IBRANI 12:1 - ALLAH NIHYET MEM TUNGWATU NYA

¹ Tut nyeni lene imang bibor di ikrau kep ide niba ningon comti igwam ttai nye bigyok igyai kep nye. Gima rino jikwei ba, ikes mun di ngot kep nye kin sisar di srou nye ei leu api iba ijoi bibor bidor sindem kak puig di Allah ndo binye tu.

IBRANI 12:1 ပူးပေါင်းရင်းမြစ်များ

AYUB 8:10

Noro ma amiap kep ndigpoi di ingon ki nya ighyet di ipai kep nipou nya. Ide ningginausi pai bina,

MAZMUR 18:23

Dibit Nide nikos tutti nya hagom. Digitunggwei sut nicukti nya bi.

YESAYA 60:8

Kibar minyei di mbut sindem noyam kin bumbuhui ei minyei ngwa dip kin hakimoi di dwop juk kwei ei nibasti dima kwei leu hantou i?

YEHEZKIEL 38:16

Leu api acoi ba, ahwen Ditde limwa di mben Israel. Ahwen yokti dem kep nok hou sigau di cut di hwen dihyeisi dini. Gino nitutti dem ne midipinak na mem gima ayai Ditde dihyei ba, ayati. Nibou ndig Gog e, midihwen yok tug hon na leu api tungwatu nya yahagom mikan tut bipia dinyeng rino Allah di Kwes-Kwau.

YEHEZKIEL 38:9

Noni kin nide tentara kin mben ngot di injei bit noni minjei kwei ba, icoi bihwen bidem kep nok sigau. Yoni mikieng kep minu dima noyam kin bumbuhui di jun minu dima.”

MATIUS 10:22

Ba, tungwatu nya yahagom ingon mpo tut je drek dip gi jiya kui Da. Noro Allah miteu no di ya ngkiem kikau ug bipek ningwig honti ba, ningwes ngun.

MATIUS 24:13

Noro Allah miteu no di ya ngkiem kikau ug bipek ningwig honti.

MARKUS 10:50

Haninyai noni kiju kui bikes nide ban bijo ei lene bisau buug ndam Yesus.

LUKAS 12:15

Leu api Noni binut nihyet bu bipai bak yo di yahagom di ingat rin ei mpia dima “Ma jisok kep jenti ba, jinyohou jingonti ser nhyema jibon sisar ningon pri kep ndigbanti au. Leu mbro nok gino jinyeng tut ndigban nindig bibor lo, jiyaijoti tug hon jide ndigban bi.”

LUKAS 16:28

ndam dikinjoi bat nya ibou muhwi ei sirima leu binhyepo sok kep yok ser nhyema icut bisar ei mpia di ditug ndei ninghuisi wei eisi dini bi.’

LUKAS 21:34

“Ma jingon sok kep jenti. Leu gino jibou sibui ei nibon pestati kin nidut mun di pu jeti kin niyai munti nya di mipror yon lene njap ningwig honti mittau kros kep je,

YOHANES 3:32

Noni tri tut mun di Noni ngat bou niyai him bimiap ei nitingou nsi cem noro tungwatu nya ingon jo kep nihyet bi.

YOHANES 4:39

Timiei hanjop Samaria di ibong ei minu mien Sikar imang bibor iba ingon com Yesus drek dip misop dima di pai biyok “Noni ndat kep diyai munti nya hagom brei bida.”

YOHANES 4:44

Yesus Nonti pai nipou su “Nindigsi yahagom ikon no di nabi ninyeng noro gi mbun yo di ninttig-tta nya kin nide ig bei nsi nya ikon ninyeng bi.”

ROMA 12:12

Ma jiba jingon di llei bibor biyok jingon mem Tuhan lene ma jingon nddong tut mun di cut igkep je bijita jibou ei naditi cem.

ROMA 2:7

Allah miyai niyaijo di ningat di jo kikau bikwop bak yo di ita ibou ei midyai di kei bibor nyati bibindei ba, Noni nggei sut yahagom bikon inyeng biyai niyaijo di singat kei biyok.

KORINTUS GI NICAN 7:1

Disut bat di dingon kieti jen e, Allah preu ei mem nye tut mun dini yok hagom tu. Gima rino ma imbres nyenti leu map di kui ingut kin ingonti hagom ba, ibiyai ingon di kwes-kwau. Ma ide nittin tut Allahti bindei ba, iba ingon di gom bidimig nyenti bigyaijo ei mem Noni.

GALATIA 2:2

Dingkwei hanyen ug ei minu ndig Yerusalem lewo Allah bie tut da nok. Ba, dani kin nibou mbusyamei nya ninduk yam ei binyengkom leu api dipui sut Nihyet Di Kei gi ditri tut bak ngkiai nya. Dikrau dingon tut yok leu ma ijoi sut ditde midyai di nipou kin midyai di diyai kikep nya bi. Leu gi nok ne bindo bipia diyai midyai mikuisi he.

