IBRANI 12:2 - ALLAH NIHYET MEM TUNGWATU NYA

² Ma, itou kep Yesus nggilun. Noni ta niba ningon comti habiei ei ingonti binyohou nye kikau ug bipek nohonti. Ningon cut leu Nide midyai drek dip biei salib bimmai sut nimai ei biei salibti bi. Lewo Noni yok ningon mem gima yai ningon llei biborti ei nidipti bu. Nogindini Noni gwam kui Allah ninda com binok nibou ndig bit Noni.

IBRANI 12:2 ပူးပေါင်းရင်းမြစ်များ

MAZMUR 110:1

Doia Daud. tuhan pai bak nibou ndig di ninyeng tak kep da “Ma agwam kui dinda com bibou doom ade siceu nya binok bilen mem amig ug e.”

MAZMUR 138:8

Mporo ayai bipek kep nipreu eisi nya di apreu ei mem da. Akes hon gima ayai abou tut Ade limwa nya au.

YESAYA 31:1

Yo di iba ingon com mben Mesir mem gima impu yok mitimek bingwig! Iba ingon com mben Mesir ide tentara nitu kin ide tentara di ibri kuda pran kin ide kuda pran di isindem kin ide kroba pran di sindem bibor. Noro iba ingon com tuhan di nok mben Israel ide Allah di kwes-kwau ba, yahara Noni mem gima mpu yok bi.

YESAYA 45:22

Je di tungwatu dihyeisi dini e, ma jingkwei hanyen ndam Da leu binhyepo diteu je bijingwes ngun! Dangkom ngat he rino Allah ba, allah hiter ningat rin bi.

YESAYA 53:3

Nyeni ighyet kinei sut noni biyoom nye leu noni. Noni yai niwei kin nidut biborti. Tungwatu nya iba ingha bak noni ba, nyeni cem ingon llei sut noni bi.

YESAYA 8:17

tuhan ku No binding leu Nide limwa di intun Yakub him nya igyai him noro diba dingon com Noni bidiyok dingon mem Noni.

MIKHA 7:7

Noro nye di iba ingon com tuhan ne iba ingon di nddong bicem kep puig ser ide Allah nikweisi. Noni mimiap kep ide nadi biteu nye ba, ingwes ngun.

ZAKHARIA 12:10

Leu api midibindei ba, yo di intun Daud him kin timiei minu ndig Yerusalem ingon ya tut ningon ngakei yamti kin ningon ya tut naditi. Igyai mibong kep no di idat leu api ipim nggruet drek dip noyam kin no di pim nggruet drek dip nipmot di nimig gom nimaisi pimo. Yoni iba ingon di ngguk bibor bipim nggruet noyam kin no di nide munggwom mighumbou sar leu no pimo.

MBEN ISRAEL IMBUT-MBUT NYEN 21:9

Gima rino Musa ba ngkimom-tembaga bibon wou gom bikes ei biei dip lene tas biei tut leu binhyepo tungwa tou rino wou dima ham mikei hanyen gino noni tou kep wou ngkimom-tembaga nggilun.

MATIUS 16:21

Leu mpe dima bikui ne Yesus kindi pai brei bak yo di igya kui Noni “Suar Da duug ei Yerusalem leu api nibou mben Yahudi nya kin imam nindig nya kin guru Puig Yahudi nicukti nya migyai ninghuisi wei biDa leu api mijem nimai gau Da noro njap ningai bu lene midikiju hanyen leu dimai eisi.”

MATIUS 20:28

Bit leu nok Munggwom Tungwatu Nipmot di kwei leu binhyepo tungwatu nya inyohou Noni bi noro kwei leu binhyepo nyohou tungwatu nya leu api kes ninnei ei mem bikwek imang bibor leu mun di kat yok.”

MARKUS 14:36

Ba, ngat nadi bipai “Arig e, asindem mem mun nyeng hagom. Ma ayai ninghuisi wei dini binjiriek leu Da hak ug. Noro dibit dingon kanti bi leu binhyepo dibit angon kanti.”

