IBRANI 11:8 - ALLAH NIHYET MEM TUNGWATU NYA

⁸ Niba ningon comti bindei ba, Abraham ce tut bibit Allah nihyet tirigi Noni dimig Abraham ba, pinak noni ug ei minu di Allah preu ei mem noni. Abraham kes nitimieisi bimbut ug ei ningkiaisi di noni kan tut bi.

IBRANI 11:8 ပူးပေါင်းရင်းမြစ်များ

NITRITI 11:31

Mpe dima lene Terah hei sut nipmot Abram kin nignyon Lot di Haran nipmot kin Abram nitnem di Sarai leu api ijo leu minu ndig Ur ei minu Babilonia bihigom ba, yuug ei minu Kanaan. Tirigi ikwei krau puig sinon ei minu Haran lene ibong hak ei sirima.

NITRITI 12:5

Noni buwak nitnem Sarai kin nikinjoi nipmot Lot bitut nide ndigban kin awak nya di noni nyeng tut ei minu Haran ba, hei sut yok biyuug ei minu Kanaan. Niabiati yahagom yuug krau minu Kanaan tu lene,

NITRITI 12:7

Lene tuhan ndo Nonti bak Abram bipai binoni “Minu dini ne minu di mporo midiyai bak ade nintun him yamti di bram yam nya ri.” Lene Abram dingug tig nindig bijo-jo yam dip nok nimbar hum dok mem gima binggei sut tuhan di ndo Nonti bak noni.

NITRITI 15:5

Lene tuhan buwak Abram ug ei nisai leu api pai binoni “Ma acap ser mpia-bbed him bibou akwop bidem ham mpia-bbed him nya nimangti hagom ug e. Lewo ade nintun him yamti di bram yam nya imangti midem kep ham dima yok hagom nimangti.”

NITRITI 17:8

Mbro nok gino abong angkiaisi ei minu Kanaan dini lo, mporo midiyai minu dini leu nisurti-nipekti hagom binani kin ade nintun him yamti di bram yam nya bijo ninno bijo kikau bidinok ide Allah ri.”

NITRITI 20:13

Tirigi po Allah cuk da kwei leu ditimieisi ba, dibong-bong nyen ei dingkiaisi dini lene dicuk Sara bipia ando angon di gom tut da tug hon gima atri tut bak tungwatu nya bipia akijam ridani.”

NITRITI 22:18

Mben dihyeisi dini hagom mporo mijoi sut gima dinjei mun di kei bak yoni bit leu nok dinjei mun di kei bak ade nintun him yamti di bram yam nya drek dip gi abit Ditde nicuk nati tu pima.”

NITRITI 26:3

Leu mporo midinyohou nani ba, dinjei mun di kei bak nani cem. Mporo midipek minu dini hagom bina kin ade nintun him yamti di bram yam nya. Mun po dipreu ei mem acig Abraham pima mijo ei mem nani cem bu.

YESAYA 41:2

Tou pingok ei nibou ndig di sindem bibor gom ningonti bibuwak noni kwei leu nite bei mpia nipriti i? Tou ribindei ba, noni hwen nide siceu nya bitimek bingwig bidem minu i? Tou risindem tut noni leu binhyepo co kep mben nya bikuk nibou ndig nya ei nimig him i? Noni ba nide simeda bitot yok lene bindei ba, yahagom inok dihyei ndung. Nide tibor nya bindei ba, inang bingwig noyam kin minta mui di bit houa.

YESAYA 51:2

Ma jiyok ngon kep jidigup bat-jidigai bat di Abraham kin Sara di isrek tut je. Mpe di po didimig Abraham lene noni bon nimunggwom hi bi. Noro dinjei mun di kei bak noni tug hon nide nintun him yamti di bram yam nya di diyai binoni.

YEHEZKIEL 36:24

Midimbus je kwei leu bikwop ngkiai nya yahagom ikieti leu api dibuwak je hanyen kwei leu dihyei nisurti-nipekti mem gima jibong ei jitimieisi hanyen.

