem mbusyamei.

NINDAT KEP TUHAN NICUKTI NYA 21:17

Mbro nok gino noni ne nicig nitnem ningon him ngi-ngat pima nipmot rin bi lo, suar nicig njei ndigban di nyeng tut nya mbican bram yam bak nipmot mighumbou dima. Suar nicig ndo nipmot mighumbou brei bak tungwatu nya lewo munggwom mighumbou dima dem mem gima ba nokep ndigban di nicig nyeng tut bit leu nok jide nikos tutti pai ei su.”

FILIPI 4:3

Na di disut di ningon gom e, handei kon ba, ampu sop cin dini. Lewo nipou ne ibrim ingkek bimpu da tirigi ditri tut Nihyet Di Kei leu Allah noyam kin Klemen kin disut bat nindigsi nya di inyeng tibim kin daptar yo di igyai niyaijo nijep nya yahagom.

KOLOSE 1:12

bijipai sigyo bak Icig Allah cem. Lewo Icig rino bindei ba, jidem mem jiyai mun di Noni bet ei mem Nide limwa di icoi bit Allah Ninyeng Tak Kepti di ntun nipigati him.

KOLOSE 1:24

Nogindini ninghuisi wei di diyai drek dip je biyai dingon llei. Diyai munti nya bindei ba, ninghuisi wei di ug hon nohonti bigyo di Kristus de awak nya igyai drek dip nimaisi ei biei salibti dima ngwig sindam. Diyai ninghuisi wei drek dip mbusyamei di ijem ninyeng Kristus ningut.

TIMOTIUS GI NIGOM 3:5

Leu gino noni nyohou bie tut nide ig bei nsi nya kan bi ne notou noni nyohou bie tut Allah de mbusyamei i?

IBRANI 11:4

Niba ningon comti bindei ba, Habel kwas mindhe bibui sut ninggrom bak Allah lene niyaisi dima kei bibor dor njiriek mun di Kain kwas bak Noni. Allah joi sut Habel di ningon sren drek dip munkwas di bindei ba, Allah joi sut noni. Mbro nok gino Habel mai su lo, ninghapti tibim kikau kwei bipek ammani kep tug hon nide niba ningon comti.

IBRANI 11:40

Lewo Allah nikos tutti di mem nyeni kei bibor njiriek mun di Noni kos tut mem yoni. Noni kos tut bipia bindei ba, yoni ikei-kau tirigi Noni bindei nyeni ikei-kau.

IBRANI 2:12

Noni ba mun di ipas ei Allah nihyetti bipai bak Allah “Miditri tut Na bak dikinjoi bat nya bidinggei sut Na ei yo di mbusyamei di idem yam ei nya yoho bei.”

IBRANI 9:27

Allah pai ei su bipia tungwatu nya yahagom imai mbigom ngat he leu api Noni mimbus ingonti.

YAKOBUS 1:18

Noni yai niyaijo nijep binye bit leu Nonti ningon kanti tug hon nihyet di nijit. Niyai munti dima bindei ba, nye di tungwatu igya bibie mem Nide nipai testi nya hagom.

PETRUS GI NIGOM 2:23

Tirigi ikucang Noni ne buhup bikucang yok hanyen bi sren. Tirigi ihwen bit Noni ne cug yok bi lene ba nihwen bit yokti birop hanyen bi sren. Noro kes munhyet dima ei Allah di nok Nikei di ningon sren-srau nindati.

NINGAT-HI-NGAT NYA 13:8

Tungwatu dihyeisi dini hagom ikuk yok bak mindhe dima binggei sut. Noro tut yo di inyeng jo ei srat niyaijoti habiei ei nimbie him tirigi Allah pai tes dihyeisi dini bigyo ne ikuk yok bak bi. Srat dima ne Domba Pmot di ibui bimai De srat ri.

NINGAT-HI-NGAT NYA 14:4

Yo dini ne pinai nya di igyem njita tut sop nya bi sren rin ba, ingon kwes kei. Ibit-bit nyen Domba Pmot ug ei tirima-tirima. Ba, inok mighumbou di igyati kwes bibie leu tungwatu nindigsi nya mem Allah kin Domba Pmot.

NINGAT-HI-NGAT NYA 20:15

No dima com yo dino inyeng jo ei Srat Yo Di Igyaijo Nyati bi nya ei muk humti.

NINGAT-HI-NGAT NYA 6:11

Leu api Allah yai sinsun ndok di jei di tiei kei ba, bibikwop yahagom leu api kuk yok leu binhyepo ibet ingon mbigom bu bibou isut bat di inok awak mem Allah kin isut bat dima igyai nimai noyam yoni imangti dem ug e.

NINGAT-HI-NGAT NYA 6:9

Domba Pmot cug biei nggrai gi nimuhwi leu lene dingat yo di ingon gom di igyai nimai drek dip gi itri tut Allah nihyet innei a. Ba, dingat ninnei nya di ibicom yam ei nimbar hum ndok nikiou.