MARKUS 15:28

Tug hon nisinati dima lene Allah nihyet nipaisi dini pek kep mem Noni. “Ikwop Noni kin yo di ipigau hanjop nya.”]

MARKUS 16:19

Niabiati Tuhan Yesus mbrap bit yo di igya kui Noni leu lene Noni ngkwei hanyen ug ei gwamti bigwam kui Allah ninda com.

MARKUS 9:12

Yesus buhup “Gima igbit rin lewo Nabi Elia ttau bibie kwei leu binhyepo nyohou dimig mun nyeng hagom bikei hanyen. Noro notou mem Munggwom Tungwatu Nipmot i? Nggon rino Allah nihyet pai sut Munggwom Tungwatu Nipmot bipia miyai ninghuisi wei nindig bibor ba, tungwatu nya mibimangkrei Noni ugwai-gwai i?

MARKUS 9:24

Haninyai no dima hara Yesus “Diba dingon com Na noro wer dem bi ba, ampu da leu binhyepo diba dingon com Na nindig bibor bu.”

LUKAS 17:5

Yo di igya kui Yesus yahara Noni “Na di Tuhan e, ayai nisindemti binye leu binhyepo niba ningon com Na mungkun kei.”

LUKAS 23:11

Herodes kin nide tentara nya iba Yesus bikek ba, iba ighyet bicig Noni cem. Ijuk sinsun ndok di jei di nibok kak ei Noniti leu api Herodes pinak Noni bingkwei hanyen ug ei Pilatus noho bei.

LUKAS 24:26

Suar jide Nibou Ndig di teu tungwatu nya biyai niyaijo nijep biyok yai ninghuisi wei nipou leu api ug krau Nide nikei-kau-keisi bi e?”

YOHANES 1:29

Njapti kui bu ne Yohanes ngat igbit Yesus tirigi ttau kwei. Noni pai biyok “Jingat i! Domba Pmot Allah de di kos ser tungwatu dihyeisi dini ide sisar No rima!

YOHANES 12:24

Dipai nijit bipia gino tungwagom ndim gandum ningan ba, mai ei dihyeiti bi lene ningan dima gom ngat he. Noro gino noni ndim ningan dima ba, dem kep nok mai ei dihyeiti lene ningat mang bibor ntun him.

YOHANES 12:32

Tut Dani ne tirigi tungwatu nya ikon Da ei nnai leu dihyei ninjek dip ne midinduk tungwatu nya yahagom kwei ndam Da.”

YOHANES 13:3

Yesus kan tut bipia Nicig kes nisindemti hagom ei nindati bikan tut bipia Noni kwei leu Allah habiei lene mingkwei hanyen ndam Allah bu.

YOHANES 6:40

Lewo Dicig joi sut gima tungwatu nya yahagom ingat igbit Allah Nipmot leu api iba ingon com Noni apino yo dima igyai niyaijo nijep di jo kikau lene diwin yok hanyen leu imai eisi ei Njap Ningwig Honti.”

YOHANES 8:56

Jicig Abraham yai nillei lewo noni kan tut bipia noni mingat Dani bou niyai him. Tirigi noni ngat Da tu lene ningon llei bibor!”

KISAH 2:36

Gima rino suar mben Israel yahagom igyok ngon kep mungkun kei bipia Allah bindei ba, Yesus di jipek kin biei salib ninyeng Tuhan kin Nibou Ndig di teu tungwatu nya biyai niyai niyaijo nijep biyok cem ri!”

KISAH 3:15

Jibindei ba, No di nok nibousi mem niyaijo nijep dima yai nimai. Noro Allah kon Noni hanyen leu nimai eisi. Ningat nikiju hanyenti bou nyeni niyai him tu.

KISAH 5:31

Lene Allah kon Noni bigwam kui ninda com biyai nisindemti biNoni cem. Allah ndo Noni nok Nibou Ndig kin No di teu tungwatu leu sisar biyai niyaijo nijep biyok cem. Tug hon nisinati dima lene Allah bon nituti kin nikwesti mem mben Israel ittin ser ide sisar bikiek ndam Allah leu api Noni mikos ser ide sisar.