MBEN ISRAEL IMBUT-MBUT NYEN 10:30

Noro Hobab buhup bak “Dipai sigyo, noro dingkwei hanyen ug ei ditimieisi hanyen bu ug ri.”

MATIUS 2:21

Gima rino Yusuf kiju ba, usap munggwom dima pip nipmem bingkwei hanyen ug ei minu Israel.

ROMA 1:5

Allah bindei ba, Yesus Kristus singat tut da bikon dinyeng nok no di ya kui Noni bidinok awak mem Noni cem leu binhyepo dibuwak mben dihyeisi dini hagom ndam Yesus leu api iba ingon com Noni bibit nihyet.

ROMA 10:16

Tungwatu nya imiap Nihyet Di Kei dima noro yahagom ijoi sut bi. Lewo Nabi Yesaya pai “Na di Tuhan e, tou riba ningon com nyeni nihyet i?”

ROMA 6:17

Noro ma jikwei ba, ipai sigyo bak Allah! Leu mbro nok gino sisar ubon je bijinok awak nipou su lo, tini bu ne jiba jingon titut yam bibit ningginausi di nijit-jau di Allah yai bije tu.

KORINTUS GI NICAN 10:5

ninggek nisindem nibousi nya di yo di ingon jei nya ingot bisrin ser puig di bie ndam Allah. Nikat ningon kanti nya di ntun dihyeisi dini him binikuk hagom bibit Kristus nihyet cem.

NINDAT KEP TUHAN NICUKTI NYA 9:5

tuhan misindui sut jeni bijiyai ide minu bijiyati tug hon jide nikwes-kwausi kin gi jibit Nonti ningon kanti nya bi. Noni mihwen yok bingwig leu je drek dip ide nisibut biborti ba, Noni yai igbit mun po Noni preu ei mem jidigup bat-jidigai bat di Abraham kin Ishak kin Yakub nya cem.

IBRANI 11:33

Niba ningon comti bindei ba, yo dima ikon pran bit nibou ndig nya bitut tentara nya bibindei ba, nibou ndig nya icut biyok. Ide nikon pranti dima ne igbit rin lewo iba ingon com Allah De nipreu ei mem yokti. Gima cem itak kep ser singa nya yuhui ba,

IBRANI 5:9

Yesus yai kep Nide midyai nok No di teu tungwatu nya leu ide sisar dima biput leu api ta Nonti nok nibousi mem niteu leu sisar kin niyaijo nijepti di jo kikau mem yo di ingon gom tut nicuk yokti nya.

YOSUA 24:3

Lene dihig jide pung Abraham dima kwei leu nitimieisi ei Minyei Efrat nite dima ug ba, dibuwak noni kwei ei minu Kanaan leu api noni ya bidem nisurti-nipekti hagom. Lene dibindei ba, nide nintun him yamti di bram yam nya imang bibor. Lene dibindei bu ba, noni yai nipmot Ishak.

PETRUS GI NIGOM 1:22

Jibit Nihyet Di Kei nicuk jeti tu. Gima rino Allah kos ser jide sisar bijingon kwes tu. Jiba ningon di gom bingon ngakei jisut bat yo di ingon jo kep nya. Ma jiba jingon titut yam bikum ei jide ningon ngakei yamti.

PETRUS GI NIGOM 3:1

Nok gima cem tut je di sop nya. Ma jiba jibou coi mem jijjep bat nya ighyet leu binhyepo gino bihi ingon jo kep Allah nihyet bi ba, jahap jiji cem bi lo, jiyai munti di kei bibor nya mibindei ba, jijjep bat nya ingon jo kep Kristus.

PETRUS GI NIGOM 4:17

Nijam mem Allah mbus tungwatu nya ingonti dideu su. Noni mimbus Nide limwa nya ingonti bibie. Gino Noni kinyon ei nimbus ingonti bibie ne notou mem yo di ingon jo kep Allah Nihyet Di Kei bi nya i?