GALATIA 5:7

Nipou ne jimbut sindem bibor! Tou rikipon jeti mem jikes hon bijibit Nihyet Di Kei di nijit bu bi i?

EFESUS 4:25

Gima rino ma jibicum bu au! Noro ma yo di ingon jo kep nya yahagom iba ingon gom bimbrap bit yam. Lewo yahagom inggre kin Kristus ninguda.

FILIPI 1:30

Nogindini jeni cem jinjei bit da ei nikon pranti. Pran dini noyam kin pran di jingat bou jiyai him bipia dikon pran nipou su ba, jimiap dinghapti tut bipia dikon pran kikau kwei bipek ammani kep.

FILIPI 2:16

tirigi bon nikwesti mem jitri tut nihyet di biang niyaijo nijep biyok. Gino jiyai munti nok gima ne dillei ngwig sut je ei njap di Kristus kwei hanyenti. Lewo ningat di kei di ntun diyai munti nya him dima rinok bindo di bindo bipia dahanggwap mbilen mikuisi bi.

2 TIMOTIUS GI NICAN 2:4

Tentara di tindei ser pran yai midyai nyeng can bi. Leu binhyepo pwoi nibou tentara ningon ba, joi sut noni.

2 TIMOTIUS GI NICAN 4:7

Didor sindem bibor kak nipuig kikau ba, duug pek nipekti tu. Ba, dingon gom tut Kristus kikau kwei bipek ammani kep.

IBRANI 6:15

Abraham ba nibou coi bibet ningon. Gima rino noni yai mun di Allah preu ei mem noni.

YAKOBUS 1:3

lewo jikan tut bipia gino jiba jingon com Allah mem mpe dino mun di buhun cut igkep je lene ningon nddongti ntun him.

PETRUS GI NIGOM 2:1

Gima rino ma jicom sisar hagom leu je hak ug. Ma jiris yam cem jingon can cem jingon kinei sut yam cem jipai yam kinei cem bu au.

PETRUS GI NIGOM 4:2

Hon kep ammani kui ne ma Allah ningon kanti om kep jiyaijoti ei dihyeisi dini lene ma jingut kanti nya om kep je bu au.

PETRUS GI NIGOM 5:1

Je di nibou mbusyamei nya e, dani cem nibou mbusyamei. Dingat Kristus bou diyai him tirigi Noni yai ninghuisi wei. Midipriet kin Kristus nikei-kau-keisi tirigi Noni ndo Nonti brei ei tungwatu nya igyai him. Gima rino dipingok jingonti leu binhyepo jiyok ngon kep ditde nipingok jeti nya.

PETRUS GI NIGOM 5:12

Disut Silas mpu da bipas kep srat dini. Dikan tut bipia noni ne no di Kresten di ningon gom ri. Dibiwin kep jingonti bidipai jit bipia mun di nipas kep ei srat diniti ndo tut Allah nisingat tut nyeti di nijit. Ma jikrop jinda ei Allah nisingat tut nyeti kikau.

PETRUS GI NICAN 1:6

Ma jiba noom kep jingut kanti nya bindei mbut jide ningon di dorti tut Allah ningon kanti. Ma jiba jingon di nddong bindei mbut jide noom kep jingut kanti nya. Ma jiba jide niyai mun tug hon ningon di kwesti bindei mbut jide ningon nddongti.

NINGAT-HI-NGAT NYA 1:9

Dani ne Yohanes ba, dinok jisut no di Kresten ri. Dibicom yam bit je mem nijam di iba ibou coi mem ninghuisi wei di cut igkep Nide limwa nya di inok gom kin Kristus. Disima ei Mios Patmos drek dip gi ditri tut Allah nihyet di Yesus ba Nonti nihyet bibindei sindem bibor.

NINGAT-HI-NGAT NYA 13:10

No di yai hukum nisima ei ig bui nsi misima hak. No di miyai nimai tug hon singau simeda miyai nimai tug hon singau simeda hak. Gima rino suar Allah de limwa nya ingon nddong ba, ingon gom cem.

NINGAT-HI-NGAT NYA 22:16

“Da di Yesus dipinak Ditde malaikati leu binhyepo noni hwou tri tut mun dini yok hagom ei mbusyameisi nya. Dintun Daud de keret him. Dani ne singmur mpia priti di njeng kei ri.”

NINGAT-HI-NGAT NYA 3:10

Midinyohou je leu nijam di buhun bibor di mikieng kep dihyeisi dini hagom lewo jibit dicuk jeti nya bijiba jibou coi mem ninghuisi wei di cut igkep je. Nijam di buhun bibor dima mibingon tungwatu dihyeisi dini yahagom.