KISAH 5:41

Petrus kin Yohanes iba ingon di llei bibor behei leu Nikei Puig Yahudi ikieti lewo ingat bipia Allah ba ningon com yok tut gima igyai ninghuisi wei drek dip Yesus tu.

KORINTUS GI NIGOM 1:18

Mem yo di yuug dor nikineisi ne nihyet tut Kristus nimai ei biei salibti dem kep nok nihyet minyei he. Noro mem nye di igyai niteu leu sisarti kin niyaijo nijep ne nihyet dima dem kep nok Allah de nisinati mem gima ndo Nide nisindemti ri.

KORINTUS GI NIGOM 1:23

Noro tut nyeni ne nitri tut Kristus nimai ei biei salibti. Mben Yahudi ingon mpo tut nihyet dima ba, ngkiai nya ikan bipia nihyet dima ne nihyet minyei he ri. Lene ngkiai nya ikan bipia nihyet dima ne nihyet pei mbum ri.

EFESUS 2:16

Kristus nggek tut ide niba nitok biyamti leu lene ba nye bisok yam nok gom tug hon nimai ei biei salibti. Tug hon nisinati dima lene Noni yai yo dima ingon kwes kin Allah hanyen.

EFESUS 5:2

Ma jiyai jinnei di mpung tut ningon ngakei yamti noyam kin Kristus di ningon ngakei nyeni. Noni kes niyaisi ei biya luei nye tereu nok mun di ngge kei di ibui bibam ei nimbar hum dokti di bipwoi Allah ningon.

FILIPI 1:6

Diba dingon com bipia Allah di kinyon ei midyai di kei bibor diniti ei jingonti miyai kep midyai dima kikau bibou put hon ei Njap Di Kristus Yesus kwei hanyen.

FILIPI 3:20

Noro nyeni ne timiei gwamti nya rin ba, ide Nibou Ndig di teu nye leu sisar biyai niyaijo nijep binye mikwei hanyen leu ginyo kug. Noni ne Tuhan Yesus Kristus ri. Iba ingon llei nindig bibor biyok ingon mem nikwei hanyenti.

2 TIMOTIUS GI NICAN 4:8

Nogindini Allah tin ei munkwas hi mem da lewo didor bipek nipekti tu. Tuhan Yesus Kristus di nok Nikei di ningon sren miyai munkwas dima bida ei Njap Ningwig Honti lewo diba dingon di kwes kin Allah biyai ditde niyai munti nya. Noni tin ei munkwas dima mem dangkom he bi noro mem yo di icem kep puig ser nikwei hanyenti nya yahagom.

IBRANI 1:13

Allah pai bak Nide malaikati hi “Akwei gwam kui dinda com bibou doom ade siceu nya ba, inok bilen mem amig ug e” bi sren.

IBRANI 1:3

Allah nikei-kau-keisi piga kei tug hon Nipmot. Nipmot dat Nicigti binyohou mun di Nicig pai tes nya titut yam tug hon nihyet di sindem bibor. Niabiati Noni tin puig mem tungwatu nya igyai niteu leu sisarti tu lene Noni gwam ei banggo mbrei dip kui Allah di Sindem Bibor ninda com ei gwamti.

IBRANI 10:14

Kristus ba midut nibikos ser sisarti gom ngat he bibindei ba, tungwatu di igyai nipiap leu sisarti dima ingon kwes kikau.

IBRANI 10:33

Mpe hi ne tungwatu nya ikucang je bou tungwatu nya igyai him bihwen bit je cem. Mpe hi bu ne jitti kin yo di igyai inghuisi wei leu yo dima.

IBRANI 11:36

Yo di isibut nya iba ighyet bicig yok cem imbas yok cem iba lante biteu yok ug ei ig bui nsi cem.

IBRANI 12:3

Ma jibisrip tut Yesus di yai ninghuisi wei bibor leu tungwatu nya di imbuk tut Noni bibor ug e. Leu binhyepo jingon nghen leu bicut leu au.

IBRANI 13:13

Ma jikwei ba, yuug ya kin Noni ei minu ndig nisai ma kwei bitug ndei nipai nye kineisi bit Noni.

IBRANI 5:9

Yesus yai kep Nide midyai nok No di teu tungwatu nya leu ide sisar dima biput leu api ta Nonti nok nibousi mem niteu leu sisar kin niyaijo nijepti di jo kikau mem yo di ingon gom tut nicuk yokti nya.

IBRANI 7:19

Lewo Puig Yahudi niggai serti sindem mem gima bindei mun nyeng hi bikei-kau-kei bi. Noro tini bu ne Allah bindei ba, igyok ingon mem puig di kei bibor di bon nikwesti mem gima ikuk nye ei Noho bei.

IBRANI 8:1

Mun di nyeni nisimbot dat dima ningat ne Imam Nibou Ndig di nok gima ya hacan mem nye ba, Noni gwam kui Allah di Sindem Bibor ninda com ei gwamti.

IBRANI 9:28

Gima rino Kristus kes Nonti ei mbigom ngat he bijo ninno bijo kikau nok mindhe di ibui sut ninggrom leu binhyepo bidip tut tungwatu nya imang bibor ide sisar. Noni mikwei hanyen nimbican mem gima kos ser sisar bi noro mem gima teu yo di igyok ingon mem nikwei hanyenti.

YAKOBUS 2:1

Disut bat je di jingon jo kep Tuhan Yesus Kristus di Tuhan Di Kei-kau e, ma jimig mbus tungwatu nya tereu nok hi kei hi kinei bit leu nok ingat di jingat bou jiyai him au.

PETRUS GI NIGOM 1:11

Yoni inyohou pigot bram nimbot kepti kin tto bou mem nipek kepti tug hon Kristus Ninnei di ningat rin ei ingonti ningon kanti. Lewo Kristus Ninnei nyohou pingok ingonti tut nijam dino Kristus miyai ninghuisi wei kin nikei-kau-keisi ei niabiati bu.

PETRUS GI NIGOM 3:18

Lewo Kristus Nonti mai mbigom ngat he bijo kikau mem ide sisar. Noni ne No di ningon sren-srau di ya luei yo di ibon sisar nya yohoti rin leu binhyepo buwak je kwei bijitti kin Allah. Kristus mai bit leu gi mbun ningut tungwatu. Noro tirigi Allah win Noni ba, niyaijo hanyen lene noni mbun ninnei di bit bon mai hanyen kan bi.

PETRUS GI NIGOM 3:22

Yesus Kristus kui ug ei gwamti biya kui Allah ninda com tu. Ba, ninyeng tak kep malaikati nya kin nibou nya kin nisindemti nindigsi nya ei mpia-bbed him.

YUDAS 1:21

Ma jinyohou jenti leu binhyepo Allah ningon ngakei jeti ppu hum kin jingonti mem nijam di jiyok jingon mem ide Tuhan Yesus Kristus nikwei hanyenti. Noni miyai niyaijo nijep di jo kikau bije tug hon ningon di nggriu sut je.

NINGAT-HI-NGAT NYA 1:11

Nihyet dima cuk da “Ma apas kep mun di angat dini hagom ei srat gomti leu api apinak bak mbusyamei ei minu ndig Efesus kin Smirna kin Pergamus kin Tiatira kin Sardis kin Filadelfia kin Laodikia.”

NINGAT-HI-NGAT NYA 1:17

Tirigi dingat Noni lene diba dingwak bikik mpia ei nimig him dem kep no di mai su. Noro Noni ba ninda com bitak da bipai bida “Attin tut au! Dani ne nimbie him kin nohon keti,

NINGAT-HI-NGAT NYA 1:8

Allah di Sindem Bibor pai “Dani ne nimbie him kin nohon keti rin lewo dingat rin annani kin ammani bidikwei hanyen yo.”

NINGAT-HI-NGAT NYA 2:8

“Apas srat dini bak malaikati di buhup tut mbusyamei ei minu ndig Smirna. Nipas kepti dini kwei leu No di nimbie him kin nohon keti ba, No di mai su kin No di kiju hanyen leu nimai eisi.